رواية وعد

كلو!
عرفتي دلوقتي انا مش قادر ليه
خاېف اكون لسه متعافتش من اذاهم و اعمل في ابني او بنتي نفس اللي عملوه فيا!
اتكلمت نور اخيرا بعيون دامعة بعد ما ادتني فرصه اشرح سببي و هي بتاخدني في حضنها حضنها الدافي اللي دايما كنت بهرب من الماضي بيه
بس دلوقتي انت مش ابوك ولا انا امك يا زين
فاقد الشئ بيديه للناس
صدقني انت عمرك ما هتعمل كدا في ولادك
و بتكمل بحنية و هي بتنكشني
دا انا مشوفتش حد في حنيتك يا حظابط!
دا انت بتكون ماڤيا مع الناس و معايا انا كتكوت مبلول!
معقول تتخيل مجرد تخيل بس إنك ټأذي حتة منك
رديت عليها بعد ما رفعت راسي ليها ونا ببتسم من كلامها اللي عمروا ما فشل انو يبسطني و يعوضني عن الحنان اللي كنت محتاجو في طفولتي
حظابط و كتكوت مبلول!
انا كتكوت مبلول ي نور!
ردت عليا و هي بتضحك ضحكتها الجميله اللي بمۏت فيها
كتكوت مبلول بس عسل برضو يا حظابط
رديت عليها ونا برجع لحضنها تاني بعد ما نجحت انها تضحكني
يووه لسه مصممة برضو علي كتكوت مبلول دي!
ردت عليا بضحكة اكبر من اللي قبلها
منا بقولك كتكوت مبلول بس عسل
رديت عليها بعد ما فشلت اسيطر علي ضحكتي و ابتسامتي بتكبر اكتر
يا ستي دا انا امشي في الشارع مغرور بقا!
ردت عليا نور و هي بتحاول تفتح الموضوع تاني من غير ما تجرحني
احلي مغرور.... و احلي اب كمان
نزلت راسي علي كتفها فجأة و ضحكتي اتحولت ل تنهيدة طويلة
يعني ايه كلامك دا.... انا ممكن فعلا ابقا اب
بترد عليا نور و هي بتلعب في شعري ب حركة عشوائية و صوتها فيه دلع لكن في نفس الوقت فيه حزم
انت اصلا اب.... اب للطفل اللي جواك اللي خاېف نديله فرصة
عينيا بدأت تلمع بأمل غريب
اول مرة حد يقولي الكلام دا و يفهمني بالحنية دي
اول مرة ابقا ملهوف علي اني ابقا اب من غير ما اهرب
1
وعد
كنت عايزهم يقولولي مره واحده بس إنهم بيحبوني!
إنت جاي هنا عشان تخاف اقل... ولا عشان تتعلم تحب اكتر
سؤال من الدكتور النفسي اللي روحتله.. دكتور كبير في السن باين علي وشو الصبر مراتي نور اقترحت عليا اروحلو بعد محاولات كتير منها بعد رفضي المستمر بسبب مكانتي و شغلي ك ظابط
رديت عليه ونا بحك في حواجبي و في دماغي دوشة كبيرة و سيناريوهات بتيجي في بالي من ضړب و إهانة و طرد من البيت من اهلي
جاي عشان افهم ليه انا شايف إن اي طفل هيتولد هيكرهني زي ما انا کرهت اهلي!
بصلي الدكتور بتركيز و مردش علي سؤالي و قال ب عملية و هو بيديني ورقة و قلم
اكتبلي اي حاجة بتتذكرها من طفولتلك... و حاجة واحدة لو قدرت تغيرها في اهلك .. هتكون ايه
خدت الورقة منه بتردد و السيناريوهات بتزداد في دماغي بشكل لا يطاق بعد ما قالي اكتبلي اي حاجة بتتذكرها من طفولتك
بصيت للورقة بتوهان و كتبت الاجابة اللي فوق بدون وعي مني
كنت عايزهم يقولولي مره واحده بس إنهم بيحبوني!
اديت الورقة للدكتور بإيد مرتعشة و نفس مضطرب و حاسس اني عايز اقوم و امشي
بيرد عليا الدكتور بنبرته الهادية بعد ما لبس النضارة عشان يشوف كتبت ايه في الورقه
لو سمعت الكلمة دي زمان... كلمة بحبك
كنت هتكتب ايه دلوقتي
بصيت للدكتور شوية و بعدين قومت فجأة بإضطراب الذكريات بتخنقني مش قادر اقعد اكتر من كدا و قولتله
مش عارف و مش عايز اعرف
قبل ما امشي خدت الورقة اللي كتبت فيها