الفريدة

متقلقيش مراد بيه مش هيحس بحاجة وكمان اخر معاد دواء الساعة 10 وبعدها انا هكمل مع شوشو
زينات بس كده تعب عليكى
فريدة ولا تعب ولاحاجة
أما عند مراد فى اوضته
اكرام عاملة ايه دلوقتى
مراد هعمل ايه يعنى قاعد على الكرسى ده
اكرام مراد لازم تتقبل وضعك علشان تعرف تتعامل وبعدين فترة وهتعدى
مراد يارب المهم دلوقتى متعرفش اخبار عاصم ايه
اكرام باسف البقاء لله
مراد بحزن امتى
اكرام من يومين
مراد لاحول ولاقوة الا بالله هنعمل ايه
اكرام كل خير المهم دلوقتى صحتك ولم تسترد صحتك شويه نبقى نتكلم فى الشغل
وهنا الباب خبطت ودخلت فريدة وهى شايلة صنيه الاكل مراد انا جبت لحضرتك الاكل علشان معاد الدواء
حاولت فريدة تساعد مراد على الاكل واخدت الدواء وطلبت منه الراحة
خرج اكرام يسأل على أسر عرف أن مشى علشان يجهز نفسه لسفر والكل اتغداء
وبعد كده فريدة طلعت جمب شوشو وفضلت جمبها طول الليل لحد ما نهار طلع وكانت عينيها غمضه محستش غير لم داداة سميحة بتصحيها اصحى يابنتى
فريدة بنوم صباح الخير ياداده
سميحة صباح النور روحى ارتاحى شويه وانا هكمل مكانك
فريدة وهى بتبص فى ساعتها لا راحة ايه يادوبك احضر الفطار لمراد بيه ومعاد دواء علشان يجهز لجلسه العلاج الطبيعى
سميحه بس كده انت هتتعبى
فريدة بابتسامة متقلقيش عليا انا اخده على كده
خرجت فريدة وراحة على اوضتها غيرت هدومها وتوضات وصلت فرضها وقرأت وردها وبعدها جهزت الفطار لمراد وخبطت ودخلت عليه
فريدة بابتسامة صباح الخير يامراد بيه
مراد صباح النور
فريدة انا جهزت الفطار لحضرتك
مراد متشكر
فى نفس اللحظة الباب خبط ودخل اكرام صباح الخير
مراد صباح النور
اكرام ممكن ياانسه فريدة تسيبنى مع مراد شويه علشان اعرف اجهزه
فريدة حاضر
خرجت فريدة واكرام اخد مراد على حمام وغير هدومه وفطر وبعد شويه دخلت فريدة اديت مراد الدواء واتفق مع اكرام على متابعة الشركة لحد مامراد يستعيد صحته
وبعدها جاء دكتور العلاج الطبيعي وعمل الجلسه وعرف فريدة بعد التمارين الا هتعملها معه
خلصت الجلسه وطلبت من مراد الراحة وبعدها خرجت قابلت زينات
زينات اخبار مراد ايه
فريدة الحمد لله الدكتور قال إن شاء الله الأعصاب تستجيب بسرعه
زينات يارب شكرا على اللي عملتيه مع شوشو
فريدة عادى انا اعتبرتها اختى
زينات انا عارفة أن شوشو زودتها شويه بس اعزريها الا حصلها مش شويه
فريدة متقلقيش كله تمام
زينات تعرف انى لازم ارجع الدار
فريده ارجعي واطمنى
رجعت زينات الدار
وأسر رجع تانى لندن
وعدى شهر والأمور مستقرة لم تخلو من المشاكل بين فريدة وشوشو
أما مراد فكل يوم إعجابه بفريدة بيزيد عن اليوم إلا قبله وحالته بدأت تتحسن شويه
أما اسر فحاول يغرق نفسه فى الشغل علشان ينسى شوشو ولم ينجح
واكرام حاول يوقف الشركة على رجله من تانى
أما عائشه مخرجتش من الفيلا نهايه طول الفترة الفاتت ودبلت فمراد فكر فى حاجة
وطلب اكرام خير
مراد كنت عايزك تشترك فى النادى علشان شوشو
اكرام حاضر كنت عايزك فى موضوع
مراد خير
اكرام الشركة محتاجاك
مراد ازاى
فريدة عندى الحل
اكرام ايه
فريدة
مراد بحدة اعتقد ياانسه شغلك هنا هو التمريض وبس صح
فريدة باحراج صح

انا اسفه عن اذنك
خرجت فريدة وهى تشعر بالاحراج
اكرام مالهوش لازوم انك تحرجها كده هى مغلطتتش
مراد من فضلك يااكرام سبنى دلوقتى
خرج اكرام من عند مراد شاف فريدة فى الجنينه وباين عليها الحزن فكر يروح يكلمها بس أتراجع علشان ميحرجهاش
اما فى مكان آخر
يجلس الباشا ويدخل عليه هذا الشخص خلاص عرفت كل حاجة
