آحببته رغمـا عنـى بقلم هآجر مصطفى

كنت بتصل بيكى اقولك أنا عطست أنا عمرى ما خبيت عليكى حاجه أبدا أبدا ليه عملتى كده حرام عليكى أنا عمرى ماهسامحك
وحطيت وشها في الارض ولسه دموعها على خدها ليلى مقدرتش تمسك نفسها واڼهارت من العياط قرب عليها عصام وبكل هدوء
عصام.. شهد
بصتله شهد بصه ناريه وبكل حقد وكره
شهد.. انسه شهد يا حضره الظابط
سكت عصام ومقدرش يرد وطبعا ريم ساكته ومش قادره تتكلم قرب عليها عمها
عمها بحنيه مصطنعه.. شهد يا بنتى مش يلا بينا بقى نروح لازم نمشى
بصتله شهد وبكل استسلام مشيت معاه لاول مره باتت شهد عند عمها لكن طبعا معرفتش تنام أبدا وطول الليل في البلكونه حتى مش بټعيط بس طول الليل قاعده على الكرسى الهزاز بتسمع حاجه واحده بس وتانى يوم روحت شهد بيتها بعد محايلات على عمها انه يسيبها تروح دخلت شهد بيتها ودخلت على اوضتها وحتى من غير ماتغير هدومها فردت جسمها على السرير واستسلمت لنوم عميق لكن مش خالى من التفكير طول الليلى نايمه شهد صحيت بالليل وكانت حسه أن جسمها كله بيوجعها وعندها صداع رهيب ومش شايفه قدامها ومن غير ماتقدر اللى هيحصل ومن غير تفيكر راحت على التليفون واتصلت بخالتها وبعد عدد من الرنات ردت خالتها بفزع
خالتها.. شهد حبيبتى في ايه
شهد بصوت يدوب مسموع.. خالتو ازيك
خالتها.. أنا كويسه انتى كويسه
شهد بعد تنهيده فيها كتير من المعانى.. أنا كويسه يا خالتو
خالتها.. مالك يا شهد حبيبتى الساعه 3 الفجر ايه اللى خلاكى تتصلى دلوقتى
شهد.. 3 الفجر معلش يا خالتو أنا اسفه بس أنا محتجالك اوى
خالتها.. أنا عارفه أن فيكى حاجه
شهد.. ممكن اجيلك يا خالتو
خالتها.. دلوقتى طبعا لا أنا نازله هجيلك مينفعش تنزلى دلوقتى ربع ساعه وهكون عندك
وفعلا في أقل من ربع ساعه كانت عندها خالتها حكيتلها شهد عن كل حاجه من أول الموضوع وهي بين ايديها وفي حضنها وطبعا في الأول زعلت منها عشان خبيت عليها
خالتها.. أنا مش هسيبك تانى لوحدك انتى لازم تيجى تقعدى معايا حتى لو كام يوم على ماترجعى زى الأول
شهد بضحكه بهتانه.. اطمنى يا خالتو أنا خلاص مجرد ما حكيت استريحت
خالتها.. والله يا شهد لو ماجيتى معايا هزعل منك وهقطعك طول عمرى و.
شهد مقاطعه لكلام خالتها وهي بتترمى بين احضانها.. لا يا خالتو ارجوكى أنا مبقاش ليا غيرك واعى تسيبينى أبدا يا خالتوا ارجوكى اوعى
خالتها وهي تضمها جامد.. يا حبيبتى أنا عمرى ماهسيبك أبدا اطمنى أنا معاكى لطول عمرى
بدأت شهد تلم هدومها وفي وسط ما هى بتلمها شافت استكتش ليلى بتاع مذكراتها واخدته معاها وقررت انها تكمله استسملت شهد للامر الواقع وراحت مع خالتها وطبعا مفيش كام يوم وأحمد كان قام بالواجب رجع ولو ضحكه بسيطه على وش شهد
بعد كذا يوم كانت شهد واقفه في شباك اضوتها وبتفكر في اللى حصل وافتكرت مذكرات ليلى فقررت انها تكملها وطبعا بعد ماخلصت شهد المذكرات كانت بتتمنى تشوف ليلى قدامها وعلى قد ماهى كانت زعلانه منها اوى على قد ماهى حسيت قد ايه هي كانت غلطانه وتانى اتصلت شهد بليلى ورجعت لصديقه عمرها بعد معاتبات كتيره وبعد ما قفلت مع ليلى سرحت شويه واتصلت بيوسف
يوسف بفرحه.. الو شهوده ازيك
شهد بصوت حاولت يكون طبيعى.. أنا تمام أنت ازيك يايوسف
يوسف.. أنا مش طويس خالص
شهد.. ليه بس
يوسف.. انتى عارفه
شهد.. ايوه عارفه وعشان كده بتصل بيك وبقولك أنا موافقه
يوسف بلهجه فرح مصطنعه.. ايه انتى قولتى ايه
شهد بعد مابلعت ريقها وبصعوبه.. أنا موافقه يايوسف على خطوبتى منك تقدر تيجى تقابل خالتى بكره مناسب ليك
يوسف.. طبعا مناسب ومناسب جدا كمان
قفلت شهد مع يوسف ورمت التليفون على الأرض فوقع اتفتح تلات قطع وقعدت ټعيط على حظها وطريقها اللى اخترته بنفسها ومش تعرف تغيره أبدا والاصع انه كان قرارها هي بس مش بايدها كرمتها ۏجعها اوى وطبعا هي عارفه أن ليلى هتبهدلها لما تسمع الخير ده
ليلى.. شهوده حبيبى
شهد بصوت بتحاول تخليه فرحان.. ازيك ياليلى
ليلى.. تمام انتى عامله ايه
شهد.. أنا تمام بقولك أنا عايزاكى معايا بكره
ليلى.. ليه
شهد.. جايلى عريس
ليلى.. ههه تانى وايه بقى الخطه بتاعته لمره دى
شهد.. خطه ايه
ليلى.. خطه التطفيش
شهد.. لا بالعكس أنا موافقه

جدا
ليلى بذهول.. نعم مين ده
شهد.. يوسف
ليلى.. مين يوسف ده كم.
