آحببته رغمـا عنـى بقلم هآجر مصطفى

أي حاجه ولا عمرك هتعرف ولا عمرك هتفهم أي حاجه
عمرو بصوت عالى شويه طيب فهمينى انتى سالتك 3 مرات وانتى مش عايزه تجاوبى ورافضه الكلام ده معناه ايه
ليلى ماقدرتش تمسك دموعها وبصوت عالى تفهم أن چرحك لسه جوايا ومش قادره اصفى منه
تفهم أن حبك جوايا أكبر من أي حاجه في الدنيا تفهم انى بحبك لدرجه انى مش قادره اسامحك لانى ماكنتش متصوره انك تظن فيا الظن ده تفهم انى عايزاك تحس بيا وباللى جوايا كان نفسى لما اسكت وماردش انك تمسك ايدي وتحسسنى بشويه حنان كان نفسى تطمنى انك مش هتزعلنى تانى وانك مش هتفهمنى غلط أبدا كان المفروض تعمل حاجات كتير اوى وانت ماعملتهاش. ماحستش بيا ياعمرو ماحستش بيا
وطبعا ريم وشهد طلعوا على صوتها وكانوا وافقين ومش عارفين يعملوا ايه
وليلى زات عمرو ن قدامها وسابته ومشيت وعمرو فضل واقف باصصلها لحد مأغابت عن عنيه بين الناس
والناس اللى كانوا واقفين بدأو يمشوا وريم راحت ورا ليلى أما شهد وقفت مع عمرو
شهد بصوت واطى ايه اللى حصل
عمرو باصلها وحط وشه في الأرض وبصوت واطى وحزين اوى
عمرو ماقدرتش احس بيها. كنت قاسى اوى معاها. بس أنا بحبها والله العظيم بحبها
ريم راحت على الاوتيل وطلعت الاوضه لقيت ليلى قاعده على السرير وضمھ رجليها لقلبها وحطه راسها على رجليها وبتعيط
ريم ليلى حبيبتى هو في ايه
ليلى مش قادره تتكلم من العياط وعماله تتشنهف
شهد ممكن تقولى اعمل ايه لما اشوفها دلوقتى اقولها ايه
عمروبحزن قوليلها انى اسف اوى لانى ماحستش بيها وانى بجد مكسوف منها اوى
شهد طيب وانت هتعمل ايه
عمرو معرفش
وسابها ومشى
شهد رفعت راسها للسما وبتقول يارب شافت عصام واقف في البلكونه وكان بيبص عليهم وشكله كان راكبه مېت عفريت شهد خاڤت اوى ودخلت الاوتيل بسرعه
عصام الولا ده شكله مش هيجبها لبر
شهد دخلت على ريم وليلى لقيت ريم حاضنه ليلى
شهد هيييييي ايه ده هو أنا اغيب عليكوا شويه ارجع الاقيكوا كده كويس انى جيت دلوقتى قبل مايحصل حاجه تانيه
ريم بصوت واطى ششششش اسكتى دى نامت
شهد كمان نايمه في حضنك. الشرف الشرف يابت التيت الشرف
ريم هههههه يابت اسكتى بقى كده هتصحى
شهد بحنيه مسكينه والله ليلى مش قادره تفرح خالص
ريم نيمت ليلى على السرير واخدت شهد ودخلوا البكلونه
ريم هو في ايه أنا متأكده أن عمرو وليلى كانوا مرتبطين زمان
شهد وانتى جبتى ايه من عندك يعنى المشكله اننا عايزين نرجعهم لبعض بس ليلى مش عايزه خاېفه تتجرح تانى
ريم ليه هو ايه اللى حصل
شهد لا أنا مش هقدر اقولك التفاصيل يالظبط
ريم ليه هو مش بقيت صحبتكوا
شهد لو حاجه تخصنى أنا كنت قلتلك لكن دى حاجه تبع ليلى هي تقولك بنفسها
