اسكريبت حواديت مريم وأدهم بقلم مريم وليد

علشان مرنش عليه اشوفه فين فدخلت عملت أكل وهو لسه مجاش قعدت مستنية للساعة 12 بليل وهو متصلش.. ومجاش استنيت شوية كمان لقيت باب الشقة بيتفتح فجريت ناحيته أول ما شوفته بصيت له بزعل
مالك فيه إيه وشك عامل كده ليه
اتخض لما شاف وشي زعلان ملامحه كانت حادة أول ما دخل.. هدي وقرب مني
حصل إيه يا مريم فهميني حد ضايقك حد فيهم جيه كلمك في حاجة
دموعي نزلت فجأة كنت زعلانة أوي ومخضۏضة من إنه مشي فجأة معرفتش اشرحله إني بخاف أقعد لوحدي! بدأت أعيط فمكنش عارف يتصرف
طب خلاص أهدي حقك عليا احكيلي إيه اللي حصل بس أهدي..
مكنتش عارفة أعمل إيه بس حسيت إني محتاجة أحضنه دلوقت.. فحضنته وبدأت أعيط عيطت كتير أوي وهو مش بيتكلم حاضني وبيطبطب على راسي وبس
أنت كويسة
حركت راسي بنفي فمسك إيدي ودخلني الاوضة جوا قعدني على السرير وكمل
ريحي وأهدي كل حاجة هتكون كويسة..
أدهم متمشيش..
بصلي بأستغراب وكمل
استني بقفل النور بس علشان تنامي..
خليك معايا ممكن
قفل النور وجيه جنبي فعلا فردلي إيده فنمت عليها كمل بصوت حنين مۏت
كنت بټعيطي ليه
علشان مكنتش عاوزاك تزهق بسرعة وتمشي..
ابتسم بهدوء
بس أنا مقدرش أزهق ولا أمشي كنت عند المحامي وبعدين كنت عند اعمامك وابوكي..
رفعت راسي ليه
يعني مزهقتش من طريقتي
سكت دقيقة وبعدين بصلي بهدوء
مريم أنا بحبك..
بصيتله بأستغراب فكمل
جدو كلمني عنك كتير كنت بشوفك كتير جدا كل مكان كنت بتبقي فيه كنت ببقى فيه بس عمر عينك ما شافتني.. جدو مقاليش اتجوزك كان عاوز اتجوز اي واحدة من البنات بس أنا مقدرتش أعمل كده معرفتش متخيلتش اللي تبقى مكانك دلوقتي واحدة غيرك!
كنت بصاله بأستغراب فكمل وهو بيبوس راسي
بس لو فضلت رافضة وجودي حقك عليا يا حبيبتي.. مش
هقدر اسيبك.
جيه يقوم مسكت إيده
أنا عامله مكرونة بشاميل يلا ناكل..
بصلي شوية بأستغراب وبعدين ضحك وقام وقف وهو بيشد إيدي
أنت تحفة يا مريم ولا غلطة..
سخنت المكرونة وحطيتلنا طبقين كان بيجهز التربيزة فكملت بهدوء
فكك تعالى نطلع السطح يلا..
حرك راسه بإيجاب وكمل
البسي الإسدال يلا..
حركت راسي بماشي اخد اطباق المكرونة واستنى لبست الاسدال وطلعنا سوا كان هيجيب كرسي فمسكت إيده وحركت راسي بلأ
تعالى هنا..
بصلي بأستغراب
بس ده ركنك أنت وجدو..
عادي ممكن يبقى ركننا برضوا.. مش كده
حرك راسه بإيجاب وروحنا قعدنا واحنا بناكل اتكلم
خدوا ورثهم وزعته عليهم كله والجزء بتاعك معايا هحولهول..
بصيت له بإنزعاج
أدهم!
بصلي وكمل
عيونه..
ممكن تفكك مش عاوزة اسمع حاجة عنهم ولا عن الورث عاوزة نتكلم احنا.. احكيلي عن الحاجات اللي بتحبها وأحكيلك عن الحاجات اللي كانت نقصاني..
أنت..
بصيتله وابتسمت باستغراب
يعني إيه
يعني عندي استعداد أقعد احكيلك للصبح عن قد إيه أنت الحاجات الوحيدة اللي بحبها.
عدى حوالي 6 شهور النهارده أنا عرفت إني حامل في الشهر التالت.. حامل في تؤام فقررت أعترفله بأهم إنجازين في حياتي.
واو دي شموع جو رومانسي وكذا
ابتسمت وأنا بشده
إيه رأيك يجي مني
شدني لحضنه وكمل
ياه! ده يا بختي بيك يا كتكوتة..
لفيت ايدي حوالين رقبته وكملت
عامة يا بختي أنا.
بأيه بس..
ابتسمت
بيك يا حياة الكتكوتة..
الله! ده أنا بحلم ولا إيه مريم شخصيا بتقول كلام حب وبتاع..
لو مقولتش للواد بتاعي أقول لمين بس
رفع حاجبه وكمل برخامة وهو بيقلدني
بس أنا مش الواد بتاعك!
آه فعلا أنت جوزي..
ابتسم وباسني من خدي
طيب إيه المناسبة يا كتكوتة..
بعدت شوية وكملت
علشان مبقتش كتكوتة بقيت فرخة..
بصلي بأستغراب فكملت بضحك
يعني مش حاسس إن علاقتنا دي ناقصها حاجة صغنونة
رفع حاجبه وكمل
غير البيبي لأ مفيش..
بصيت له بعصبية بسيطة
بس أنا مقولتش غير..
البيبي
ابتسمت وحركت راسي بإيجاب فبص پصدمة
يا خبر! مريم أنت حامل
حركت راسي
بآه فحضي بحماس
يا خبر يا خبر! هنبقى تلاتة في البيت.. مش مصدق نفسي..
استنى بس مين قال تلاتة
سكت وبصلي بأستغراب
أمال كام
أربعة..
ما شاء الله مين تاني حامل
خبطته في كتفه وكملت
تؤام!
ضحك وكمل وهو بيحضني
يا بختي حبيبتي مبقتش كتكوتة بقت أرنبه..
قرصته في إيده فكمل بضحك
إيه يسعد الانسان قد إنه تكوني بين ايده
إنه يكون في حضنك!
كل الطرق للهرب منك تؤدي إليك ف.. لأين سأهرب!
مريم وليد محمد.
حواديت_مريم_وأدهم