رواية شيماء

.
سمير خير يا روحي .
بوسي أنا عايزة أكمل تعليمي .
سمير ايه ليه وأيه اللي فكرك دلوقتي .
بوسي وهي پتبكي عشان حسيت أني قليلة وسط الكل حسيت أني جاهلة لما تهت ومعرفتش أتكلم حسيت أني حأبقي أم فاشلة لأني مش حأنفع ولادي .
سمير وهو بيهديها بس يا بوسي يا حبيبتي متقوليش كده أنتي ست الستات .
بوسي في عينك أنت بس .
سمير پغضب وأنتي عايزة تبقي في عيون مين كمان .
بوسي أرجوك يا حبيبي أفهمني أنا ميهمنيش حد غيرك بس أنا عايزة أبقي كبيرة في عيون ولادي وقدام نفسي أرجوك يا سمير توافق .
سمير ايوه بس ازاي جامعة يعني خروج ودخول وأختلاط وأنا ده مينفعش معايا .
بوسي لا متشغليش بالك أنا حأقدم في الجامعة المفتوحة ويا سيدي هاتلي حد يدرس ليا وأروح بس علي الأمتحانات .
ضحك سمير وقالها ده أنتي مرتبة كل حاجة .
بوسي بدلع وهي بتحضنه من ظهره مش عايزة أتعبك يا بيبي .
فألتفت ليها سمير وهو بيضحك وقالها لا طالما فيها بيبي يبقي موافق وأمري لله بس علي شرط .
بوسي اللي تطلبه يا حبيبي .
سمير كل اللي أطلبه متأكدة .
بوسي طبعا .
سمير فاكرة قميص النوم الأحمر القصير ده اللي جبناه من باريس أيه رأيك نجربه دلوقتي .
ضحكت بوسي ضحكة مٹيرة وقالت له بس كده ثواني وأجيلك .
وبعد كده سكتت شهر زاد عن الكلام المباح .
أما عند جسور و ميسون فالحياة أتغيرت خالص بعد ما رجعوا من السفر ميسون حست بغلطها في حق جوزها وحست كمان بأنه وحشها أوي ونفسها تعوض كل اللي فات تاني معاه وفعلا ده اللي بدأت تعمله وفي أول يوم بعد رجوعهم من السفر قضت يومها مع أبنها ولما قرب ميعاد رجوع جسور سابت الولد للمربية ودخلت أوضتها ولبست قميص نوم من الحاجات اللي أشترتها من باريس مع مريم و سيلين عشان تفأجا بيها جسور وأختارت قميص لونه أسود قصير جدا ومكشوف خالص من علي الصدر وده كان مش طبيعة لبس ميسون لأنها بطبعها خجولة بس مريم نصحتها أن الراجل بيحب الست اللي بتعرف تدله جوزها وأنها لازم تبطل الكسوف ده وفعلا لبست القميص وحطت روج أحمر وبرفان مثير جدا وقعدت في السرير بطريقة مغرية مستنية جسور يدخل .
وفعلا جسور وصل ودخل الأوضة وأول ما شافها قال ايه ده بسم الله الرحمن الرحيم أنا غلطت في الأوضة والا ايه وفعلا خرج بص علي الأبواب لقي أنها أوضته دخل تاني وهو مستغرب مش ممكن دي تكون ميسون .
ميسون أيه يا روحي مستني أيه تعالي أدخل .
بص جسور ليها وقال أنت ميسون مراتي .
ردت ميسون وقالت هو في حد ممكن يكون هنا غيري .
جسور وهو منبهر بجمالها وأنوثتها أصلي بصراحة مش مصدق الجمال والحلاوة دي كلها .
فردت عليه ميسون بدلع اوي وهي بتتحرك علي السرير عشان تغريه أكتر وقالت هو أحنا حنقضيها كلام يا روحي .
قلع جسور جاكت البدلة وقال كلام لا طبعا أحنا بتوع الأفعال .
وسكتت شهر زاد عن الكلام المباح .
أما بالنسبة لميادة و آسر
فحياتهم جميلة بحبهم وتفاهمهم مع بعض ونفس الكلام ل سيلين و مالك .
