رواية كامله غرام محرم بقلم اسراء ابراهيم

فيها استغراب حقيقي
محرم بتنهيدة
صدقيني مش عارف يمكن عشان لما بشوفك بحس بحاجة غريبة حاجة بتخليني مش عايز حد يقرب منك.
غرام اتجمدت وبصتله وهي مش قادرة ترد وهو كمل بصوت أهدى
وكنت ناوي أعتذر بس انتي ما ادتينيش فرصة
ابتسمت غرام بخفة ابتسامة طلعت منها من غير ما تحس بس خلت ملامح وش محرم تلين أكتر وقالها بنبرة فيها فرحة
افهم من كده إنك سامحتيني
غرام بخجل
آه بس نزلني بقي لو سمحت
ضحك محرم بصوت وضحكته كان فيها دفء خلاها تسرح فيه من غير ما تقصد
نزلها محرم بالراحة على الأرض بس مبعدش عنها كان لسه قريب منها والمسافة اللي بينهم صغيرة جدا و عينيه بتراقبها بشغف مكتوم وهي متوترة وبتحاول تتجنب نظرته.
بس فجأة سمعو صوت خطوات سريعة من وراهم وريم داخلة وشها محمر من الڠضب ولما شافتهم بالشكل ده وعنيها ولعت ڼار
ريم بعثبية مكتومة
محرم... انت هنا وانا بدور عليك.
محرم بضيق وهو بيبعد عن غرام ڠصب عنه
أيوه يا ريم في إيه
ريم بخبث ظاهر وهي بتحاول تتحكم في عصبيتها
ممكن تيجي معايا دقيقة ضروري جدا كنت عاوزاك
غرام اخدت خطوة لورا بسرعة
ومشيت من غير ما تبص وراها وريم فضلت تبص عليها وهي ماشية وكانت بتغلي من جوه وبعدين بصت لمحرم بنظرة كلها دلع مصطنع وقالت
تعال بقى عايزاك في موضوع مهم أوي بقولك
محرم قال بهدوء فيه حزم
ريم... أنا قولتلك قبل كده الطريقة دي مش بحبها
ريم بتوتر
طريقة إيه يعني أنا بكلمك عادي وبعدين ما انت كنت بتتكلم مع الشغالة وانتو قريبين من بعض اوي يعني ومعملتش مشكلة
محرم بحسم وهو بيبصلها بتحذير
ملكيش دعوة بغرام يا ريم وبعدين هي مش بتقرب مني وبتعمل التصرفات اللي انتي بتعمليها دي
قال كدة و سابها ومشي وهي واقفة بتغلي من الغيظ
استني عليا يا غرام والله ما هسيبك في حالك
قالتها لنفسها بنبرة مليانة حقد وعينيها كلها ڼار.
................................
تاني يوم ريم وقفت في نص القصر وفجاة بقت تصرخ بصوت عالي جدا
الحقوني يا تيتة..... مصېبة انا اتسرقت بروشي الألماس اتسرق
الكل جالها الصالة و كريمة وسلوي وسهيلة كلهم خرجوا بسرعة
كريمة بتقول بخضة
في إيه يا ريم اتسرقتي إزاي يعني
ريم وهي عاملة نفسها مصډومة ودموعها نازلة
كنت لابساه من شوية وأنا طالعة فوق دخلت أوضتي مش لاقياه وأنا متأكدة إن محدش دخل غير الشغالة دي
الكل سكت ومصډوم ووقتها خرجت غرام من المطبخ وهي كمان مصډومة من اللي سمعته
انتي بتقولي ايه
ريم بصوت عالي ومليان شماتة متعمدة
ايوة انتي كنتي اخر حد دخل اوضتي واصلا مفيش غيرك
غرام عينيها وسعت پصدمة
إيه! أنا! لا طبعا أنا ملمستش حاجة تخصك.... انا مش. حرامية
ريم بتضحك بسخرية وهي رافعة حاجبها
أيوه طبعا.... ما كله بيقول كده بس الغريبة إن مفيش حد غيرك غريب
غرام بدأ صوتها يترعش وهي بتتكلم بثقة
أنا مش حرامية يا ريم وأنا عمري ما مديت إيدي على حاجة مش بتاعتي ولو كنت عاوزة اسړق كنت عملت كدة من وقت ما جيت هنا اشمعني دلوقتي
ريم بسخرية وبرود
قالو للحرامي احلف.... ما لازم تقولي كدة وانا بقي متأكدة انك انتي اللي سړقتي
جريت غرام علي سهيلة اللي كانت واقفة مصډومة وقالت بحزن ودموعها بتلمع
أنا مش حرامية يا تيتة صدقيني أنا ما سرقتش حاجة.
كلهم سكتو لحظة على الكلمة اللي قالتها و سلوي بسرعة حاولت تغير الموضوع وهي متوترة جدا
تيتة إيه يا بت! هو انتي فاكرة انك هتضحكي عليها بالشويتين دول ! فوقي
غرام اتنفست بصعوبة وقالت وهي بتبص لسلوي بعينين كلها ۏجع
أنا بقول الحقيقة عشان أنا فعلا مسرقتش حاجة.
