اسكريبت حواديت مريم وأدهم بقلم مريم وليد

شفت بنفسك يا ابن عمي..
عملت كوبايتين قهوة وهو جاب كرسين ناحية السور مديتله القهوة وقعدت قدامه
هو ليه ستك هربت بأبوك
أتنهد وكمل
ياترى مستمعة لذيذة ولا لا
طب جرب يا استاذ أدهم ونشوف..
ابتسم وبعدين أتنهد بزهق
ستي ربنا يرحمها بقى ويسامحها اتجوزت هي وجدك ڠصب أيام ما كان جدك لسه في البلد بس كانت بتحب واحد تاني وسابها وراح اسكندرية.. بعد ما حملت الراجل ده بدأ يتواصل معاها واتفق معاها إنها تسافرله أول ما تخلف وإنه هيسجل الواد بأسمه..
بصيت له پصدمة فكمل بتحذير
اياك حد يعرف أنا مآمنك على سر أبويا أنس ورحمة ميعرفوش.. لو حد سأل بنقول إن ستي مقالتش لأبويا حاجة.. هي فعلا مقالتش جدو اللي قال وبعدها ستي منفتش الكلام ده.
حركت راسي بإيجاب
متخافش كمل..
أتنهد وكمل
بعدها ستي نفذت بعد ما ولدت اتفقت مع الممرضة والراجل ده الممرضة بعتت جدو يجيب حاجة وكانت هي هربت بأبويا معاه على اسكندرية جدو سأل فالممرضة قالتله إن الولد ماټ ولما امه عرفت اخدته وجريت.. جدو دور كتير عليها لحد ما أهله قالوله إنها هربت مع الراجل ده وحكوله كل حاجة ماعدا جزئية إن ابويا عايش قالوله إن ابنك ماټ فجدو طلقها غيابي طبعا والموضوع اتقفل..
كنت بصاله پصدمة فضحك
هو إيه النظرة دي!
هو إيه الجنان ده يا أدهم ده مسلسل من اخراج محمد سامي ولا إيه
أتنهد بزهق
على فكرة والله أحنا اخدنا الصدمة قبلكم بس ما علينا ستي جالها الکانسر فحست بتأنيب ضمير كلمت جدو لما عرفت انها في اخر ايامها وحكتله..
هو جدو عرف من امتى
حوالي خمس سنين..
افتكرت لما قعد حوالي شهر رافض الأكل والشرب وزعلان ومبيكلمش حد حتى أنا كلامنا على القد اتنهدت بزعل
هم في دار الحق وأحنا في دار الباطل بس الحق يتقال ستك دي قادرة وجبروت لا ابوك ولا جدي هيسامحوها..
حرك راسه بآسى وكمل
ابويا فعلا مش مسامحها.
كملت بهدوء وأنا خاېفة ادوس على جرحه
هو باباك اتوفى أمتى
بصلي بزعل وبعدين ضحك بسخرية
أنت عارفة إنك اول حد يسأل
هم مصډومين بس وأنا والله.. بس دنيا بقى هنعمل إيه..
ماټ من تلات شهور على فكرة حضر ډفنة جدو والعزا والچنازة بس قال إنه ابن صاحبه.. وبعدها اكتشف إن ستي اللي عمرها ما ادتله حاجة ادتله الکانسر.. اتشغلنا في تعبه وعلاجه والموضوع اتنسى اسف إني استنيت تلات شهور بعد مۏته علشان أجي بس كنت لسه متخبط.. فاهماني
آسف على إيه انت عبيط ربنا يرحمه يارب..
مريم أنا عارف إنك مش موافقة ب..
قمت وقفت بسرعة وأنا بمسك الكوبايات
طيب تصبح على خير اتأخرت اوي روح بيتك..
اتنهد وكمل
لازم نكتب كتابنا في حدود اسبوع لأن الراجل اللي ابوكي واخد منه فلوس بيطالبه بيها وعاوز يسجنه..
بصيت له وكملت بعصبية
طب ما يسجنه أنا مالي ما يجوزك
بنته ولا بنت حد من اعمامي.. اقولك اتجوز سلمى بنت عمتي هي معجبة بيك اشمعنا أنا
علشان جدو عايز كده.
كملت بإنفعال
كلنا هنأدي نفس الغرض متقلقش..
رد بعصبية بسيطة
وأنا عايزك أنت يا ستي!
متعوزنيش تعوزني ليه هو أنت تعرفني سيبني في حالي بقى يا جدع ارحموني أنتوا مبتحسوش!
نزلت الشقة بتاعتنا أنا وجدو دخلت اوضته ونمت على سريره وأنا في ايدي صورته كنت بعيط فعلا.. زعلانة أوي ليه الدنيا مش هتمشي زي ما كان نفسي!
أنت مش قلت هتفضل معايا لحد ما هتجوزني وهتجوزني الراجل اللي أحبه وقلبي يختاره أنا محبتش حد يا بابا مختار.. بس أنت عاوزني اتجوز واحد معرفهوش! أنا زعلانة أوي منك ليه كده
كان ياما كان الحب مالي بيتنا ومدفينا