وافتكرت ليلى حكايه يوسف واستغربت جدا.. ده انتى ماكنتيش بتطقيه
شهد.. اديكى قولتيها كنت أنا دلوقتى بقى مش عايزه غيره وبحبه جدا
ليلى بشك.. شهد انتى متأكده
شهد.. بقولك ايه بقى متضيعش عليا فرحتى بكره تكونى عندى من بدرى جدا طبعا عند خالتى وعمى هيكون هنا كمان
ليلى.. ليه أن شاء الله
شهد.. انتى ناسيه انه في مقام ابويا يعنى لازم يبقى حاضر
ليلى.. وده من امتى ده
شهد.. من النهارده ومش عايزه كلام كتير عشان مانفتحش في اللى فات كفايه لحد كده ولا انتى ايه رايك
ليلى.. عندك حق ماشى عموما ربنا يقدملك اللى فيه الخير
قفلت ليلى مع شهد واتصلت بريم على طول
ريم.. الو ازيك ياليلى
ليلى.. مش مهم أنا في مصېبه هتحصل
ريم.. خير في ايه
ليلى.. بكره قاريه فتحه شهد
ريم پصدمه.. ايه
ليلى.. هنعمل ايه كده هتضيع شعد من عصام للابد اتصرفى ياريم أنا عارفه أن عصام بيحب شهد ولو ماكنتش متأكده ماكنتش هعمل كده أبدا
ريم.. اها والله بيحبها اوى أنا عارفه اخويا خلاص أنا هتصرف اقفلى انتى دلوقتى
راحت ريم لعصام اللى بقى مقيم في اوضته ومش بيخرج منها ايدا خبطت على الباب
عصام.. ادخل
دخلت ريم ببطئ وهي محتارهمش عارفه هتقوله ازاى ده حاله كده لمجرد انها زعلانه منه وقاطعته اومال لو عرف انها هتتخطب هيعمل ايه
قعدت ريم جمب عصام على السرير
ريم بهدوء.. عصام ممكن اتكلم معاك شويه
عصام من غير مايبصلها.. خير ياريم
ريم.. ممكن لو سمحت تقولى أنت هتفضل كده لامتى
عصام.. كده ازاى يعنى
ريم.. أنت فاهمنى كويس اوى
عصام.. يعنى عايزانى اعمل ايه اتنقلت من شغلى وخسړت ثقه رئيسى فيا وخلاص رجعت تانى مجرد ظابط عادي بعد ماكنت عصام اللى مجرد مايتسمع اسمه تتهد جدران السجون
ريم.. طيب أنت بايدك ترجع اللى فات
ضحك عصام ضحكه استهزاء ممزوجه بالحسره والندم
عصام.. ارجع ايه
ريم.. طيب هو العقيد قالك ايه بالظبط
رجع عصام دماغه لورا وسندها على السرير وافتكر كل اللى حصل
عصام.. يا فندم أنا متأكد من اللى بقوله أنا مش ممكن احساسى يخيب أبدا احساسك يعنى ايه احساسك ياحضره الظابط من امتى كنا بنعتمد على احساسنا الراجل رفع عليك قضيه تشويه سمعه رجال الأعمال يعنى دى لوحدها كارثه أنت خلاص ياحضره الظابط بقيت كارت محروق ده أقل عقاپ ليك بعد الحكم انهم ينقلوك في حته تانيه وده يبقى عطف بيك لانك كنت ظابط مميز
عصام.. ازاى يافندم طيب والقضيه أنا متأكد من انه بيت تانى هترجع تقولى متأكد واحساسك طيب فين الادله ده أنت شكلت قوه من احسن الظباط ورحت بيهم وفي الاخر طلع على فشوش وطلع الراجل ماشى في السليم وكان مجرد بيشترى عماره يعنى مافيش أي شيء غلط يعنى أنت بقى مشكوك فيك ياحضره الظابط. اتفضل وادعى ربك انهم مايتخذوش قدامك عقاپ شديد
ريم..