ريم يعنى الحاجه اللى تخصك بس هي اللى تقوليها
شهد اها طبعا
ريم طيب هسالك

سؤال وتجاوبينى بصراحه
شهد قولى
ريم انتى بتخافى من البحر
شهد اتفجأت بالسؤال اوى وماكنتش متوقعه واختفت ملامح البسمه من على وشها ومن غير ماتشعر لقيت نفسها بتحكى لريم كل حاجه بالتفصيل
ولما خلصت
ريم يااه تصدقى عندك حق ماتحبيهوش لكن برضوا لازم تنسى اللى فات وتعيشى حياه جديده
شهد ماهو ده اللى أنا قررته بس يارب اقدر
وتانى يوم صحيت ليلى بدرى اوى والشمس كانت لسه ماشرقتش قامت ليلى اخدت دش ولبست ونزلت على الشط وفضلت تمشى على الشط والرمله وهي بتغنى والشمس كانت بدأت تشرق مسكتلوش بيقولي بعد العمر ده مبحبهوش وصحيت شهد لقيت ليلى مش موجوده فبسرعه لبسيت ونزلت تتدور عليها وقفت شهد بعيد عن البحر وبتدور على ليلى بعنيها لحد ماشافتها واقفه وباصه للبحر فبسرعه اتصلت بعمرو عشان ينزل
شهد الو. عمرو انزل دلوقتى حالا ليلى وافقه على الشط دى فرصتك انك تصلح اللى حصل
ماشى سلام
وفضلت شهد واقفه مكانها وباصه للبحر وبتتأمله وقطع تفكيرها حد حط ايده على عنيها
شهد عمرو مش وقته ليلى هناك
وشالت ايديه من على عنيها وبصتله
شهد عصام
عصام عمرو اشمعنى أول حد جه في بالك عمرو يعنى وايه اللى هيخلى عمرو يحط ايده على عنيكى
شهد عادي يعنى زى مانت حطيتها
عصام عايزه تقولى أن أنا وعمرو زى بعض عندك
شهد يع.
قطع كلامها عمرو
عمرو هي فين ياشهد ازيك ياحضره الظابط
عصام من بين دروسه اهلا
شهد شاورت على ليلى اهى هناك اهى
عمرو طيب عن اذنكوا
وسابهم عمرو ومشى
عصام هو في ايه
شهد مفيش حاجه في ايه
عصام لا ولا حاجه ها كنتى بتقولى حاجه قبل ماعمرو يجى
شهد لا ماكنتش بقول وسابته ومشيت وراحت قعدت في كافيه كان قريب منهم
راح وراها عصام
عصام بعد ماقعد ممكن اقعد معاكى
شهد ببسمه بسيطه مانت قعدت
عصام شهد أنا اسف اللى حصل منى والله ماكنت اقصد خالص
شهد لا ولا يهمك أنا نسيت اصلا
عصام بجد
شهد اها والله على فكره ريم لو صحيت هتقلق علينا استنى اتصل بيها
شهد الو ايه ياريمو. أنت لسه نايمه. طيب بصى أنا وليلى تحت ليلى على البحر وانا في الكافيه اللى جمب الاوتيل. ماشى ياختى روحى كملى نومك سلام
عصام هي لسه نايمه
شهد اها اصلنا سهرانين طول الليل
عصام ليه كنتوا بتعملوا ايه
شهد بنتكلم
عصام في ايه
شهد وانت مالك حاجات بنات
عصام بقى كده ماشى ياستى بلاش
ولحظات من السكوت
شهد هو اشمعنى ظابط يعنى
عصام ايه
شهد يعنى اشمعنى اخترت انك تبقى ظابط
عصام مش أنا اللى اخترت أنا اصلا كنت نفسى ابقى ممثل
شهد ممثل
عصام اها كنت حاسس انى عندى موهبه بس بابا بقى الله يرحمه صمم انى ابقى ظابط
