رواية وعد

الجملة اللي طلبها مني بحركة سريعة و حطيتها في جيبي
مش عايز حد تاني يشوف ضعفي حتي لو الدكتور امين و عيادته فيها سرية تامة!
بعد ما نزلت من العيادة سوقت عربيتي كنت خلصت شغلي ف روحت البيت علي طول
البيت اللي بسببو بقيت متلهف إني اخلص شغلي بسرعة عشان اروح ل نور نور مبتحبش تقعد لوحدها في البيت
بعد ما كنت ببات في شغلي باليومين و اكتر كمان و بروح مأموريات بالشهرين
وصلت عند البيت لقيت نور قاعده علي سلم الشقة مستنياني
اول ما شوفتها تلقائيا ابتسمت بعد ما كان وشي عابس و مضطرب ابتسامة صافية مبتطلعش لأي حد
محبتش تسألني عملت ايه عند الدكتور بعد ما شافت تعابير وشي و اكتفت بإنها تحضني حضنها اللي بدوب فيه و هي بتقولي ببراءة و عفوية
عملتلك مكرونة بشاميل و مش اي مكرونة بشاميل يا حظابط دي مكرونة بشاميل جوسي زي ما بتحب
رديت عليها ونا مبتسم مجرد الكلام معاها بس بيخليني طاير من الفرحة
مكرونة بشاميل و كمان جوسي!
دا احنا اتطورنا بقا
ردت عليا بعد ما مسكت ايدي و بتشدني معاها عشان ندخل البيت
و مش اي تطور كمان
دا كفاية إن حضرة الظابط زين علمني ازاي اعمل المكرونة البشاميل... ازاي معملهاش كويس بقا
ضحكت من كلامها و من لمعة عينيها اللي بتظهر لما بتكلمني و ضحكي زاد لما افتكرت تفاصيل اليوم اللي طبخنا فيه مع بعض و قررت اعلمها المكرونة البشاميل
هي مبتعرفش تطبخ لكن بتحاول عشان تبسطني
غيرت هدومي و كلنا مع بعض وسط ضحك و هزار كتير نور بالنسبالي مش مجرد مراتي و بس
لو اتكلمت عنها اقدر اقول انها ال Psychotherapy
اللي موجودة في اي وقت
بعد ما خلصنا كل حاجة و غسلت مع نور المواعين لقيت نور جاية عليا و هي مبتسمة و ماسكة كوبايتين شاي بالنعناع و بتناولني كوباية و بتقولي
زين... عايزة اروح اكشف
رديت عليها بخضة
ليه.. فيه حاجه بټوجعك
ردت عليا و هي بتضحك علي قلقي الزايد عليها
ي زين انت نسيت ولا ايه
عايزه اتطمن علي الحمل
ترددت ل لحظة بس صابني فجأة شعور إني عايز ابقا اب... مجرد ثانيتين الخۏف اختفي نهائيا و حل مكانه شعور المسؤولية... خلاص من دلوقتي مش عايز الماضي يأثر اكتر من كدا علي حياتي ف اتشجعت فجأة ونا بقولها
يلا نروح دلوقتي
ردت عليا نور بفرحة حقيقية ظهرت في صوتها بعد ما كنت حاسس بنبرة خوف في صوتها و هي بتطلب إنها تكشف
ف ردت عليا بنشاط
متسألش يا حضرة الظابط نفذ علي طول!
طالعين علي سلالم العيادة انا و نور
ماسك إيديها و هي بتحاول تطمني بإنها بتضغط ضغطة خفيفة علي ايدي كل فترة
قعدنا شوية استنينا دورنا
كنت قاعد باصص لإيدي تحديدا خاتم جوازي انا و نور... قاعد بلعب في الخاتم بتوتر لحد ما إجا دورنا
دخلت انا و نور بعد ترحيب الدكتورة و بعد شوية اسألة اعتيادية
و بعد ما كنت متحمس لدرجة إني حاسس إنو قلبي هيقف عشان نفسي اعرف جنس الجنين ايه
الدكتورة طلبت من نور تنام علي السرير و حطت جل علي بطنها و شغلت جهاز السونار
بصيت بتركيز علي الصورة اللي ظهرت علي جهاز السونار و دقات قلبي السريعة مش بتهدي
قولت فجأة بصوت مبحوح من الصدمة ونا بوجه كلامي ل نور
دول... دول اتنين
ردت عليا نور بحماس و عيون اتملت بالدموع
كنت حاسه إن فيه حركة كتير!
ردت الدكتورة عليهم بلطف و ابتسامة بسبب ردة فعلنا الجميلة
من الواضح إنهم توأم ولد و بنت
في حالات التوأم... ممكن ييجوا الدنيا