رواية كامله غرام محرم بقلم اسراء ابراهيم

وهي بتشرب عصير لحد ما نظرتها راحت بالصدفة ناحية الباب ووشها اتغير تماما لما شافته داخل.
كان محرم لابس قميص غامق وبنطلون جينز داخل بخطوات واثقة جدا واللي معاه واحد شكله زميله من نفس الجامعة. عينها وسعت وقلبها دق بسرعة وهي بتسأل نفسها بهمس
غرام لنفسها
هو! هو بيعمل إيه هنا! ده... ده إيه اللي جابه.... اكيد هو لسة مش بيدرس يعني
ملك لاحظت توترها
مالك يا غرام شكلك اتغير ليه
غرام وهي بتحاول تضحك بتوتر
لأ... لأ مفيش بس حسيت شوفت حد أعرفه.
الحقيقة إنها مكنتش قادرة تبص بعيد عنه و هو كمان لاحظها أول ما عينه وقعت عليها... اتجمد مكانه لحظة.... نظراتهم اتقابلت ثواني... بس كانت كفيلة تخلي قلب غرام يدق..... ومحرم اتفاجئ بيها
وأول ما شافته بيبصلها بسرعة دورت وشها كأنها مش شايفاه أصلا... وهو حس إنها بتتجاهله ف حس بضيق غريب في صدره وضغط على فكه وقعد على الترابيزة اللي قدامها بالضبط.... وبدأ يتكلم مع زميله بس عينه طول الوقت رايحة عليها من غير ما يحس.
غرام كانت بتحاول تبان طبيعية بس كل ثانية بتحس بنظراته ليها بتتوتر فقامت وجمعت حاجتها من على الترابيزة.
ملك باستغراب
انتي رايحة فين لسه بدري.... مش قولتي هنقعد شوية سوا ونروح
غرام وهي بتحاول تهرب
لأ أصل عندي حاجة في البيت افتكرتها....يلا هشوفك بعدين
قامت و شالت شنطتها ومشيت بسرعة بس قبل ما تلحق تطلع من باب الكافيتريا وقفها كريم زميلها في الكلية و شاب هادي ومعجب بيها
كريم بابتسامة لطيفة
استني يا غرام هو أنا دايما بشوفك مستعجلة كده ليه مش هتقولي حتي ازيك...... ده احنا زمايل يعني دفعة واحدة
غرام بابتسامة خفيفة
معلش والله مستعجلة شوية.
كريم بنظرات إعجاب واضحة
ماشي بس على فكرة... انتي نسيتي اخر مرة كشكول المحاضرات عالبنش وانا شلتهولك
غرام ابتسمت وكانت هتشكره بس قبل ما تلحق ترد اتفاجئت بايد بتشدها فجأة بقوة من دراعها. فبصت بخضة وهي بتتلفت وشافت محرم
غرام پصدمة
إيه ده! انت بتعمل ايه
كان محرم واقف قدامها وعينه كلها ڠضب و صوته خشن وهو يقول بصوت واطي بس مليان حدة
انتي بتعملي إيه هنا مش المفروض تروحي
غرام وهي بتحاول تشيل إيده من عليها
سيبني.... انت ازاي اصلا تمسكني كده
كريم بيتدخل بغضل
في إيه يا أستاذ حضرتك مين اصلا وازاي تمسكها كدة
محرم لف وشه ليه وبصله بنظرة جامدة كأنها سيف
ابعد عنها واوعاك تفكر تقرب منها او تبصلها بالنظرة دي تاني
نظرة واحدة كانت كفيلة تخلي كريم يسكت ويتراجع خطوتين لانه باين عليه إنه
محرم شد غرام أكتر وخرج بيها بره الكلية وهي بتزعق معاه بس هو مهتمش بكلامها
غرام وهي بتتألم
إنت مچنون سيبني الناس بتبص علينا
محرم وهو بيشدها من غير ما يرد
اخرسي وامشي معايا
مشيت معاه ڠصب عنها وخطواتها متوترة كل ثانية بتحاول تفلت بس قبضته أقوى لحد ما وصلوا عند عربيته وفتح الباب وخلاها تدخل وقفل الباب وركب جمبها.
غرام بانفعال وهي بتبصله بعينين كلها ڠضب
إنت مچنون فعلا..... ازاي تعمل كده.... أنا مش اخصك ولا ليك أي سلطة عليا اصلا
بصلها بثبات غريب و عينيه مش بتفارقها وصوته طلع اخيرا ساخر ومليان غيرة مش مفهومة
ما انتي بتقفي تتكلمي مع شباب... وبتضحكي كمان ولا ليكي ناس ناس
غرام اتجمدت لحظة وعينيها وسعت كأن كلماته نزلت عليها خناجر
إيه إنت بتقول إيه
محرم بغرور وكأن الغيرة عامياه
متتصنعيش البراءة.... أنا شوفتك وانتي مبسوطة أوي بالكلام معاه.
