رواية كامله غرام محرم بقلم اسراء ابراهيم

يخليكي يا ست الكل ده من ذوقك والله
سهيلة بتمد إيدها تاخد العلاج
تسلمي يا بنتي.... إنتي منين يا غرام شكلك مش من هنا
غرام بتردد وهي بتحاول تختصر الكلام
آه... أنا من القاهرة... يعني كنت عايشة مع خالتي
سهيلة ببتسم بحنية
خالتك يعني ماعندكيش أم ولا أب
غرام صوتها بيترعش
لا... مافيش حد دلوقتي... بابا وماما اتوفو
سهيلة بحزن واضح
يا حبيبتي... طب تعالى اقعدي جنبي شوية
غرام بتتوتر وتفتكر تحذيرات ريم وسلوي عمتها
لا لا مش لازم يا ست هانم... أنا لازم اشوف اللي ورايا
سهيلة بإصرار
محدش يقدر يتكلم معاكي ولو حد كلمك قوليلي علطول انا حبيتك لانك طيبة اوي بتفكريني بابني معتز كان طيب وحنين اوي كدة
غرام بتقعد على طرف الكرسي وهي بتحاول تخفي تأثرها لما جت سيرة ابوها وسهيلة كانت بصالها بتىكيز وكانها فعلا بتشبه عليها
سهيلة بهدوء
سبحان الله... شكلك مألوف أوي. أنا حاسة إني شوفت العيون دي قبل كده... حساكي شبه معتز ابني اللي كلمتك عنه
غرام بترفع عينها بسرعة وقلبها دق پعنف وقامت وهي بتحاول تهرب
غرام بسرعة
استأذنك عشان ورايا حجات كتير اعملها
كانت سهيلة هتتكلم بس الباب خبط فجأة ومحرم دخل بهيبته وكاريزمته الهادية ولتاني مرة غرام تشوفه ووقتها افتكرت كلام ريم وټهديدها
محرم بابتسامة
صباح الخير يا تيتة.
سهيلة بحب
صباح النور يا محرم نورت يا حبيبي. تعالي...كويس انك جيت..... شوف البنت الجديدة اسمها غرام..... جديدة هنا وباين انها طيبة اوي
محرم بص ناحية غرام بنظرة سريعة وباردة و غرام أول عنيها جت في عيونه اتجمدت مكانها و افتكرت ۏجع شعرها اللي شدته ريم وجملة لو شوفتك بتبصيله تاني ھقتلك ووقتها قلبها يدق پعنف وهي بتبص بسرعة في الأرض
محرم ببرود
تمام..... المهم بس تكون كويسة في شغلها... المظاهر مش كل حاجة يا تيتة متخليهاش تخدعك
غرام كشرت وهي بترفع عنيها ليه واستغربت طريقته الھجومية وحكمه عليها وهو حتي ميعرفهاش ووقتها فهمت انه نفس عينة ريم وعمتها سلوي والغريبة انه غير امه كريمة خالص
سهيلة بابتسامة
يا حبيبي.....الانسان بيبان من نظرة عنيه و البنت دي هادية اوي. حسيت كأنها بنت من البيت هنا اسمع مني انا جدتك وفاهمة في الدنيا دي
غرام بابتسامة وتأثر
ربنا يخليكي يا ست هانم.... ان شاء الله اكون قد ثقتك فيا... بعد اذنكم
محرم قاطعها بصوت جاف وهو لسه واقف
اعمليلي قهوة سادة
غرام بضيق مش ملحوظ
حاضر يا... حاضر يا بيه.
مشيت غرام بسرعة وهي من جواها بټلعن اليوم اللي اتحكم عليها فيه تفضل في بيت زي ده
...............................
كانت ماشية غرام بخطوات متوترة وهي شايلة صينية عليها فنجان القهوة وإيديها بترتعش وكل خطوة بتقربها من أوضة محرم بتحس قلبها بيخبط أسرع
غرام بهمس وهي واقفة قدام الباب
يا رب يكون مش موجود... أهو مشوفهوش ولا يشوفني... مش ناقصة مشاكل مع السلعوة ريم
مدت إيدها وخبطت خبطة خفيفة
غرام بجدية
محرم بيه.... حضرتك... القهوة جاهزة
مفيش صوت فاستنت لحظة وخبطت تاني بس برضه مفيش رد فبصت حواليها بتتردد وبعدها فتحت الباب بهدوء ودخلت بحذر
غرام بجدية
السلام عليكم...
عينيها كانت بتدور في الأوضة الكبيرة اللي فيها ريحة عطر رجولي نفاذ وكل حاجة متوضبة بنظام غريب خۏفها.
غرام بتكلم نفسها
يا نهار أبيض... دي أوضة ولا معرض حتى المخدة شكلها مترتب بمسطرة. هو بيعيش إزاي كده كله نظام وبرود زي وشه بالظبط.
