رواية وعد

بدري يبقي لازم شنطة الطوارئ تكون جاهزة من الشهر السادس
بعد ما الدكتورة قالتلنا شوية تعليمات طلبنا منها صورة للسونار... عايز اشوف عيالي قدام عيني كل شوية
بننزل من العيادة انا و نور و كنت ماسك صور السونار بحصرص و كإنها وثائق سرية
بتضحك نور علي منظري ضحكة عفوية محببة لقلبي ما هو الواحد ليه مين غير عيلته الصغيرة يعني
عدي ست شهور علي حمل نور بعد ما كنت باخد اجازة متقطعة و كنت بقلل عدد ساعات شغلي بمساعدة صحابي اللي في القسم عدوا ب هرمونات نور اللي كانت اوقات بتضحكني و اوقات بتجنني
زين عايزه اكل طعميه
بصتلها بدهشة ونا بحاول امسك نفسي من الضحك لإنها مبتحبش الطعميه اصلا و لما بتاكلها بتوجعلها بطنها
ف رديت عليها بمهاودة
يا حبيبي انتي مبتحبيش الطعميه اصلا!
و بعدين خدي هنا اجبلك طعميه منين دلوقتي الساعه 3 الفجر!
ردت عليا بعد ما اتفجرت في عياط مرير و شهقاتها بتزيد
مليش دعوة انا عايزه طعميه دلوقتي... انا حاسه إنو عيالي عايزين ياكلو طعميه
زين بص الإعلان دا... دي فاكهة التنين
رديت عليها پخوف ونا بدعي من جوايا إنها متكونش عايزه تاكلها لإنها مش موجوده في مصر اصلا
و المطلوب
ردت عليا و هي بتسقف و بتشدني ناحية باب الشقة
عايزه آكلها و دلوقتي يا زين
رديت عليها بعد ما وقفت عند الباب بالظبط
استني استني!
دي مش موجوده في مصر اصلا اجبهالك منين دلوقتي
و بعدين يا ستي انا حاسس إنو عيالي عيالي عايزين ياكلوا موز... مالو الموز!
ردت عليا و هي بتزعق
يا زين بقولك اتصرف
مش عايزه موز انا عايزه آكل الفاكهة دي و قولتلك دلوقتي!
رديت عليها ونا باخد مفاتيح الشقة و ببرطم بصوت واطي
حاضر حاضر هتصرف
نزلت تحت و قعدت في كافيه و اضطريت اتصل علي واحد صاحبي في دبي و شرحتلو الموضوع و نزل مخصوص عشاني
و بعد تقريبا 3 ساعات و نص صاحبي وصل و بعد سلامات و ترحيب كتير خدت منو الفاكهة ونا برجع البيت متلهف إني اشوف ردة فعلها هتكون ايه
رجعت البيت لسه بفتح الباب لمحتها قاعده في نفس المكان اللي كانت قاعده فيه قبل ما اطلع و مركزة نظرها علي الباب
فتحتلها الكيس ونا بوريها فاكهة التنين دي راحت قامت فجأة و قعدت تحضن و تبوس فيا!
دا من إنهارضة لو طلبت نجمة هجبهالها عشان اشوف ردة الفعل العسل دي!
بعد شهرين في الشهر التامن صحيت مخضوض في نص الليل علي صړخة نور ف قومت بسرعة ونا حيران و متشتت البس نور الاول ولا ادور علي شنطة الطوارئ اللي حضرناها 100 مرة بس نسيت مكانها فين من التوتر ولا البس انا مش عارف اعمل ايه...
بعد ما جهزت كل حاجه بمعجزة كنت شايل نور بإيد و الإيد التانية شنطة الطوارئ بتاعة الولاده.. ركبنا العربية مكنتش عارف اسوق كويس من التوتر و من صړاخ نور بين وقت و التاني بس وصلت في وقت قياسي للمستشفي
نور دخلت العمليات بعد ما دخلت بيها بسرعة و كنت بزعق للدكاترة اللي هناك... سامع صوت عياط نور العالي مش عارف اعمل ايه .. دكاترة طالعين و دكاترة داخلين ونا عايز اطمن عليها بس مش عارف
و مع آخر صړخة سمعتها ل نور لقيت دكتورة طلعت و هي شايله في ايديها طفلين و بتضحكلي
شعور فرحة علي خوف بسبب إني عايز اتطمن علي نور و توتر بسبب حجمهم الصغير اوي... مش عارف اشيلهم ازاي
شيلتهم ونا خاېف اوقعهم دموع اتجمعت في عيني.. بيعيطوا بطريقة