حواديت يونس بقلم ريهام ناجي

وقلتله بصوت ثابت بس مليان كسرة
_أنا مبشكش يا يونس أنا متأكدة
لو كنت بتحبني بجد مكنتش سبتني أضعف لوحدي
ولا كنت هتتعود على سكوتي
ولا كنت هتقبل تبعد عني كل دا وتقولي بعدها
كنت فاكر.
سكت شوية وبعدين كملت
_الحب مش شعور بتعلنه لما تحس إنك هتخسر
الحب فعل
اختيار يومي إنك تفضل
حتى لما تكون كل حاجة حواليك بتشدك بعيد.
_كنت محتاج أركز كان عندي مسؤوليات كان لازم أشتغل علشان أجهز لنا مستقبل
قاطعته بنبرة فيها ۏجع
_بس نسيت إن اللي بيحب مش بيبني مستقبل من غير ما يبني معاه قلب بيحتوي
كنت شايفة كل حاجة بتاخدك مني
وكنت ببرر وبسكت وبقول يمكن يعدي
بس الوقت عدى وأنا اتكسرت.
_أنا آسف يا رهام صدقيني
أنا ندمان على كل يوم ضيعت فيه فرصة أقولك إني بحبك
على كل مرة كنتي تعبانة وسكت
على كل لحظة ما خدتش فيها بالك من نفسك لأني مكنتش موجود.
اتنهدت وقلبي بقى أتقل من كتر الحنين اللي مش كفاية
_أنا مش جاية أسمع أسف
أنا جاية أرجع نفسي
مش طالبة تعويض
ولا حتى رد اعتبار.
أنا بس عايزة أعيش بكرامتي
أنا رهام اللي كانت دايما بتميل للستر
بس لما الستر بقى غطا بېخنقني
اضطريت أشيله.
_يعني مفيش أمل
سألني بصوت مكسور كأنه بيتعلق بخيط.
بصيتله والدموع بتلمع في عيني
بس صوتي كان أنقى من أي وقت فات
_الأمل مماتش
بس مبقاش في المكان اللي وجعني
لو في يوم رجعت ليا
لازم تكون راجع وأنت شايفني حاسس بيا
مش بس خاېف تخسرني.
_أنا بحبك
قالها بنبرة طفل تايه
بس أنا بصيتله وقلت بهدوء موجوع
_وأنا كمان
بس المرة دي
بحبني أكتر.
ساعتها ساد الصمت ما بينا
بس كان صمت مختلف
مش زي صمت البعد
ولا زي صمت الوحدة
كان صمت اعتراف
إن في حاجات لما تتكسر مبتتصلحش
وإن في مشاعر لو اتهانت كتير بټموت من كتر الصبر.
قمت من مكاني ومشيت ناحية الباب
قبل ما أخرج وقفت لحظة وقلتله
_لو بتحبني فعلا يا يونس
خليك أول واحد يحررني من ۏجعي.
عدى شهر...
شهر وهو بيحاول يرجعني ليه من تاني وكل يوم كان بيحاول فيه بيكسر فيا حاجة...
مش من الۏجع لا
من الحنين اللي كنت بحاول أداريه عنه
من قلبي اللي رغم كل شيء... لسه بيحب.
كان بيبعتلي كل يوم رسالة...
مش طويلة مش كلام حزين
كانت بسيطة بس صادقة
زي
كل يوم من غيرك ناقص
فطرتي
لسه محتاج أقولك ألف مرة بحبك
أنا بتعلم أكون أحسن... عشانك.
ماما جت وقعدت جمبي وطبطبت على كتفي وقالت
_يونس يستحق منك فرصة يا رهام متهديش حياتك بإيدك يا بنتي.
خدت نفس وكملت
_الحقيقة اللي أنت مش واخدة بالك منها
إنك غلطانة زيه بالظبط
هو أهمل آه
بس أنت كمان سكتي
كل مرة كان يقفل باب الحوار كنت بتسكت
مقعدتيش معاه ولا قلتي له
يونس أنا موجوعة
أنا حاسة إني لوحدي
إني بتكسر يوم عن يوم.
