اسكريبت حواديت مريم وأدهم بقلم مريم وليد

وسطكم وإن يونس بيرد أمانتي.. اتمنى تسامحوني واتمنى تعيشوا مبسوطين واتمنى تحافظوا على البنت اللي سابت الكل واتحامت في حضڼي.. مريم أمانتي ليكم.
الڤيديو خلص ودموعي والله خلصت معاه.. كان الكل في حالة صدمة أنا بقى كنت مصډومة وزعلانة أوي.. ازاي يخبي عليا سر كبير زي ده! الزمن مخبي حاجة تاني ولا خلاص كده!
والمطلوب دلوقتي إيه إنكم تبقوا عيالنا يعني! أحنا منعرفكمش ولا نعرف ابوكم هاتوا امانة أبونا وامشوا من هنا زي ما جيتوا..
عمو زعق وكمل
إيه اللي أنت بتقوله ده! أنت شايف إنه وقته! وبعدين الولد بيقول إن والده اتوفى..
عمتو كملت بهدوء
أنا آسفة مش بتكلم علشان ورث بس المفروض نحس بأيه لما نعرف إنه ماټ هو اصلا عاش بالنسبالنا ما هو مېت منعرفهوش..
بابا شاورلنا نخرج كلنا فخرجنا انا واولاد أعمامي وعمتي كلهم ماعدا أدهم كان معاهم هو ووالدته.
هو المفروض هنتعامل ازاي مع ناس اول مرة نشوفهم
ابتسمت بسخرية وكملت
لا يا سلمى بلاش الاسئلة دي.. زي ما بنتعامل سوا طبعا قال يعني أحنا عيلة مقطعة القعاد عند بعض.
سليم بصلي ورفع حاجبه فسيبتهم وطلعت السطح أصل هي مش ناقصة مناخوليا والله ده كلهم مجانين.
ازيك..
بصيت ورايا بخضة فابتسمت
جدو كان بيقول إنك بنته اللي مخلفهاش..
سكتت وبصيت قدامي فأخوها وقف جنبي
وبصراحة أحنا كلنا عارفينك..
بصيت له بأستغراب فكمل
دورنا عليك وجيبنا الاكونت بتاعك وكنا متابعينك وبنشوف ڤيديوهاتك.
كنا بنحب ڤيديوهاتك مع جدو اوي عامة..
اتنفست بزهق وكملت
مش حابة أكون غلسة بجد بس متحاولوش تكونوا صحابي.. عن إزنكم.
سيبتهم ونزلت فلقيت بابا بيناديني.. دخلت المكتب لقيتهم كلهم قاعدين شايلين الهم أكتر ما كانوا شايلينه.. عمو وقف قدامي وكمل بهدوء
بصي يا مريم يا حبيبتي.. فيه حاجة عاوزين نقولك عليها ضروري.
بصيت له بأستغراب فكمل
بس ضروري تفهمينا..
حركت راسي بإيجاب فكمل
الورث اللي جدو سايبه كبير جدا جدا فعلا.. قادر يغطي مصاريفنا وديونكم وكل حاجة.
جميل خير وبركة رزق من عند الله..
بص لبابا ورجع كمل وهو بيبصلي
بس فيه مشكلة واحدة..
ليه بس ربنا ما يجيب مشاكل ايه ياترى المشكلة
بلع ريقه وكمل
يعني أنت عارفة جدو بيحبك قد إيه.. وواضح كان بيحب أدهم لنفس الدرجة..
اتنهدت بزهق
ف.. مالك يا عمو اجبلك ماية تبلع ريقك
خرج صوته من ورايا وهو بيكمل
شرط جدو الوحيد علشان الورث ده يتوزع إن أنا وأنت نتجوز..
بصيت له پصدمة وكملت بإنفعال
آه ده لما نيزك ينزل على دماغك يفرقعها يا قلبي.. اتجوز مين انتوا مجانين
بابا بصلي پصدمة فكملت
أنا بشتم المتخلف ده مشتمتش حد تاني..
رفع حاجبه وكمل
أنت بت عديمة رباية عامة..
بصيت له بعصبية وأنا بجيب العصاية اللي عند المكتب وقبل ما أنزل بيها على دماغه ابويا شدني خرجني من الاوضة فكملت وأنا بزعق
سيبوني أجيب العيل أبو لسان طويل ده من شعره يمكن عقله يدخل في راسه! ده مچنون عقليا.. يعني أنا صابرة بقالي 21 سنة علشان في الآخر اتجوز الواد ده
جيه صوته من اوضة المكتب وهو بيكمل
طب أقسم بالله لأتجوزك وأربيكي علشان محدش عرف يربيكي..
تربيني أنا يا حبيبي ده أنا أربيك وأربي خمسة من عينتك..
ابن عمي الصغير كمل
حد يديها على دماغها يمكن تفقد النطق..
لسه هلف علشان اديله بالعصاية كمل پخوف
والله آسف آسف..
شديت نفسي من وسطهم وطلعت
على السطح بعصبية مش كفاية جايين يقولولي إن جدي مخلف وعنده احفاد دول جايبنلي راجل يبوظ أحلامي في الجواز وعاوزين يجوزوني ليه علشان ورث! الله قاعدين كلنا بنتفرج على فيلم تركي ولا بنقرأ رواية بقى! يارب اكون بحلم حلم سخيف زي الواد اللي عاوزين يجوزوهولي.
كنت قاعدة في السطح