اسكريبت حواديت مريم وأدهم بقلم مريم وليد

نفسك حرة بقى..
حرة لأنهي درجة
لأعلى درجة.
اخرسي..
كان نقاش عبثي بيني وبين دماغي انتهى بإني لبست بيچامة نص كم ستان عادي وسيبت شعري زي ما هو مفروض عامة يعني شعري مش ليس.. شعري كيرلي وطويل فيحب جدا يتساب على طبيعته.
هو فيه إيه
خرجت لقيته قاعد على الكنبة فاتح التليفزيون وبياكل لب ربنا يهديه والله مش المفروض نعيط على حالنا الخايب
بتفرج على البتاع ده مش فاهم فيه حاجة عامة..
بصلي فحمحم بأستغراب
ما شاء الله..
قفل التليفزيون وكمل
يعني مش بتفرج على حاجة ضرورية تعالي اقعدي.
قعدت على الكنبة وشديت منه طبق اللب
هو إيه الخيبة دي دول حتى مجابوش أكل دي جوازة على ما تفرج..
ضحك وكمل
متكبريش الموضوع عادي نطلب..
شديت تليفونه من جنبه وكملت
جميل تعالى نطلب فرايد تشيكن..
لا بيتزا!
بصيت له ورفعت حاجبي
لأ فرايد تشيكن..
كان لسه هيعاند بعدين كمل
يلا الاتنين.
ابتسمت برضا ورنيت على المكان فشد الموبايل يكلمه هو مچنون ده ولا شنو
هو خير إن شاء الله بتشد الموبايل كده ليه يا حبيبي هو انا خطڤاه
حلوة حبيبي دي لسانك اتعود عليها.
بصيت له برخامة
متعودة أقولها لأي حد..
جميل متتعوديش بقى تقوليها لحد..
بصيت له ورفعت حاجبي
غيري.
اشمعنا
علشان بغير يا كوكو محبش البت بتاعتي تقول لحد غيري يا حبيبي ولا أحبها تكلم رجالة غيري في الوقت ده
ابتسمت بغلاسة
أكلمهم 8 العشا عادي
قرب شوية وكمل وهو بيلعب في خصلات شعري
ولا أربعة العصر حتى..
بعدت ايده عني وقمت وقفت
طب فرمل بقى علشان أنا مش البت بتاعتك..
آه فعلا أنت مراتي.
بصيت له بعصبية ودخلت المطبخ اجيب ماية فكمل بصوت عالي
هاتي ماية وانت جاية يا مريومتي..
قوم شرب نفسك أنت مش مشلۏل.
كمل بنفس النبرة
آه بس أنا جوزك..
اللهم طولك يا روح يارب صبرني على الإنسان ده بدل ما أموته وأرميه في البحر!
طب أنت عارفة إنك هتاخدي ثواب
رميت الازازة في وشه وجيت ماشية فضحك وشدني جنبه
أنت إيه اللي مزعلك دلوقتي
كملت وأنا بصالة بنرفزة
إنك بتقول إني مراتك والبت بتاعتك..
طيب وأنت مش مراتي
اتنهدت بزهق وسندت راسي على كتفه حركة عشوائية مۏت عمرها ما تخرج من واحدة شبهي..
أنا زعلانة أوي بجد..
ليه طيب
بصيت له وكملت
علشان أنت لذيذ مش عارفة أكرهك..
طب وليه تكرهيني بس ما أحنا حلوين أهو..
رجعت حطيت راسي على كتفه
علشان ڠضبانة أوي منك ومن جدو
هو جوزني ليك ڠصب بعد مۏته وأنت مڠصوب عليا وعمال تهئ معايا.. أمال لو مكنتش مڠصوب
رفع راسي وبص في عيوني وأتكلم بجدية
بس أنا قلتلك إني مش مڠصوب عليك بالعكس.. وكنت مستعد أفشكلها علشان أنت متكونيش مڠصوبة.. وكنت هتجوزك برضوا في الآخر بس بمزاجك..
وارجوزات الفرح كانوا هيحلوا عنك وعني
ما طظ فيهم يا مريم..
اتنهدت بزهق فكمل
عموما جدك مفاجآته مبتخلصش..
يعني إيه
مرضتش أقول من الاول عامة بس جدك كاتبلك مبلغ في وصيته مش تبع الورث هو قال الورث يتوزع زي ما ربنا قال.. بس المبلغ بتاعك بصراحة أنا حتى معرفتش أمي وأخواتي عنه فأنت إيه رأيك نسيب الموضوع مع المحامي ومنعرفهمش لو قلقانة عرفيهم فاهمة..
ابتسمت بسخرية وكملت
قلقانة من مين منك
حرك راسه بإيجاب فكملت بهدوء
لأ اضمنك أكتر منهم متقولش لحد مش ناقصة ۏجع دماغ وتمثيل حب كذاب خلي الفلوس في حسابي ولو احتجت حاجة منها خدها.
حبيبتي أنت عبيطة أنا اغنى منك أنت وهم
حبيبي أنت بتذلني
غمزلي وهو بيحط إيده حواليا
ياه ولا عاش ولا كان يا كتكوتة..
بعدت ايده وكملت
ايدك لو اتمدت هقطعهالك..
طب اشطا ابقي فرجيني هتقطعيها ازاي..
الجرس رن فقمت أفتح قام شد إيدي وكمل بأنفعال بسيط
أنت عبيطة يا بت رايحة فين بالمنظر ده وبعدين فيه بنت تفتح الباب في الوقت ده
آه أنت مچنون