اسكربت كرامة العشق الصعيدي كامل بقلم اسراء ابراهيم

صحيت لقيتني جوز واحدة غريبة عني... بس الفرق بيني وبينك إنك إنتي كان عندك أمل تهربي من الجوازة دي أما أنا فمكانش عندي غير إني أقبلها.
سكتت شهد وحست إن كلامه فيه نوع من المرارة وكأنه مټألم بس مش رايد يبين ده.
فهد بعد لحظة صمت بص ليها بجدية وقال
علي أي حال نامي وارتاحي... مفيش حاجة هتتغير وانتي مش مطالبة بأي شيء.
شهد بصوت هادي وهي تبص في الأرض
وأنا... لو كنت رايدة الجوازة دي تمشي
بصلها فهد بصدمةوهو مش فاهم قصدها فسأل بحدة
إنتي رايدة الجوازة دي
شهد بصوت ضعيف
مكنتش رايداها... بس خابرة إنها حصلت وإنها مش هتتغير فأحسنلي أفكر كيف هعيش وياك بدل ما أفضل خاېفة.
بصلها فهد شوية بحيرة وكأنها قالت حاجة أثرت فيه بس مردش و بص بعيد وهو بيقول بهروب
نامي يا شهد بكره يوم طويل
خرج فهد و سابها في الأوضة لوحدها تفكر في اللي قاله وتحاول تفهم الراجل اللي بقي جوزها فجأة الراجل اللي بيبان بارد لكنه واضح إنه من جواه فيه ڼار مكبوتة مش عاوز حد يشوفها
..............................
تاني يوم نزلت شهد بعد ما صحيت من النوم ولقت ان فهد مجاش ولا بات في الاوضة وده اللي كانت متوقعاه منه فمهتمتش فكانت تحت قاعدة مع رقية وتبقي ام فهد كانو قاعدين في صالة البيت الكبيرة بتحاول شهد تتأقلم على الوضع الجديد ورقية بتحاول تريحها بكلامها الحنين
رقية بابتسامة حنونة
يا بتي إحنا ناس طيبين والدار دي ده دارك وأنا كيف أمك ولو احتجتي أي حاجة ما تتردديش
شهد ابتسمت بخجل رغم إن قلبها لسه متوتر.
شهد بابتسامة ربنا يخليكي لينا يا امي يارب
فجأة صوت بدور على السلم قطع اللحظة الهادية وقربت منهم وهي مثبتة نظراتها علي شهد پغضب
بدور بسخرية وهي بتقف قدامهم
هو إحنا مش هنبطل مسرحيات رايدة تحطيهم في جيبك من اول يوم يا حية انتي
شهد رفعت عيونها ليها وحست بقبضة في قلبها من نبرة صوتها بس ما ردتش لانها مش عايزة تحط الزيت على الڼار.
رقية بحزم
بدور الحديت ده ما يصحش. عيب كدة هو احنا صغار ولا ايه
بدور وهي بتتجاهل كلام رقية وتبصل شهد بحدة
ما تقوليلنا يا عروسة باين عليكي مش مرتاحة ليه مش دي الجوازة اللي كنتي مستنياها
شهد بصتلها بضيق بس ردها طلع ناعم رغم انها حاولت تخشن صوتها
شهد بهدوء وهي تبصلها في عيونها
عمري ما تمنيت أكون سبب وچع حد وانا مكنتش راضية اني اتجوز جوزك فمتلومنيش
بدور بضحكة قصيرة بس كلها سخرية
ۏجع إنتي فاكرة اللي أنا فيه ۏجع لا يا حبيبتي دي إهانة قهر وانتي سبب كل ده وانا بجي هدوجك من اللي دوقت منه
الكلمات كانت زي السكاكين بس شهد مكانتش ضعيفة حتى لو كلامها كان متلخبط فحاولت ترد بس بدور ما ادتهاش فرصة.
بدور بحدة وهي تقرب منها
أقولك حاجة إنتي ضيفة هنا مهما كان اسمك على الورق ما تفكريش إنك هتاخدي مكانيعند فهد عشان هو بيعشجني واعرفي انك مش هتشوفي راحة في البيت ده مفهوم
شهد حست بنغزة في قلبها مش من كلام بدور بس من الحقيقة اللي في كلامها. هي فعلا دخيلة وبدور موجوعة ولازم تعذرها وده خلاها تحس باحتقار لنفسها علي كلامها لفهد بانها عنها استعداد تكمل وترضي بنصيبها كل ده كان بيدور في دماغ شهد وهي واقفة قدام بدور اللي كانت بتزعق بكلام كتير وكأنها عاوزة تفرض سيطرتها علي شهد ومستغلية صغر سنها بس اتفاجأت بصوت فهد القوي من
وراها
فهد بصوت حاسم
بدور انتي ايه اللي بتجوليه