رواية كامله غرام محرم بقلم اسراء ابراهيم

مرتعش
يعني يعني انتي حفيدتي انتي بنت معتز
غرام والدموع في عينيها
أيوه يا تيتة وأنا كنت هفضل ساكتة والله بس هما مش عاوزيني اعيش
سلوي صړخت وهي بتترعش
كدابة.... متصدقوهاش
محرم بصلها پغضب شديد وصوته بقي قوي
بجد انتي لسة بتنكري وانتي عارفة اني بمكالمة تليفون دلوقتي هعرف كل حاجة.... انتي ازاي كدة... وكل ده ليه..... اه فهمت عشان كنتي راسمة اتجوز بنتك ويبقي كل حاجة ليكي مش كدة... مش دي خطتك
سلوي اتلخبطت وهي تقول
لا يا محرم.... أنا كنت بخاف على العيلة ماكنتش عايزة المشاكل تزيد وكل ده عشان المصلحة
كريمة بصتلها بذهول ودموعها بتنزل
ازاي دي بنت أخونا..... ازاي تعملي فيها كدة
سهيلة ما استحملتش ودموعها نزلت وهي بتقرب من غرام و مدت إيديها ولمست وشها بحنان وابتسامة على شفايفها
انا كنت حاسة والله كنت حاسة من أول يوم شوفتك فيه إن في بينا حاجة يا حفيدتي يا بنت معتز يا غالية انتي
غرام اڼهارت في حضنها و دموعهم سوا على كتف بعض ومحرم وقف وراهم وعلي ملامحه مزيج بين الصدمة والفرحة انها طلعت بنت خاله وكانت عينه على غرام وهي بين إيدين جدتها وابتسم ليها وهي شكرته بعنيها انه صدقها وكانت بتبصله بفرحة وقلبها بينبض بعشق اتولد ليه من اول ما اتقابلو
وساعتها ريم بصت عليهم وهي مولعة من الغيظ وحاسة إن كل حاجة خرجت عن سيطرتها والدم في عروقها بيغلي وهي واقفة مش عارفه تعمل حاجة لانها خسړت كل حاجة
.......................................
بعد فترة في القصر الكبير كانو كلهم قاعدين مع بعض وسهيلة وكريمة فرحانين اوي بغرام وبيعاملوها احسن معاملة.. وخصوصا كريمة اللي بقت بتعامل غرام كانها بنتها وكل ده تحت نظرات سلوي وبنتها اللي كلها غيظ لكنهم خلاص كأنهم مش موجودين
كريمة بابتسامة رقيقة
عارفة يا غرام انتي من يوم ما ډخلتي القصر وفعلا خليتي فيه روح وحبيتك اوي..... من غير ما كنت اعرف انك بنت اخويا
غرام بخجل وهي تضحك
ربنا يخليكي يا عمتو....والله وانتي وتيتة احن حد قابلتو في حياتي... لو تعرفي انا كنت بتعامل ازاي من خالتو مش هتصدقي... انا ملقتش نفسي غير وانا وسطكم
محرم كان واقف بعيد بيراقبهم بنظرة كلها حب و عينيه بتلمع وهو شايف غرام وسط امه وجدته وكانها جزء منهم ووقتها اخد نفس عميق وراح ناحية غرام بخطوات هادية
محرم وهو بيقف قدامها بابتسامة خفيفة
ممكن اخدك دقيقة يا غرام
كريمة بنظرة فيها خبث وهي ملاحظة نظراته لغرام
آه يا سيدي خدها براحتك بس ما تطولوش عليا..... عشان مشبعتش منها
محرم بهيام
لا خدي. من ده كتير يا ماما عشان بعد كدة مش هتشوفوها اصلا
استغربت غرام بس كانت مبسوطة من معاملة محرم ليها وفعلا اخدها ومشيو ووقفو بعيد لوحديهم ناحية الجنينة اللي جنب القصر في المكان اللي دايما بيكون هادي ومليان ورد.... ووقف قدامها وهو بيبصلها بعينه بنظرة كلها مشاعر مبقاش قادر يخبيها.
غرام بتوتر
محرم انت بتبصلي كده ليه
محرم وهو يبتسم بنعومة
عشان أول مرة أشوفك واحس اني فعلا اتاخرت كتير اوي واني كان لازم اقابلك من زمان يا غرام
وسعت عيونها وهي بتبصله بارتباك وتحاول تبعد نظرها عنه بس هو مد إيده ومسك ايديها برقة خلتها تتجمد مكانها
غرام بصوت مبحوح
محرم.. انتي بتعمل ايه
محرم وهو بيقرب أكتر منها و صوته هادي
سيبيني أقولك كل اللي جوايا يا غرام
بلعت ريقها بخجل و قلبها كان بيدق بسرعة وعينيها بتهرب منه بس هو رفع وشها بإيده و بنظرة كلها صدق قالها وعيونه في عيونها
محرم بهيام
غرام.. أنا كنت فاكر نفسي مش ممكن أحب .. كنت فاكر إني فقدت الإحساس ده من زمان..... لكن إنتي رجعتيلي كل حاجة كنت فاكرها راحت..... أنا بحبك يا غرام.
الكلمة وقعت عليها زي حلم.. وعينيها كانت بتدمع من الفرحة ووقتها ابتسمت بخجل وهي مش قادرة تبصله
غرام بخجل واضح
بتقول إيه يا محرم....انت متأكد
محرم بابتسامة وهو بيمسك إيديها الاتنين
انا بقول الحقيقة..ومتأكد مليون في المية انا بحبك من غير لف ولا دوران.. عايزك تبقي مراتي.. تبقي معايا هنا في البيت ده ك ست القصر كحبيبتي اللي اخترتها بروحي وقلبي يا غرام
غرام ابتسمت بسعادة وهي حاطة إيدها على صدرها وهي مش مصدقة
غرام بصوت مهزوز من الفرحة
انت بتتكلم بجد
محرم بابتسامة صافية
عمري ما كنت جد كده في حياتي.
غرام بخجل وصدق
وانا موافقة يا محرم... لان ضربات قلبي دلوقتي بتأكدلي اني انا كمان بحبك بس يعني
محرم بفرحة مش كاملة
بس ايه يا غرام بقي.... حرام عليكي جننتيني
غرام بقلق وتردد
بصراحة انا عارفة ان ريم بتحبك وانا خاېفة اكون بظلمها لو وافقت لانها كانت في حياتك قبلي...يعني انا خطڤتك منها
محرم بص لغرام بحب ذاد اكتر من الاول
غرام..... لازم تعرفي ان ريم مش بتحبني هي بس اتعودت ان كل اللي تحتاجه تاخده لكن حب مستحيل وانا ميهمنيش هي انا اللي يفرق معايا قلبي اختار مين وهو اختارك يا غرام من اول يوم شوفتك فيه واعلن عصيانه عليا ويمكن ده اللي كان بيخليني اتهرب...... ها لسة برضه مصممة تحرميني من السعادة اللي عايشها وانتي معايا
غرام بابتسامة
بحبك اوي يا محرم.... كفايا احساس الامان اللي بحسه وانا جمبك من يوم ما عرفتك
ابتسم محرم بسعادة وشالها ولف بيها وهو مش مصدق الاحساس اللي حسه دلوقتي
محرم بسعادة
مش هخلي دمعة تلمع في عينيكي تاني طول ما أنا عايش يا غرامي
تمت