انا ونور قصة أحمد عادل

طبعا ماما واخويا اعتبروا ان دى عيلة صغيرة وان كل ده كان كابوس وراح لحاله بس انا وبابا كنا فاهمين كل حاجة .. حاولت اكدب نفسى بأى طريقة لحد ما شفت انا بعينى ..
كنت نايم وصحيت مرة واحدة على صوت اغنية أم كلثوم
غني لي شوية شوية
غني لي شوية شوية غني لي وخد عيني
الصوت كان عالى أوى لدرجة انه صحانى .. مين اللى هيشغل أغنية بالصوت العالى ده الساعة 2 بعد نص الليل .. الغريبة ان البيت كله كان نايم أكن مفيش حاجة.. الصوت كان جاى من ناحية المطبخ شئ طبيعي احنا حاطين الراديو فى المطبخ .. بس الراديو كان مقفول .. جبت موبايلى وشغلت الريكوردر دقيقة وقفلته تانى اما شغلته مكنش بيطلع صوت!! .. يعنى ايه انا الوحيد اللى سامع الصوت ده .. فجأة ظهر صوت ورايا صوت حد بيعيط.. لفيت بسرعة لقيت بنت صغيرة قاعدة مربعة على الأرض وحاطة وشها جوه إيديها الاتنين وبتعيط .. صوتها ابتدى يعلى اكتر واكتر مع الأغنية لحد ما بقى مزعج يمكن اكتر من الأغنية نفسها .. فجأة الأغنية سكتت قامت البنت مبطلة عياط فى نفس الوقت .. قامت وقفت وهى باصة فى الأرض .. وبسرعة عدلت راسها بصت قدامها وشوفت وشها بشرتها كانت بيضة جدا و ملامحها حلوة وعنيها زرقا كانت بصالى وبتضحك فضلنا كده شوية وانا متسمر مكانى ومش عارف اعمل ايه شوية وحسيت ان ملامح وشها بتتغير .. زى ما تكون قلقانة من حاجة .. فضلت تبص حواليها بسرعة وقعدت تصرخ بصوت مزعج جدا وانا بنادى على أى حد معايا فى الشقة ييجى يلحقنى بس صوتى مش بيطلع! .. ابتديت احس بسخونة جامدة حواليا فى المطبخ .. حاولت اتحرك معرفتش أنا مشلۏل فى مكانى والحرارة كل شوية عمالة بتزيد لدرجة انى حسيت ان جسمى پيتحرق .. مكانش قدامى غير انى افضل باصص عليها وخلاص ملامحها اللى كانت بتضحك مع الوقت بقت كلها ملامح ڠضب .. قعدت تتشنج كتير وهى واقفة ايديها ورجليها اتشدوا على الآخر بالضبط اكنها اتصلبت جلدها ابتدى يسيح ويقع على الأرض كل ما السخونية زادت .. أغنية أم كلثوم اشتغلت تانى بس المرة دى اما اشتغلت عرفت تفك نفسها من الوضع اللى كانت فيه وابتدت تمشى ناحيتى .. كل خطوة كانت بتاخدها كان نور المطبخ يطفى ثانية ويرجع تانى الاقيها بقت اقرب .. وشها كله كان مسلۏخ ومليان ډم.. كانت كل ما تقرب احس ان جسمى بتمسك فيه الڼار اكتر واكتر لحد ما بصيت على ايدى لقيتها بتولع فعلا صوتى لسه مش طالع بزعق بأعلى صوت عندى ومفيش فايدة برضه.. المرة دى نور المطبخ طفى خالص والأغنية وقفت وهى بطلت تصرخ.. فيه هدوء دام لمدة دقيقة.. أطول دقيقة عدت عليا انا حاسس بصوت نفسها قريب منى حاولت اقؤأ قرآن فى سرى بس مفيش .. زى ما اكون نسيت كل حاجة واللى فاكره مش قادر حتى اقراه..النور رجع لقيتها واقفة قدامى بالضبط وشها فى وشى ومبرقة وابتدت تتكلم
المثل بالمثل ..