عصام.. وتقولىلى تقدر تصلح اللى فات هصلح ايه ولا ايه ولا ايه
ريم.. عصام أنا عايزه اقولك على حاجه
عصام.. قولى
ريم.. شهد
عصام بعدم مبالاه.. مالها
ريم.. قرايه فتحتها بكره
بصلها عصام واټصدم من اللى سمعه وغمض عنيه وحط وشه بين كفيه ونزلت ڠصب عنه دموعه
أما شهد فهى قاعده مع خالتها جسد بلا روح ومش حسه بالدنيا وكل اللى بتفكر فيه ازاى هتبقى في يوم من الأيام مع شخص غير عصام خالتها بتكلمها على اليوم بكره وقد ايه هي فرحانه وشهد ولا هي هنا
خالتها وهي بتهزها.. شهد انتى معايا
شهد بعد ما فاقت من شرودها.. ها اها اها يا خالتى معاكى اهو
خالتها.. مالك يا شهد انتى مش فرحانه
شهد.. أنا لا أبدا بالعكس أنا فرحانه اوى كفايه عليا انى اشوف الابتسامه دى على وشك دى لوحدها تخلينى اسعد الناس
خالتها.. ياحبيبتى ربنا يسعدك ويتملك على خير
شهد وهي سرحانه.. يارب
وقطع كلامهم وصول أحمد
أحمد.. صباح الخير بالليل
شهد.. اهلين
خالتها.. كنت فين
أحمد.. كنت بصيع وهو أنا ورايا حاجه غير كده
شهد.. أحمد اوعى تنزل بكره
أحمد.. ليه في خسوف وكسوف وخجل بقى وحياء وكده
شهد.. يخربيت غلاستك انزل يا أحمد شكلك هتطفشه
أحمد.. هو مين ده
خالتها.. العريس اللى جاى لشهد
أحمد.. ايه ده يعينى مين اللى امه داعيه عليه
بصيت شهد لاحمد بغيظ وحدفته بالمخده
شهد.. ده من بخته يا خويا
أحمد.. الأسود
شهد.. نعم
خالتها.. اتلم يا أحمد
أحمد.. طيب هاتى رجلى من جمبك استنى كده شهد قومى من على صوبعى
شهد.. يييى بايخه يخربيت ظرفك
أحمد.. طول عمرى يا بنتى
شهد.. طيب يلا امشى يلا دى قعده ستات بتدخل فيها ليه
أحمد.. ايه ده بجد كنتوا بتقولوا ايه
شهد.. وانت مالك يأبارد
أحمد.. اصلى بحب كلام الستات اوى بالله عليكوا كنتوا بتقولوا ايه هه هه
شهد.. هتفضل طول عمرك غلس عايش في الدنيا عشان ترزل على خلق الله وخلاص
أحمد.. عادي عادي عارف قديمه لو عندك جديد قوليه لو ماعندكيش قوليه برضوا يمكن أنا مش عارفه
وقام وهو داخل على اوضته.. يلا سلام بقى معلش يا شهد متزعليش بقى انى مش هعقد معاكى وتقعدى تعيطى وتقولى أحمد أحمد أنا عايزه أحمد أنا هدخل اعمل حاجات كتير ورايا مش عارف ولا أي حاجه منهم بس هحاول الاقى حاجه اعملها يلا بااااى
ابتسمت شهد وبصيت لخالتها اللى كانت بتابع الموقف بين شهد وأحمد وفرحانه بيهم اوى
شهد.. دى أشكال تخلفيها يأخالتى
خالتها.. هههههه تعرفى يا شهد والله لو ماكنتيش أخت أحمد في الرضاعه أنا مش ممكن كنت سيبتك تروحى لغيره
شهد.. الحمد لله انى اخته ده كان هزهقنى في عشتى
وفي جانب اخر قاعده ليلى بتكلم عمرو
عمرو.. والله شهد صعبانه عليا اوى من اللى بيحصل فيها
ليلى.. شهد طول عمرها كده دايما تلاقى حد بيستغفلها بس والله أنا متأكد من أن المره دى عصام بيحبها بجد
عمرو.. وانتى عرفتى منين
ليلى.. أنا متأكده بس هي مش ممكن هتقتنع
عمرو.. على فكره أنا حاسس أن عم شهد ده بيخطط لحاجه
ليلى.. حاجه زى ايه يعنى
عمرو.. مش عارف مش مرتاحله وكمان حاسس أن موضوع انه بيتاجر في حاجه ممنوعه دى فعلا صح
ليلى.. ده احساسى أنا كمان بس احنا ملناش دعوه هو بعيد عنها وهي بعيده عنه
عمرو.. عندك حق
وأيضا قاعد عصام مع نفسه كالعاده بيفكر هي ممكن يسيب شهد تضيع منه ويقف يتفرج طيب ايه ممكن يعمله وازاى يثبت أن عمها ده مش في السليم وزاى هو قدر يهرب منه ده كان مراقبه خطوه بخطوه وكان متأكد وعرف من المكالمه اللى حصلت بينه وبين شخص غريب أن ده المعاد اللى هتتم فيها