رواية وعد

انا حامل
فوقت من تأثير الكلمة اللي قالتها مراتي استبعدت صدمتي لإنو دا مش وقتو ونا بقولها بزعيق
ازاي
كنتي بتستغفليني و مكنتيش بتاخدي الحبوب... عايزه تحطيني في الامر الواقع يعني
ردت عليا بعد ما مسحت دمعة فرت من عينيها
زهقت يا زين... زهقت منها ف مبقتش اخدها
رديت عليها تاني پصدمة و زعيق اكبر
يعني ايه زهقتي يا نور هو مش كان اتفاق ما بينا
لسه مصممه تحطيني في الامر الواقع و مش مقدرة شعوري ولا احساسي دلوقتي!
ردت عليا بكسرة اول مره اشوفها في عينيها من اول ما اتجوزنا و رعشة بسيطة ظهرت في صوتها
ايوا زهقت و تعبت من إنك بتقولي مش مستعد لمسؤولية ولا عيال... بقالنا سنتين و نص متجوزين و بتكرر نفس الكلام اللي عمري ما اقتنعت بيه انا عندي مشاعر و نفسي اجرب شعور الامومية و لو لمرة واحده!
مقدرتش امسك اعصابي اكتر و اقعد في البيت اكتر من كدا... رزعت الباب ورايا بعد ما خرجت من البيت و خدت مفاتيح العربية
بنزل علي السلالم بسرعة كبيرة مش قادر احكي لحد علي معاناتي ونا طفل... عايز اهرب من المواجهة
بتنفس بسرعة كإني كنت في سباق و وشي عرقان من أثر الصدمة
ركبت العربية ونا بسوق بسرعة عالية... مش عارف لما ارجع هواجهها ازاي ولا اقولها ايه من اللي واجهته ونا طفل و مأثر عليا في حياتي!
فضلت اسوق لغاية ما وصلت القسم... مكان شغلي اللي بحبو جدا و بيبخر كل ڠضبي اول بس ما اشتغل علي قضية فضلت منشعل طول اليوم في الشغل لحد ما اجا وقت رجوعي للبيت
طلعت علي السلالم ونا متوتر و حاسس إني رايح ل قبر فتحت الباب بالمفتاح و مع اول تكة مفتاح لقيتها جريت عليا بلهفة و خوف كإني غايب من سنين
نور ب عيون حمرا و صوت فيه احباط
انا... كنت خاېفه عليك خۏفت مترجعش
رديت عليها بصوت فيه ذنب ونا بتجنب ابص في عينيها
انا آسف
مكنش ينفع اهرب كدا بس انت عارفه ليه
كملت نور بصوت مهزوز و هي بتمسك ايديه في محاولة للتواصل معاه اكتر
قولي خاېف من ايه بالظبط
مش هنفضل نلف في نفس الدائرة يا زين
رديت عليها بصوت فيه ذنب ونا بتجنب ابص في عينيها
مش عايز اجيب طفل و اضيعه... اضيعه زي ما ابويا و امي ضيعوني زمان
ردت عليا نور و هي بتحاوط وشي
فهمني ايه اللي حصل زمان... انت عمرك ما حكيتلي عن طفولتك
رديت عليها بصوت مكسور
عمري ما انسي العڈاب اللي كنت بتعذبه زمان
انا كنت بټضرب بس علي اقل غلطة اعملها!
كنت اوقات بنام في الشارع جمب البيت اللي عيشت فيه اسوأ ايام حياتي!
بسبب غلطة انا ماليش ذنب فيها.. غلطة اب و ام مش مسؤولين عن حياتهم و تصرفاتهم
كملت ونا بفتكر اللي كان بيحصلي زمان ونا مرتاح شويه لإني اول مرة اشتكي لحد عن ۏجعي
جابوني غلطة... كانوا متجوزين في السر
لما امي عرفت انها حامل فيا الموضوع اتكشف و اهلهم عرفوا و بعدين قاطعوهم هما الإتنين
وقتها معرفتش تسقطني لإنو عرفت بعد فترة كبيره انها حامل فيا و لما جيت علي وش الدنيا مشوفتش غير الكره و بس منهم... دي الدادا كانت احن عليا منهم!
مكنتش بشوف غير الضړب كل يوم بسبب غلطتهم هما
غلطة انا ماليش ذنب فيها!
كانوا بيقولولي انت ابن حرام و سبب كل المشاكل اللي احنا فيها دلوقتي!
كملت ونا بنزل راسي في الارض... مش عايز اشوف نظرة شفقة في عينيها
متخيلة يعني ايه طفل مكملش 9 سنين يشوف دا