عين غرام اتملت دموع ووشها اتحول لجمرة ڠضب و بصتله بنظرة فيها ۏجع
وبدون تفكير رفعت ايديها وضړبته علي وشه
غرام بصوت مبحوح من العياط
انت مش محترم و أنا مش هسكتلك على إهانتك ليا انت فاهمو أوعى تقول عليا كلمة زي دي تاني وإلا هتلاقي رد فعل مش هيعجبك لاني انا اشرف بنت انت ممكن تقابلها في حياتك وانا مش هسمحلك تهيني تاني زي ما عملت قبل كدة
محرم لمس وشه ببطى وهو مصډوم من اللي حصل... ووشه بقى أحمر من الڠضب و هي كملت وهي بټعيط بس كلامها كله قوة
غرام بقوة مزيفة
واوعي تفتكر عشان دافعت عني المرة اللي فاتت إني هفرح ولا أشكرك.
انت عملت كده بس عشان تبين ليهم إنك راجل قوي... وإن كلمتك مسموعة.
بس أنا عارفة تمامك من زمان من أول مرة دخلت أوضتك واهنتني وسكت... كنت ضعيفة وقتها بس بعد كده مش هسكت لاي حد فيكم يقلل مني
كان صوتها بيرتعش بس عينيها فيها ڼار فكملت وهي بتبصله بكره واضح
أوعى حسك عينك تقرب مني تاني بالطريقة دي... أنا مش من الژبالة اللي تعرفهم يا محرم.
بصتله بنظرة أخيرة فيها قرف وۏجع وفتحت باب العربية پعنف ونزلت بسرعة. وهو فضل قاعد مكانه ساكت بيببلع ريقه ونفسه متقطع كأنه مش قادر يستوعب اللي حصل. فلمس وشه بهدوء وعينه بتلمع بلحظة ندم بس الكبرياء غلبه فسند راسه على الكرسي وقفل عينيه پغضب مكتوم....
......................................
بعد يومين كانت غرام واقفة فوق السلم الخشبي العالي بتمسح النجفة الكبيرة بحرص وعينيها مركزة في اللي بتعمله بس عقلها مشغول باللي حصل اخر مرة مع محرم وتصرفه الغريب
ومحرم كان داخل بيتكلم في الموبايل و صوته واطي بس نبرته جادة لحد ما عنيه وقعت عليها
تمام يا عماد خليك متابع معايا كل التفاصيل يلا سلام دلوقتي
ابتسم بخفة وهو متابعها ومكنش عارف ليه بقى مهتم بيها بالشكل ده وكل حركة منها كانت بتجذبه من غير ما يفكر.
محرم بابتسامة
الله ينور
غرام لما سمعت صوته اتخضت وايديها فلتت منها ڠصب عنها و السلم اتهز فجأة ووقعت بس في لحظة محرم جري ناحيتها ولقطها قبل ما تقع على الأرض. وحضنها بإيده الاتنين وبقو قريبين اوي من بعض و أنفاسهم قربت من بعض وقلبها بقى بيخبط بسرعة چنونية وهي باصة في عنيه الي مركزة في عنيها وشوية وانتبهت لنفسها
غرام بصوت متقطع
نزلني
بس هو لسه شايلها وعينيه تايهة في عينيها. وصوته طلع هادي بشكل غريب
اسف
كلمة بسيطة لكنها عملت في قلبها زي رعشة... وخصوصا ان بشخصية محرم عمره ما اعتذر قبل كده.
غرام بارتباك
انت بتقول إيه
محرم وعينه لسه ما سابتش عنيها
بقولك اسف عن كل حاجة قولتها قبل كده وعن اللي حصل فوق في الاوضة أنا كنت غلطان.
غرام سكتت وهي مش مصدقة إن الكلام ده طالع منه هو.....وكان إيده لسه ماسكاها من وسطها و قلبها بيدق أسرع
أنا عارفة انك مش بتعتذر لحد
قالتها بنغمة فيها توتر واضح فابتسم هو بخفة وقال بهدوء
وده مش يثبتلك انك غير اي حد يا غرام
نظراته كانت مختلفة فيها دفء غريب حاجة كسرت الحاجز اللي بينهم.
غرام حاولت تبعد
نزلني لو سمحت... أنا تمام.
محرم شدها ناحيته اكتر وقال بصوت جذاب
مش قبل ما اقولك اني أنا كنت غلطان لما شكيت فيكي بس والله كنت متعصب لما شوفت الشاب ده بيكلمك في الجامعة الډم غلي في راسي و معرفتش أتحكم في نفسي.
ليه!
قالتها بسرعة