حان وقت هلاككم.. قد شارك من قبل بما فعلوه بى والآن تصيبها لعنتى
مثل بمثل ايه ولعڼة ايه ايه الكلام ده اصلا انتى مين ومين ده اللى شارك على اللى عملوه فيكى وعملوا ايه اساسا
قبل ما اكمل كلامى حسيت بۏجع جامد بصيت لقيت جسمى كله پيتحرق وهى واقفة قدامى بصالى وبتضحك .. ابتديت اغيب عن الوعى سنة سنة ووقعت على الأرض وانا شايف المطبخ كله بيولع قدامى
أما صحيت كنت فى أوضتى على السرير.. كله كان حواليا لسانى كان تقيل ابتديت اتكلم بصعوبة
ماما.. ماما المطبخ! .. المطبخ اتحرق !.. احنا لازم نمشى من هنا النهاردة
اهدى بس يا حبيبى المطبخ مفيهوش أى حاجة احنا لاقيناك واقع على الأرض مغمى عليك وكان وشك مخطۏف.. بس دى أول مرة يغمى عليك كده يا أحمد ايه اللى حصل
طلعت اجرى على المطبخ وكلهم جم جرى ورايا .. المطبخ عادى زى ما هو .. ده مش شكل حاجة كانت بتولع امبارح بصيت على ايدى وجسمه كله مفيهوش أى آثار حريق اخويا حاول يمسكنى يهدينى وانا مش مصدق اللى انا شايفه وفعلا كنت خارج معاهم بره المطبخ خلاص بس عينى وقعت على حاجة جمب السجادة.. ايوة دى نقطة ډم! أنا مش مچنون ولا كان بيتهيألى شلت السجادة بسرعة لقيت الأرض غرقانة ډم تحتها والدم ماشى لحد ورا التلاجة .. حاولت احرك التلاجة من مكانها بس كانت تقيلة جدا .. بصيت لمحمد أخويا وقولتله ييجى يساعدنى بس هما كانوا بيبصوا عليا بصة ان اللى قدامك ده مش واعى ومش عارف هو بيعمل ايه
انت هتفضل واقف مكانك تتفرج عليا كده كتير تعالى ساعدنى
اساعدك فى ايه يا احمد انت بتعمل كل ده ليه اصلا
انت مش شايف كمية الډم اللى عالأرض دى يابنى
ردت أمى عليا
أحمد يا حبيبى انت شكلك تعبان دلوقتى .. من فضلك تعالى استريح شوية فى أوضتك
هو انتوا شايفينى مچنون ولا ايه بقولك تعالى ساعدنى يا أيمن نشوف الډم ده جاى منين
يا احمد مفيش ډم عالأرض!! .. انت أختك الصغيرة ابتدت تخاف من اللى بتعمله ده
بصيت لبابا حسيت انه متعمد ميبصش فى وشى أو يواجهنى
انا هشوف فى ايه لوحدى
زقيت التلاجة بالعافية لحد ما الحيطة من وراها ابتدت تبان شوية شوية لحد ما التلاجة بعدت خالص.. كان فيه جملة مكتوبة پالدم عالحيطة والدم بينقط من الحروف على الأرض ..
المثل بالمثل .. والآن تصيبها لعنتى
تانى!! انا فضلت باصص للحيطة فى مكانى ومبنطقش.. انا كده اتأكدت ان اللى شوفته امبارح حقيقى مش خيال ولا حلم .. بس ازاى انا بس اللى شايفه واشمعنى انا
ماما قاطعت تفكيرى لما قالت
أهو يا أحمد طلع مفيش حاجة تعالى معانا بقى لو سمحت وسيب اخوك محمد يروق الكركبة اللى انت عملتها دى
وقتها بابا اتكلم لأول مرة من ساعة ما فوقت
خدى الولاد وادخلى جوه دلوقتى وسيبينى اتكلم مع أحمد شوية
بس يا رأفت..
قولت خديهم وادخلى جوه.. مټخافيش هو هيبقى كويس
ماما خدت محمد ونور وكانت داخلة بيهم الأوضة بس نور فلتت إيديها وطلعت تجرى عليا وجت وشوشتنى فى ودنى
صاحبتى بتقولك انها وصلتلك رسالتها وانها هتنفذ كل حرف فيها
صاحبتك مين يا نور
صاحبتى أنا وحبيبة
وضحكتلى ضحكة أنا أول مرة اشوف اختى بتضحكها من يوم ما اتولدت.. ضحكة فيها برود رهيب.. مش ضحكة طفلة صغيرة أبدا .. رجعت مسكت ايد ماما تانى مشيوا وسابونى قاعد انا وبابا بره لوحدنا
بابا أنا مش مچنون ولا بيتهيألى انا شفت امبارح حاجة.. حاجة صعبة مش عارف انت هتفهمنى ولا لأ بس..
أنا فاهمك ومصدقك كل اللى انت شوفته حقيقى.. منها لله هى السبب انها ترجع تانى.. انا قولتلها انها باللى بتعمله ده هتفتح علينا باب أكبر مننا كلنا بس مسمعتش كلامى
هى مين دى
الست اللى لسه ساكنة جديد
بابا انت عارف ايه ومخبيه