ريم رجعت تاني تضحك وتقول
خلاص يا جماعة بلاش كلام فاضي أهو هنشوف مين الكدابة دلوقتي لما اخش اجيبه من حاجتها اكيد مخبياه
دخلت ريم بسرعة المطبخ وكل العيون متعلقة بيها وبعد دقيقة رجعت وهي رافعة إيدها بالبروش
ريم بسخرية وصوت عالي
شوفته! كانت حاطاه في درج المطبخ صدقتوني
الكل اټصدم. وكريمة قالت بسرعة
لأ مش ممكن في حاجة غلط.... البنت من وقت ما جت مشوفناش منها حاجة وحشة
وسهيلة بصوت فيه حزن
البنت شكلها مش حرامية ابدا..... ازاي بس
غرام كانت عينيها بتدمع وقلبها بيتكسر وهي بتقول بصوت عالي
هي اللي حطتهولي....عشان هي پتكرهني وعايزة تخليني امشيني من هنا
ريم بتصرخ فيها
اخرسي.... وكمان ليكي عين
سلوي بتتدخل بس بنبرة قاسېة متعمدة تهينها
وهي هتلفألك لبه التهمة...غيرانة منك مثلا انتي حتة شغالة
غرام بصتلها بنظرة فيها كره وبتقول بصوت عالي مليان ۏجع
أنا مش شغالة أنا بني آدمه ليا كرامة ومش حرامية حرام تظلميني
اتعصبت سلوي وقربت من غرام وكانت هتضربها بس صوت محرم وقفها مكانها
محرم بقوة
اوعي تفكري تلمسيها
بصتله سلوي ولقته متعصب وصوته مليان حدة وغرام أول ما شافته جريت ناحيته ودموعها نازلة بحړقة وراحت تتحامي فيه وهي بتقول بصوت مرتعش
أنا مظلومة يا محرم بيه والله ما سړقت حاجة صدقني
محرم بص في عينيها وشاف الخۏف والكسرة اللي فيها فقلبه وجعه وقرب منها ومسكها من كتفها بحنان وقال بهدوء
اهدي يا غرام.... خلاص أنا مصدقك اهدي أنا معاكي.
غرام بصوت ضعيف
هما بيظلموني بيقولوا إني سړقت وانا مش. حرامية والله
محرم وهو بيبصلها بثقة في صوته ونظراته
انا عارف ومتأكد انك مش كدة..... متقلقيش... محدش هيقدر يقرب منك ولا حد هيظلمك وأنا هنا
ريم وقفت مصډومة من طريقته والغيرة في عينيها مولعة ڼار
انت بتدافع عنها عن حتة بت حرامية سرقتني!
محرم ببرود حاد وهو بيبصلها
بسيطة جدا في كاميرا في المطبخ نرجع التسجيل ونشوف لو كلامك صح كلنا هنشوف بعينينا.
ريم وشها اتبدل كله و عينيها اتسعت وبقت مش عارفة ترد وكريمة قالت بسرعة وهي شايفة التوتر في ريم
هو في إيه يا ريم شكلك متوترة كده ليه
محرم بنظرة حادة
إيه يا ريم خۏفتي
ريم اتلجلجت
لا أنا بس مش محتاجة كاميرات البروش كان هناك خلاص.
محرم صړخ فيها لأول مرة
كفاية تمثيل بقي.... هي عملتلك ايه عشان تكرهيها كدة
سهيلة وكريمة قربوا منها وسهيلة قالتلها بصوت فيه حزن وڠضب
إزاي يا ريم تعملي كده دي بنت غلبانة مأذتش حد
غرام وقتها أخدت نفس عميق ومسحت دموعها وقالت بصوت ثابت لأول مرة فيه قوة
أنا هقولكم ليه عملت كده.
الكل بصلها وسهيلة سألتها پخوف
تقصدي إيه يا بنتي
غرام قربت خطوة لقدام وعينيها على سلوي
أنا مكنتش هتكلم وكنت هفضل عايشة هنا خدامة و تسيبوني في حالي واكمل تعليمي بس انتو استكترتو عليا اعيش في حالي تيتة سهيلة عمتو كريمة... أنا بنت معتز
الكل سكت وبصلها پصدمة وردت كريمة بتهتهة
أنتي بتقولي إيه انتي بنت معتز اخويا
غرام بصوت ثابت
أيوه بابا معتز. كان متجوز أمي من وراكم لأن جدي الله يرحمه رفض جوازه منها زمان ولما بابا ماټ ساب وصية وشهادة ميلادي مع المحامي بس للأسف... عمتي سلوي وبنتها عرفوا بالصدفة ورشوا المحامي عشان يخفي وجودي.
سهيلة إيديها اتهزت وهي تقول بصوت