ومع مرور السنين حاجات كتير أتغيرت ميسون سافرت بره وعملت عملية وحالة قلبها بقت ممتازة وكملت دراستها وبقي عندها غير ياسين بنوتة جميلة سمتها مريم لأنها بتحب مريم جدا و جسور فتح لها مستشفي خاص وبقت بتشتغل وبتهتم بجوزها وولادها وكمان ميادة أقنعت آسر أنها تشتغل معاه بعد محاولات كتيرة ولما كمان ولادها كان سنهم بقي سن مدارس وتقدر تشتغل في الوقت اللي بيروحوا فيه المدرسة وقدرت بوسي أنها تكمل تعليمها ودرست في كلية أدارة أعمال ولما خلصت طلبت من سمير أنها تشتغل معاه وبعد محاولات كتيرة وافق سمير وفعلا بدأت بوسي شخصيتها وحياتها تتغير بدأت تحس بالمسئولية وبكيانها وأنها بقي ليها شخصية خاصة بيها مش مجرد زوجة ل سمير الكردي أما سيلين فبقت من أهم سيدات الأعمال بالخارج وقدرت تكبر الأمبراطورية بتاعة حماها .
وبرغم مرور السنين الأ أن علاقات الصداقة بينهم فضلت مستمرة بل بالعكس بقت أقوي وأعمق وحتي كمان أولادهم بقوا أصدقاء .
وكانت الزوجات دايما بيتقابلوا كل يوم خميس في النادي عشان ولادهم يلعبوا مع بعض وهما يقضوا وقت حلو سوا .
وفي يوم وهما قاعدين مع بعض في النادي سيلا بنت ميادة جاية تجري علي مامتها وبتعيط مامي .. مامي ... ياسين بيزعق ليا ومخاصمني .
ميادة ليه يا حبيبتي أنتي عملتي حاجة .
سيلا لا يا مامي خالص أنا بس كلمت الولد اللي بيلعب معانا في الألعاب هناك .
في الوقت ده رجع ياسين ومامته ميسون بتسأله ايه يا ياسين بتزعق لسيلا ليه ومخاصمها .
ياسين صاحب الثمانية أعوام عشان مينفعش تكلم راجل غيري مينفعش تتكلم مع حد تاني .
كلهم قعدوا يضحكوا وميادة بتقوله ليه يا حبيبي كلكم أصحاب مع بعض .
رد ياسين محبش خطيبتي تكلم رجالة .
أنفجرت وقتها ميسون من الضحك وقالت طالع حمش يا حبيبي زي بابي خلاص يا ميادة أبني قرر أنها خطيبته من غير حتي ما يتقدم .
فردت ميادة بضحك ده حتي من غير ما يسألها رأيها .
وقتها راحت سيلا لياسين وقالت خلاص متزعلش مني يا ياسين أنا مش حأكلم حد تاني غيرك خالص .
ضحك ياسين ومسك أيدها وحدها عشان يكملوا لعب وسط ذهول الجميع .
وتمر الأعوام سريعا حتي مرت عشرون عام والليلة من أجمل الليالي اللي ممكن أي أم تبقي مستنياها ليلة فرح بنتها وقفت بوسي مع بنتها وهي بتلبس وتستعد عشان فرحها كانت بوسي طايرة من الفرح وأكتر حاجة كانت مخلياها سعيدة أن بنتها خلصت تعليمها وبقت مهندسة وأختارت أنسان مناسب ليها والنهارده فرحها .
بسنت بنت بوسي بتقولها يا حبيبتي يا ماما ربنا يخليكي ليا أنا مش عارفة من غيرك كنت حأعمل أيه وخصوصا بعد مۏت بابا .
بوسي حبيبة قلبي ربنا يسعدك يارب يا أحلي عروسة .
بسنت ماما ممكن أسالك سؤال .
بوسي قولي يا حبيبتي .
بسنت عمرك ندمتي علي جوازك من بابا .
