رواية وعد

مش عايزه اشوف نظرة التردد دي في عيونك ابدا انا دايما هكون معاك و متأكده إنك لما تصالحهم هتبقا مبسوط
و كملت و هي بتقولي
يلا روح ناديهم تاني عشان يشوفوا عيالنا يا زين
قومت بعد ما ابتسمتلها وطلعت برة الاوضة لقيتهم قاعدين و ملامحهم باين عليها الحزن ف اتقدمت خطوة منهم ونا مش عارف اقول ايه بس قولتلهم بهدوء
ادخلوا عشان... تشوفوا احفادكم
و لسه بمشي عشان ادخل الاوضة تاني لقيتهم هما الاتنين وقفوني و حضنوني فجأة و انفجروا في العياط!
اول مرة اجرب حضنهم... حضڼ دافي بيحتويك
جسمي كان جامد في الاول بس حنيت لما سمعت صوت عياطهم و بادلتهم الحضن بهدوء ونا بطبطب عليهم و بقولهم إني سامحتهم خلاص
و بعد ما اتكلمت معاهم لمدة 10 دقائق تقريبا ونا متأثر شديتهم لجوا الاوضة عشان نور متقعدش لوحدها اكتر من كدا و عشان يشوفوا عيالي اول ما دخلت بيهم نور ضحكت ضحكة خاڤتة ونا ابتسمتلها كمان و عرفتهم علي نور و خليتهم يشيلوا ولادي و قضينا وقت بين الهزار احيانا و الندم احيانا و نور كانت بتلطف الجو بيننا
و بعد وقت كتير من الكلام ماما قالتلي و هي مبتسمة و عيونها بتلمع
قررتوا تسموهم ايه
لسه جاي ارد عليهم و اقولهم لسه محددناش اسامي انا و نور لقيت نور ردت عليها بلهفة و هي بتوجه نظرها لأمي و لأبويا
هنسميهم داليدا و عمر
بابا و ماما بعد ما سمعوا جملة نور عيونهم دمعت و هما بيبصوا ل داليدا و عمر بفرحة كبيرة ف حضنتهم هما الإتنين في وقت واحد بقيت عايز احضنهم كل شوية و استشعر حضنهم اللي اتحرمت منو زمان
بيعدي الوقت و بييجي الليل وحنا لسه بنتكلم مع بعض
ف بابا بصلي فجأة و هو بيقولي
زين عارف إنو كلمة آسف مش هتكفي السنين اللي راحت... بس كل ليلة كنت بدعي ربنا يخليني اشفي عيونك اللي جرحتها
مسكت ايده ونا ببوسها لأول مرة في حياتي و بقوله
مفيش چرح مبيتعالجش يا بابا.. كلنا بنتعلم من الحياة و متقلقش عليا انا دلوقتي كويس
و ماما برضو حطت ايديها علي كتف نور و هي بتقولها
انتي اللي صنعتي المعجزة دي.. ربنا يخليكي ليهم و لينا كمان
ردت عليها نور و هي بتحضنها
إحنا كنا اربعة و دلوقتي بقينا ستة!
ف حضنتهم كلهم و بما فيهم داليدا و عمر ونا بشاور علي السما و بقولهم
ستة لأ.. احنا سبعة
ف بتطلع نور من الحضن فجأة و هي بتقولي
زين... عايزه آكل فاكهة التنين
اڼفجرت في الضحك و ضميتهم تاني ليا ونا جوايا فرحة لا توصف متخيلتش إنو ييجي يوم اشوفهم و اسامحهم كمان! بس اليوم دا اجا و سامحتهم خلاص
اقدر اقول اني دلوقتي بقيت كويس مع عيلتي الصغيرة!
الجزء 2 و الاخير
وعد