الباشا قول
الشخص هو خرج من المستشفى وقاعد فى البيت وصاحبه اسمه اكرام هو إلا بيروح الشركة وبنته مش بتخرج بس انا عرفت هنعمل ايه
الباشا ايه
الشخص
الباشا ضحك بشړ
ياترى ايه الا هيحصل
الحلقه
مراد حس أنه أحرج فريدة وهى اصلا مغلطتش فكر أنه يراضيها بس رفض الفكرة
أما فريدة فضلت قاعدة فى الجنينه ودموعها مغرقه وشها لنفسها انا فعلا غلطانة انى أدخلت فى حاجة متخصنيش انا نسيت نفسى انا جاية هنا علشان حاجة معينة وهى تمريض مراد انا لازم متعديش حدودي وهنا تليفونها رن وگانت ماما سعاد
فريدة حاولت ترد من غير ماتبين صوتها الا متغير من الدموع الو ماما سعاد وحشتينى
ماما سعاد انا زعلانه منك
فريدة ليه كده بس
ماما سعاد علشان مكلمتنيش من يومين
فريدة بصوت مخڼوق معلش علشان الشغل
ماما سعاد حست بصوتها انى فى حاجة فريدة مال صوتك انتي كنتي بټعيطي
فريدة بعدت التليفون عنها وحاولت تاخد نفس لا ياحبيبتي دى أنا عندى دور برد جامد فعلشان كده صوتى تعبان
ماما سعاد وهى مش مقتنعه ماشى يافريدة بس لازم تعرفى انك بنتى والبنت مالهاش غير حضڼ امها فاهمانى يافريدة
فريدة ربنا يخليكى ليه
ماما سعاد ويخليكى ليه ياحبيبتى انا هقفل علشان معطلكيش
فريدة ماشى خلي بالك من نفسك
ماما سعاد وانتى كمان
قفلت فريدة مع سعاد وحاولت تهدى واخدة عهد انها متتدخلش فى اى شئ غير شغلها وبس
أما فى الدار
بعد ماقفلت مع فريدة حاسة ان فى حاجة وعارف كويس أن فريدة لايمكن تتكلم أو تشتكى فقررت تروح لزينات تسألها يمكن تعرف حاجة
كانت زينات تجلس فى مكتبها تراجع بعد الاوراق فخبطت الباب فسمحت لها بالدخول
فتحت الباب ماما سعاد مدام زينات ممكن ادخل
زينات بترحابطبعا اتفضلى
ماما سعاد اخاڤ اعطلك
زينات وهى بتقوم من على المكتب مفيش عطله ولا حاجة واكيد فى حاجة مهمة الا تخلى ماما سعاد بنفسها تشرفنى
ماما سعاد وهى بتعقد على الكرسى انت كلمتى فريدة النهارده
زينات باستغراب لا ليه
ماما سعاد اصل كنت بكلمها وحاسة من صوتها أن فى حاجة وانتي عارفه أن فريدة صعب انها تتكلم أو تحكى
زينات سرحت فى ايه ممكن تكون شوشو اكيد ماهو صعب يكون مراد فاقت من شرودها على صوت ماما سعاد روحتى فين
زينات معاكى انا هكلمهم وهشوف
ماما سعاد انا لم أقنعت فريدة بالموضوع ده كان علشان اخرجها من حبستها فى الدار مش علشان اتعبها بزيادة ارجوكى يامدام زينات لو في حاجة مضايقها تحليها ولو مفيش حل يبقى ترجع تانى هنا وسطينا
زينات لا متقلقيش انا هتصرف
ماما سعاد وهى بتقوم تقف ياريت عن اذنك
خرجت سعاد من عند زينات وقاعدة زينات تفكر هى ممكن تعرف ازاى وفى الاخر لقيت الحل انها تسال مراد بصورة غير مباشرة
أما فى الفيلا عند مراد
كان مراد قاعد حزين على الا حصل حس أنه احراج فريدة بس كان لازم يعمل معاها كده لانه مش عارف كل مايشوفها يحس احساس غريب ناحيتها كأنه عارفها من زمان احساس عمره ماحاسه قبل كده خاف يجرى ورا إحساسه يظلمها وخصوصا أنه عارف ان لو فكر فى الارتباط بيها هيظلمها فكان لازم يتصرف كده فاق من شردوه على صوت خبط الباب فكر فريدة فرح اتفضل
بس اتفاجىء انها شوشو صباح لخير يادادى
مراد بضحكة صباح النور ياحبيبتى بابا نفسي تقولى بابا بلاش دادى دي
شوشو بابتسامة واحدة واحدة عليه ياسى دادى
مراد تمام قوللى بقى انت على طول حابسة نفسك فى الفيلا هنا
شوشو لحزن هعمل ايه دادى انا هنا معرفش حد ومش هعرف اخرج لوحدى وحضرتك كنت وسكتت
مراد كملى كنت موعدك بس للاسف حصل الا حصل