شهد بس تعرف انى مش بحب الممثليين خالص
عصام اشمعنى
شهد بحس انى حياتهم كلها كدب في كدب يعنى كل حياتهم تمثيل وانا اكتر حاجه اكرها التمثيل أو انك تعيش دور مش دورك
عصام احم احم اها فعلا
شهد بس حاجه حلوه انك تبقى ظابط بتحس أن ليك مكانه عند اللى حواليك واللى حواليك بيحبوك
عصام انتى عارفه اصلا أن كل اللى حوليا بيحبوا الظابط مش عصام
شهد قصدك بيحبوك مصلحه يعنى
عصام بالظبط
شهد بس اكيد في ناس بتحب عصام مش الظابط
عصام بجد في ناس بتحب عصام
شهد اها طبعا اكيد يعنى مثلا ريم أو مامتك أو اهلك اكيد كل دول بيحبوك لذاتك مش لانك ظابط
عصام بس
شهد يعنى ايه
عصام احم يعنى دول بس اللى بيحبوا عصام وبصلها اوى في عنيها مفيش حد تانى
شهد بكسوف لا اكيد في
عصام بخبث مين
شهد مستعبطه معرفش لما اعرف هبقى اقولك
عصام ابتسم ماشى براحتك
شهد ضحكت وخبت وشهآ منه
عمرو قرب من ليلى وسمع صوتها بټعيط قرب اكتر لحد مابقى وراها بالظبط
عمرو بصوت حنين أنا اسف
ليلى بصتله مفجوعه وبسرعه مسحت دموعها وحاولت تمشى لكن مسكهاعمرو
عمرو أنا اسف يااغلى من اغلى حاجه في الدنيا أنا اسف ياكل حياتى أنا اسف على أي وعلى كل حاجه زعلتك منى في يوم من الأيام أنا اسف وهفضل اقولها لحد مااتأكد انك مش زعلانه أنا اسف وارجوكى سامحينى وانسى أي حاجه وحشه فاتت وتعالى نجمع كل حاجه حلوه ونعيش بيها أيامنا اللى جايه مع بعضوارجوكى ياليلى ماتحرميش قلبى من قلبك تانى
ليلى بحزن مش أنا اللى حرمت قلبك من قلبى ده أنت اللى بعدت من غير سبب
عمرو أنا عارف انى غلطان لكن أنا بشړ ياليلى ومفيش حد معصوم من الغلط ودلوقتى أنا جتلك وبعترف بغلطى وبترجاكى انى مش هكرر الغلط ده تانى
ليلى مش قادره اسامحك ياعمرو
عمرو يااااااه ياليلى للدرجاتى ليه بقيتى قاسيه كده
ليلى الدموع علمتنى القسۏه
عمرو طيب تعالى نمسح دموعنا وننسى القسۏه وننسى اللى فات ونبدأ صفحه جديده بالذكريات الحلوه بينا الذكريات الحلوه بس
ليلى تفتكر هنقدر
عمرو طبعا نقدر ليه لا
ليلى
عمرو قوليلى انك سامحتينى وانك موافقه نرجع تانى
ليلى
عمرو قوليها ياليلى خلى قلبى ترجعله الحياة من تانى قوليها ياليلى ارجوكى قوليها
قطع الجو اللى كانوا قاعدين فيه صوت موبايل شهد
عصام في سره يادى النيله وده وقته
شهد الو ازيك يأخالتو وحشانى اوى. أنا والله أبدا بس ماكنتش عارفه اتصل. معلش ياقلبى ماتزعليش عموما كلها 3 أيام وهاجى على طول. ماشى ياقلبى سلام
عصام حلوه ياقلبى دى
شهد هههههه خالتو دى كل حياتى
عصام يابختها يارتنى كنت خالتو
شهد بكسوف ههههه
عصام ايه ده احنا بنتكسف ولا ايه