السكوت مش دايما حكمة يا بنتي
أوقات بيبقى سكوتنا مشاركة في ضياع اللي بينا
لأننا سبنا المسافة تكبر
وسكتنا لحد ما بقينا غرب عن بعض.
بصتلي وقالت
_الحياة الزوجية مش قصة حب وبس
دي شركة فيها دفاتر ومصاريف
بس كمان فيها حضڼ وسؤال ولمة على آخر اليوم.
وبعدين مسحت
على شعري وقالت
_لوحسيتي إن في ندم حقيقي
وإنه مش جاي يلمع صورته
إنما جاي يشيل معاك الهم اللي كنت شايلاه لوحدك
ساعتها يا رهام
مدي إيدك تاني
بس خدي بالك
إيدك المرادي لازم تبقى قوية
ولازم تبقى واضحة.
قعدت أفكر
كل كلمة ماما قالتها كانت بترن في دماغي
صح
أنا كنت كل مرة بسكت
وأقنع نفسي إن الستر أولى
بس مكنتش بفهم إن الستر مش يعني نلبس الۏجع لبس شيك
الستر الحقيقي
لما نتكلم ونوضح ومنسيبش المساحة تكبر وتبلعنا.
عدى يوم واتنين
وكل يوم كنت بصحى وأفكر
هو فعلا ندمان
ولا خاېف يخسر
هو راجع ليه
عشان بيحبني
ولا عشان بيهرب من الشعور بالذنب
وفي يوم لقيته باعتلي ورد
بس المرادي مش مجرد ورد
كان في كارت صغير مكتوب فيه
مش هطلب ترجعي
لكن هفضل أتعلم أحبك بالشكل اللي تستحقيه
لحد ما تبقي مستعدة تمدي إيدك تاني
وأنا أكون مستعد أشيلها بكل ما فيها من ۏجع وأمل.
مسكت الورقة
وابتسمت لأول مرة من شهور
ابتسامة فيها دمعة وفيها قرار.
قررت أدي لنفسي فرصة
مش عشان أضعف
بس عشان أجرب أعيش من تاني
بس المرة دي وأنا فاهمة إن السكوت مش حل
وإن الاهتمام مش رفاهية
وإن الحب قرار بيتجدد كل يوم.
بعد ما خلصت شغلي لقيته مستنيني على باب الشركة
واقف ماسك كتاب كنت بحبه زمان
ولما قربت قاللي
_أنا بدأت أقرأه
عشان أفهم أكتر أنت بتحبي تقرأي إيه
وعشان أبقى جزء من دنيتك مش مجرد ضيف فيها.
وقتها قلبي اتشق
مش بس من كلامه
من محاولاته اللي حقيقية اللي بقت شبه خطوات صغيرة بترجعني لنفسي
بترجعني ليه بس مش زي زمان
بترجعني وأنا قوية وأنا شايفة وأنا عارفة أنا عايزة إيه.
كان بيسأل بيسمع بيستنى ردي
مكنش مستعجل إني أرجع
كان مستعجل أرجع ثقتي.
وفي يوم بعد صلاة المغرب لقيته بيخبط على باب بيتنا
ومعاه ورد أبيض مش أحمر
وقاللي
_اللون دا بيفكرني بالنقطة اللي بدأنا منها
بداية نقية كانت كلها حب
بس أنا غلطت وضيعتها
بس النهارده مش جاي أطلب رجوع
أنا جاي أطلب فرصة نبني من جديد مع بعض.
ماما بصتلي وبابا قاللي
_القرار قرارك يا بنتي
بس اللي يحاول يصلح يستاهل فرصة.
وقتها أنا بصيتله
ولأول مرة شوفت يونس اللي كان زمان
بس أكبر أنضج أهدى
يونس اللي بقى يعرف قيمة الكلمة ووزن الصمت ومعنى الإهمال.
قولت له بصوتي اللي مر عليه كتير من الۏجع بس لسه فيه دفء
_أنا مش هرجعلك
أنا هرجع لنفسي معاك
لو إنت ناوي نبدأ بداية جديدة
فيها وجود وفيها دعم وفيها حياة مشتركة حقيقية