في عز عزومة أول يوم العيد، أبويا

في عز عزومة أول يوم العيد، أبويا رزعني ب كاس العصير في وشي لما رفضت أخلي أختي وعيالها يجوا يعيشوا معايا في شقتي! أومي وقفت تصرخ فيا وتقولي أنتِ أنانية وجحدة.. وعندك أوض فاضية ملهاش عازة!.. لقتها ب تدمي، اِبتسمت ب برود، وقمت ركبت عربيتي وطلعت على المستشفى، وأنا ب ڼزف بعت رسالة للمحامي بتاعي المرحلة الأولى تمت ب نجاح.. والشرطة دلوقتي في الطريق!
كاس العصير خبط في دماغي قبل ما ألمح إيد أبويا وهي ب ترميه أصلاً، في ثانية واحدة كنت قاعدة على سفرة أول يوم العيد في بيت أهلي، ب أتفرج على صواني الأكل اللي بدأت تبرد تحت نور النجفة الأصفر، وفي الثانية اللي بعدها، حاجة اِتفركت في جنب راسي ب صوت حاد ومليان غرق، سكت المكان كله في نفس اللحظة، ل نص ثانية، اِفتكرت إن السخونية اللي نازلة على وشي دي عصير، ل حد ما وصلت ل شفايفي ودوقت طعم الحديد الزفر، أمي كريمة كانت لسه واقفة في آخر السفرة وحاطة إيدها الاتنين على المفرش الستان، وب تتنفس ب الغل كأنها كانت ب تجري في مطلع، وأبويا الحاج شاكر واقف جنبها وإيده اليمين لسه متعلقة في الهوا كأن رمية الكاس لسه م خرجتش من جسمه كله، العصير الأحمر كان ب يسيل على الحيطة ورايا، والدم ب يسيل على عرق راسي ب الۏجع، بنت أختي الصغيرة حبيبة كانت واقفة متجمدة عند باب الصالة وفي إيدها طبق فوم فيه حتة بسبوسة، وأخوها الصغير كان فوق ب يعيط في الأوضة لأن أختي شيرين كانت طردت العيال فوق أول ما كلام الكبار والمشاكل بدأ، بس حبيبة نزلت تاني ب السړقة عشان التحلية.. وشافت كل حاجة، أمي قالتها ب الغل أنتِ عيلة أنانية وجحدة!، م كانتش مفرسرة، م كانتش ندمانة، ولا حتى خاېفة، كانت غرقانة في ڠضبها وبس، وزودت عليها ب بجاحة أنتِ عندك أوض قفلاها ب المفتاح وم لكيش عازة فيها!، كأن الكلمتين دول هما المبرر ل قزاز الكاس والدم والبت اللي عندها تسع سنين وب تترعش عند الباب.
رفعت إيدي ل راسي، صوابعي رجعت مليانة ډم أحمر غامق، وب تلزق وفيها فتافيت إزاز صغيرة زي البودرة، عين أبويا راحت ل إيدي، وبعدها رجعت ل وشي تاني، ولأول مرة من أول اليوم، أنا اِبتسمت! اِبتسامة صغيرة، مش بتاعة فرحة، ولا طيبة، بس كانت كفيلة تخلي أمي تبربش ب عينها ب القلق، قولت ب الحرف تمام.. كدة تمام أوي!، شيرين أختي طلعت صوت مخڼوق من ورايا، وجوزها تامر كان شكله كأن حد شفط الهوا من صدره، الراجل قضى العزومة كلها باصص في طبق الرز بتاعه وأهلي ب يفركوا فيا ويشرحوا لي ليه لازم أوافق