تنهدت بوسي وقالت لبسنت بصي يا حبيبتي أنتي كبيرة دلوقتي وأقدر أكون صريحة معاكي لو أنتي جيتي وقلت ليا يا ماما أنا بحب واحد أكبر مني بعشرين سنة مش ثلاثين زي اللي بيني وبين أبوكي لا يمكن أوافق مش معني كلامي أني ندمانة علي جوازي من أبوكي صحيح هو ماټ وأنا لسه صغيرة عندي سبعة وثلاثين سنة وفي ناس بتبدأ حياتها من سن قريب بس هو أداني حب يكفيني أكتر من عمري بعمر كمان حبي لأبوكي وحب أبوكي ليا حاجة نادرة أستثنائية حالة مش حتتكرر بس رغم أن عمري ما شفت حد غيره ولا عمري في يوم فكرت أسيبه لكن الخۏف والشك كانوا دايما معاه كل ما كان بيكبر في السن كانوا بيزيدوا أكثر ومهما حاولت أني أثبت حبي ليه وتمسكي بيه مكانش قادر

يتخلي عن شكه وخوفه وده اللي خلاه يتعب بالسكر والضغط والقلب كتر التفكير والقلق اللي كان عايش فيه بس مش معني كده أن حياتنا كانت وحشة أنا عشت في سعادة طول سنين عمري معاه وحأفضل عايشة علي ذكراه عمري كله أنا كنت محتاجة أنسان زي سمير يعوضني حنان الأب ويحبني زي ما كان بيحبني وهو كان محتاج وجودي في حياته كان محتاج واحدة تبقي حبيبته وبنته ومراته وصاحبته سمير راجل مش حيتكرر في الدنيا أبدا بس أنا عمري ما أنصح أي بنت تكرر نفس تجربتي بأنها حتتعب جدا وحتخسر حاجات كتير ويلي بقي يا عروسة عريس مستني .
حضنت بسنت مامتها وقالت يا حبيبتي يا ماما أنتي مريتي بحاجات كتير أوي بس قدرتي تتغلبي علي كل حاجة وبقيتي سيدة أعمال ناجحة وقدرتي تكملي بعد مۏت بابا وتخلي الشركة تقف وتكبر أكتر أنتي أم مفيش منك .
حضنت بوسي بنتها وقالت وأنتي وأخوكي نعمة ربنا وهدية من أبوكي ليا .
نزلت العروسة ماسكة أيد مامتها والعريس واقف تحت في أخر السلم عشان يأخد عروسته ويدخلوا القاعة اللي فيها الفرح في أكبر فنادق أسكندرية .
كانت بوسي بترحب بالمعازيم وهي فرحانة أوي وبعدين لقت جسور و ميسون داخلين عليها ومعاهم مريم راحت بسرعة تستقبلهم وتسلم عليهم .
ميسون ألف مبروك يا أم العروسة .
بوسي حبيبتي الله يبارك فيكي .
جسور الف مبروك يا هانم ربنا يسعدهم .
بوسي الله يبارك فيك يا أبو ياسين .
مريم طنط حبيبتي مبروك
بوسي عقبالك يا روح طنط أمال ياسين فين ومراته .
ميسون معلش يا بوسي أنت عارفة سيلا علي وش ولادة ومقدرتش تيجي وطبعا ياسين قاعد معاها الواد ده مش عارفة طالع لمين مش قادر يسيبها لحظة واحدة .
فمال جسور علي مراته وقال طالع لأبوه يا حبيبتي .
بوسي بضحك أهو جوزك قالك و سيلين حتقدر تيجي والا لا أنا طبعا مقدرة أن ۏفاة بابا مالك لسه مأثرة عليهم .
ميسون فعلا و مريم حالتها صعبة أوي طبعا سنها ما يستحملش حركة ولا زعل ربنا يصبرهم بس هي باعتة سلام معايا وبتقولك مستنية العروسين عشان تعملهم شهر عسل علي مزاجها وتحتفل بيهم بطريقتها .
بوسي كده ضمنت أنهم حيبقوا مبسوطين أنا لغاية دلوقتي مش ناسية سفرية باريس والأيام الحلوة اللي قضيناها سوا .
وهما واقفين بيتكلموا دخل عليهم آسر وميادة وسمعوا صوت ميادة بتقول مين بيجيب في سيرة سفرية باريس .