شهد عصام هسيبك واقوم
عصام هههه لالا خلاص سكت اهو
شهد ضحكت وديرت وشها
عصام هو أنا ممكن اسال ممكن يكون سخيف
شهد اها بس لو سخيف أو مش هرد
عصام ماشى ياستى هو انتى كنتى مرتبطه قبل كده
شهد بلمت وعنيها دمعت وماعرفتش تتكلم
عصام ايه طلع سخيف اوى
شهد لا بس اصلى ماكنتش متوقعه السؤال ده خالص
عصام يعنى هتجاوبى ولا
شهد اها كنت مرتبطه بس كل واحد راح لحاله
عصام ليه
شهد هو ايه اللى ليه
عصام يعنى ليه سبتوا بعض
شهد عشان مفيش نصيب
عصام اها
شهد وانت
عصام اتفاجأ بسؤالها اوى
شهد ايه سؤال غريب
عصام لا عادي أنا ياستى كنت مرتبط مره ومره كنت خاطب وكتبت كتابى مره بس ماحصلش نصيب
شهد ياه 3 مرات
عصام اها 3 مرات
شهد ماشى
عصام ايه فيها حاجه
شهد لا عادي يعنى
ليلى توعدنى لو رجعلتك تانى انك ماتزعلش منى غير لما تفهم منى اللى حصل وانك تحاول ماتزعلنيش زى مانا هحاول انى مازعلكش
عمرو اوعدك
ليلى مسحت دموعها وابتسمت
ليلى ماشى خلاص
عمرو خلاص ايه
ليلى بكسوف خلاص
عمرو هههه بحبك اوى وانتى مكسوفه
ليلى بس
عمرو بس ايه
ليلى بدلع يعنى بتحبنى وانا مكسوفه بس
عمرو ههههههههه بحبك في كل وقت وكل مكان
ليلى ماشى
عمرو ماشى ايه مفيش وانا كمان
ليلى بغلاسه لا مفيش
عمرو ياغلاسه تصدقى انتى غلسه اوى
ليلى طيب مانا عارفه
عمرو لا ومعترفه كمان
ليلى هههههه
ووطت على المايه ورشته بها فهو كمان وطى ورشها بالمايه وفضلوا يجروا ورا بعض ويرشوا بعض بالمايه لحد ماوقعت ليلى على الأرض فقومها عمرو وبص لهدومه اللى اتغرقت مايه ولهدومها وشاور عليها وعليه
عمرو ينفع كده
ليلى وهي بتجرى ناحيه الاوتيل اها ينفع
عمرو طب ايه رايحه فين
ليلى وقفت وبصتله هغير هدومى
واديرت عشان تمشى
عمرو طيب مش عايزه مساعده
ليلى وقفت وبصتله وحطيت ايديها في وسطها
فعمرو ادير وهو بيضحك قامت ليلىجريت بسرعه وزأته في المايه وطلعت تجرى وطلع عمرو من المايه وحاول يحلقها لكن ماعرفش

فوقف وبصوت عالى اوى
عمرو يامجنونه
ليلى بصتله وهي بتجرى وبتضحك احسن تستاهل
وسابته وكملت جرى عمرو كان فرحان اوى وماكنش مستوعب انه رجع لها وحقق حلمه اللى بيحلم بيه بقاله سنين ليلى كانت بتجرى على الاوضه واول ماجت قدام اوضتهم لقيت الباب اتفتح وريم خرجت منه فخبطت فيها ووقعت على الأرض
ريم ههه معلش مخدتش بالى ايه اللى المايه دى كلها
ليلى وهي بتقوم ومبتسمه كنت بلعب على الشط
ريم بخبث بتلعبى لوحدك
ليلى يأبارده هبقى احكيل بس لما اغير هدومى عشان مايجيليش برد ولما شهد تبقى معانا عشا مش هحكى مرتين
ودخلت وقفلت في وشها الباب
ريم ابتسمت ومشيت
ريم وهي نازله من الاوتيل شافت شاب وراجل كبير بيتكلموا وسمعت