شوشو قربت من بابها وقاعدة على ركبتها أمامه انا اسفه يادادى مقصدش اضايق حضرتك
مراد وهو بيطبطب عليها ولايهمك عموما انا كلمت اكرام وهو هيتصرف
شوشو ازاى
مراد هيشترك ليكى فى النادى علشان تخرجى ويكون ليكى صحاب
شوشو بس فى حاجة حضرتك مش واخد بالك منها
مراد ايه
شوشو الدراسه يادادى هنعمل ايه فيها
مراد انا مش ناسى وكلمت اسر يخلص كل الاوراق بتاعتك ويبعتها لينا واكرام يتصرف
شوشو حاسة بفرحة عند سماع اسم اسر دادى وحضرتك ناوي تعقد هنا على طول وشغلك هناك خلاص كده
مرادبصراحة أنا نفسى اعيش فى بلدى وشغلى متقلقيش عليه اسر متابعه هناك انا الا مستغربه أنه اسر مش عايزة يرجع متعرفيش ليه
شوشو بحزن لا اكيد عجبته القاعدة هناك
مراد ممكن
وهنا تليفون مراد رن كانت زينات الو
زينات ازيك يامراد
مراد الحمد لله ياعمتى
وهنا استأذنت شوشو وخرجت قبل دموعها ماتفضحها خصوصا بعد معرفتها برفض اسر نزول مصر لنفسها اكيد قاعدة مع الست كريستينا
زينات اخبارك ايه
مراد حس انها عايزة تسال على حاجة معينة معقول فريدة تكونها اشتكتلها كل تمام انتي بتسألي على حاجة معينة
زينات وقد اكتشف أمرها عادى اصل بكلم فريدة صوتها فى حاجة
مراد هى اشتكت ليكى
زينات بنفى ابدا انا بكلمك انت علشان لو فى حاجة حلها يامراد فريدة حساسة اوى ياريت لو شوشو بتضايقها تكلمها ولو مضايقين منها انا ممكن اكلمها وترجع تانى الدار
مراد بسرعه لا طبعا تسبنى ازاى وقد أدرك ماتفوه بيه قصدى أن حضرتك بتشكرى فيها وفى شغلها فمش هينفع نمشيها رجاء ياعمتى لو هى طلبت كده تكلميها علشان تمشى اقنيعها انها تفضل معانا علشان هى اخدت علينا واحنا كمان اخدنا عليها
زينات وقد ابتسمت وحاسة أن هدفها قرب على التحقيق حاضر المهم حاول انت تلطف الجو مابينها وبين شوشو
مراد حاضر
وقفل مع عمته انا ايه الاقولته ده معقول اكون مش عايزاها تبعد طب ليه وهى فعلا ممكن تزهق منى لا مستحيل هى اكيد مقدره ظروفى انا اول ماتدخل عليا احاول اعتذر منها وخلاص جرى ايه يامراد انت رجعت مراهق من تانى هى غلطت ومينفعش تتدخل فى شغلى وكمان انا مش عايز اجرى وراء عواطفى ممكن تكون معاملتها ليه مجرد شفقه لحالتى مش اكتر فاق من كلامه مع نفسه على خبط الباب بس فى ساعته عرف ان ده معاد علاجه فتأكد انها هيا
دخلت فريدة واضح من معالم وشها انها معيطةمن اول عينيها المنفوخة من كتر العياط لحد وشها الاحمر وصوتها
زعل جدا من نفسه أنه وصلها لكده حب يصلح الموقف لكن اتفاجىء بموقف فريدة الا اتكلمت بجديه اكتر معاد دواءك يامراد بيه
مراد مستغرب طريقه فريدة والجديه
الا بتتكلم بيها معها غير عادتها فهى طوال الفترة الافاتت كانت تدخل عليه وعلى وجهها ابتسامة وسعادة وضحك لكن المرة دي أعطت له الدواء دون اى كلام اخر وبعد ماخلصت عملها حضرتك تأمر بحاجة تانيه
مراد لا متشكر
خرجت فريدة من عند مراد قابلت سميحة فريدة يابنتى مالك شكلك معيط
فريدة وهى بتحاول تدرى دموعها سلامتك ياداده مفيش
سميحة قربت منها فضفضى يابنتى اتكلمى يمكن مكنش قد المقام ولا اكون متعلمة زيك بس ممكن انصحك
فريدة وهى بتبوس رأسها متقوليش كده انت مقامك عالى بس صدقينى اول مقدر اتكلم مع حد هتكونى انتى اعذرونى بس
سميحة وهى بتطبطب عليها بحنيه ربنا يروق حالك
أما عند شوشو اول ماخرجت من عند بابها طلعت على اوضتها واترمت على السرير ټعيط على أسر وتقول لنفسها معقول احساسى كدب عليا وانا بالنسباله ولا حاجة بس ازاى وانا اول ماكان ياخدنى فى حضنه كنت بحس بالأمان معقول احساسى غلط اكيد كده ماهو مش معقول يكون بيحبنى