بوسي أهلا أهلا عندكم غرامة تأخير .
ميادة سامحيني عديت علي سيلا الأول أطمئن عليها وجئنا علي طول الف مبروك وبعدين يعني أنا مش قادرة أقولك أم العروسة اللي يشوفك يقول أختها .
ضحكت بوسي وقالت طول عمرك بكاشة اهلا يا أبو سيلا نورت .
آسر أهلا بحضرتك وألف مبروك ربنا يسعدهم .
بوسي اتفضلوا علي الترابيزة بتاعتكم .
وأخذت جسور و ميسون و مريم وميادة و آسر وراحوا قعدوا كلهم علي ترابيزة واحدة .
في الوقت ده أدهم أبن سمير وبوسي راح وسلم عليهم وبعدين قال ل مريم بطريقة واضح أوي أنه بيدور علي حاجة عشان يخليها تقوم معاه مريم مش حتيجي تسلمي علي العروسة .
اتكسفت مريم وأستئذنت باباها و جسور
وافق وهو حاسس بأن بنته اللي بېموت فيها خلاص قربت تسيبه وتكون ليها حياتها الخاصة .
قعدوا كلهم يتكلموا مع بعض ويستعيدوا ذكرياتهم سوا والأيام الحلوة اللي كان السبب الرئيسي فيها مريم .
وفي نهاية الفرح والعروسين بيسلموا علي المعازيم عشان يطلعوا أوضتهم تليفون ميسون رن وكان ياسين أبنها ردت ميسون وقالت ازيك يا حبيبي .
ياسين ألحقيني يا ماما سيلا بتولد .
ميسون بسرعة علي المستشفي وأحنا جايين وبعدين بصت لميادة وقالت لها سيلا بتولد .
ميادة يا حبيبتي يا بنتي يلا يا ج اسر بسرعة .
بوسي أنا حأجيب أدهم و مريم ونجئ وراكم .
ميسون بسرعة خليكي عشان بنتك .
بوسي بنتي خلاص مع عريسها يلي بسرعةواحنا وراكم .
الكل جري علي المستشفي كان ياسين وسيلاوصلوا والباقي وصل بعدهم بدقائق .
جرت ميادة و ميسون علي ياسين كانت سيلا داخلة أوضة العمليات عشان تولد راحت ميسون وأتعقمت ولبست لبس العمليات عشا تحضر ولادة سيلا وميادة صممت تكون مع بنتها حاولوا يقنعوها مردتش بأي كلام فندتها ميسون تتعفن وتلبس زيها ودخلوا الأتنين .
الكل كان بره قلقان ومستنين أي خبر يطمئنهم وبعد نص ساعة خرجت ميسون شايلة بيبي في أيدها وراحت لأبنها وقالت له خد يا حبيبي كبر في ودن أبنك .
دقايق وخرجت ميادة شايلة البيبي التاني وقالت لياسين خد يا حبيبي كبر في ودن بنتك ربنا يحفظهم ليك .
الكل فرح بأن سيلا قامت بالسلامة وكمان التؤأم بخير وصحتهم كويسة .
فات أسبوع وجه يوم السبوع وأتجمعوا كلهم عشان يحتفلوا بالتؤأم وكانت ميادةو ميسون عايشين دورالحموات وكل واحدة عايزة تدق الهون للبيبهات .
وبعد ما خلصوا أحتفال قعدوا كلهم مع بعض يتكلموا وهما فرحانين وبوسي قالت
ياااه مين يصدق أحنا كنا فين وبقينا دلوقتي فين السنين جريت بسرعة .
ميادة فعلا أنا حاسة أني لسه كنت أمبارح البنت اللي أتفاجئت بأن آسر الطاروطي بيحبها وعايزاها ومجهز ليها كل حاجة من قبل حتي ما يعرفها بوجوده .
بوسي فعلا وأنا كمان لسه فاكرة أول مكالمة دارت بيني وبين سمير أول كلمة حب سمعتها .
و ميسون قالت فاكرين مريم كانت بتسمينا أيه .
ضحكت ميادة وقالت كانت بتقول علينا أسياد العشق .
النهاية