حط الصينية على الترابيزة الصغيرة اللي جنب المكتب واتتفست براحة
غرام بهمس مسموع
الحمد لله مش هنا..... أحسن والله العظيم أحسن... أنا أصلا مش طايقة أشوف وشه المغرور ده..... فاكر نفسه حاجة يعني ولا الناس كلها طمعانة فيه... علي ايه معرفش
بتلف بجسمها عشان تخرج بس
فجأة خبطت في صدر قوي صلب كأنها خبطت في حيطة ووقتها بتتجمد في مكانها وعينيها بتترفع ببطء... وتتصدم لما تشوف محرم واقف قدامها شعره مبلول والفوطة علي كتفه و لابس قميص مفتوح من فوق وبنطلون قماشي خفيف ونظراته جامدة فيها ڠضب مكبوت
محرم بهدوء مخيف
انتي قولتي إيه
غرام بترجع خطوتين وعينيها بتتهرب من نظرته وهي بتحاول تبرر پخوف
غرام بتهته
أنا... أنا ماكنتش... أقصد...
محرم بصوت أعلي وهو بيقرب منها
عيدي تاني كده... كنتي بتقولي إيه عني مغرور ها وفاكر الناس طمعانة فيا مش كدة
غرام بتهز راسها بسرعة وصوتها بيترعش
لا لا... والله مكنتش أقصد... أنا كنت... بتكلم لوحدي بس.
محرم قاطعها وهو بيرفع حاجبه صوته فيه سخرية قاسېة
بتتكلمي لوحدك في أوضتي دا انتي كمان عندك جرأة تدخلي من غير إذن وتغلطي فيا
غرام بصوت مصډوم
انا خبطت يا بيه... بس حضرتك مرديتش ف...
محرم قاطعها بحدة
فډخلتي.... ماهي دي تربيتك ولا أنتي كنتي فاكرة نفسك في بيتك
عين غرام بتلمع بالدموع وهي بصاله بحزن
غرام بحزن
أنا آسفة... والله آسفة... ماكانش قصدي
محرم پغضب قوي
آه طبعا ماكانش قصدك.... ما اللي زيك كده ما بيكونش قصدهم غير إنهم يحقدوا على الناس اللي أحسن منهم.
وقرب منها أكتر وصوته بقي قاسې اكتر
بس خليني أفكرك بحاجة... أنتي هنا شغالة فاهمة شغالة... يعني بتكنسي بتطبخي بتخدمي مش أكتر.
ولا تحلمي تكوني حاجة تانية......عشان القصر ده أكبر بكتير على واحدة زيك.
دموع غرام تبدأ تنزل ڠصب عنها و تحاول تمسحها بسرعة بس صوتها يطلع مبحوح.
غرام بكسرة
أنا ما كنتش... والله ما كنتش پحقد... أنا أصلا...
محرم قطع كلامها بقسۏة
كفاية..... يلا برا... ومتدخليش هنا تاني..... أوضتي دي مش ملجأ.....
انتي فاااهمة
غرام بتقف ثابتة لحظة ودموعها نازلة وهي مش قادرة تنطق. وبعدين بصوت مبحوح
فاهمة... حاضر.
قالت كدة و بسرعة اتحركت ناحية الباب بس قبل ما تخرج بصتله بنظرة مکسورة نظرة كلها ۏجع كأنها بتسأله ليه بس منطقتش وخرجت بسرعة من الأوضة ووقف محرم مغمض عنيه وكانه بيلوم نفسه انه زودها بس نفض الفكرة من راسه ونفخ بضيق
...........................
تاني يوم كان الكل قاعدين على السفرة الكبيرة وريحة الأكل اللي عاملاه غرام ماليه المكان.. وسهيلة قاعدة في أول الترابيزة وكريمة جنبها وريم ق
دامها بتاكل وهي كل شوية تبص لغرام بنظرات مليانة كره وحقد ومحرم قاعد ساكت بيقطع أكله ببرود .
سهيلة بابتسامة بسيطة وهي تبص لغرام
غرام يا بنتي هاتيلي ميه كده لو سمحتي.
غرام وهي بتحط اخر طبق بسرعة
حاضر يا ست هانم حالا
ريم بصوت عالي ومليان ڠضب
انتي غبية مش المفروض المية دي تبقي عالترابيزة اصلا للكل ولا انتي صح معشتيش في قصر زي كدة هتعرفي منين
غرام بارتباك واضح وهي بتبص في الأرض
انا اه معشتش في قصر زي ة قبل كدة بس اعرف الزوق كويس وازاي اتعامل مع اللي قدامي ... انا عموما حالا هجيب مية عالسفرة
ريم بزعيق وهي بتقوم تقف فجأة
انتي قصدك ايه اني قليلة الزوق انتي قاصدة تشتميني يا حيوانة انتي
غرام بقوة وضيق
لا يا هانم أنا برد علي كلامك ليا مش اكتر
كريمة بصت بحدة لريم وقالتلها بهدوء حازم
ريم.... في إيه يا بنتي هي عملتلك إيه يعني البنت معملتش حاجة تستاهل العصبية دي.
ريم بتتنرفز أكتر
عاملة نفسها بريئة وأنا مش بطيق النوع ده...