نكهات الحب بقلم سمسمة السيد.

نكهات الحب بقلم سمسمه سيد حصريا لموقع لمحة
في واحد من المطاعم المشهوره...
كانت ليلي واقفه بتساعد زمايلها في تحضير اكتر من طبق خرافي للتقديم
ليلي بضيق لزميلتها
انا مش فاهمه يعني هما يستقبلوه واحنا يطلع عين ال جابونا
حلا وهي مركزه في تزين الاطباق
عادي ياليلي يعني مجتش من ضغطت مره في الشغل
مره !قولي عشرين تلاتين واحنا من امتي مش بنبقي مضغوطين في الشغل
قولي لنفسك بقي مش فاهمه فرقت ايه المره دي غير شوية شغل زياده
فرقت ان المطعم كله واقف علي حيلة ولا اكننا هنستقبل وزير
سابت حلا ال في ايدها وهي بتقول بهيام
هيح وزير ايه بس هو في وزير هيبقي بحلاوة عاصي بيه وبعدين متنسيش انه من اغني اغنياء البلد
حركت ليلي كتفيها بلا مبالاه وقالت الفلوس مش كل حاجه
هزت حلا راسها
انتي مفيش فايده من الكلام معاكي
جت ليلي ترد دخل مدير المطعم وقال
كل حاجه جهزت
ليلي وحلا بصوت واحد
ايوه يا فندم
بص المدير ناحية ليلي
عملتلي الطبق بتاعنا المشهور يا ليلي
بصتله ليلي بغيظ
حضرتك تقصد الطبق بتاعي
المدير بتكبر
لا قصدي طبق مطعمي ال انتو شغالين فيه مفيش حاجه هنا اسمها بتاعتك ومش بتاعتك !
ضيقت ليلي عنيها وبصتله بغيظ شديد
ايوه يا فندم عملت الطبق
شاور المدير بعدم اهتمام
عظيم عظيم مش عاوز غلطه والا ملكيش اكل عيش عندي بعد كده مفهوم
جزت ليلي علي سنانها وهي بتهز راسها بضيق
مفهوم يافندم
خرج المدير وفضلت ليلي واقفه مكانها وهتطق من ال بيعمله فاقت علي ايد حلا ال كانت بتخبط علي كتفها بحب
معلش يا ليلي متزعليش
اتنهدت ليلي بحزن وقالت
عادي اتعودت
حلا وهي بتبطب عليها وبعدت وفضلوا يتكلموا ويظبطوا بقيت الاصناف...
بعد شوية ...
وقف مدير المطعم علي الباب بانتظار عاصي واتوتر اول ماعينه شافت اسطول العربيات السوده ال وقفت قدام المطعم وابتدي الحراس ينزلوا منها ويأمنوا المكان وبعد مااتاكدو الن المكان امان راح واحد منهم ناحية عربية عاصي وفتحله الباب ...
نزلت عاصي من العربيه ال كان كتلة من الوسامه والرجوله بشعره الاسود الناعم وبشرته القمحيه ودقنه الخفيفه السوده وعينه العسلي ال كانت مدرياها نضارته ..
جري مدير المطعم ناحيته وقال بلهفه
يا اهلا يا اهلا ياعاصي بيه اتفضل يافندم من هنا
دخل عاصي المطعم من غير ما يديله اهتمام وراح قعد علي تربيزه من التربيزات شاور المدير بايده للعمال ال بدؤا يرصو الاطباق قدامه بمنتهي الشياكه ...
ابتدي عاصي ياكل وهو بيقلب في فونه بعدم اهتمام لحد ما داق من طبق ليلي ال طعمه كان مختلف جدا وحلو جدا ساب موبايله وشاور لمدير المطعم بصباعه يجيله فا جه عنده بسرعه وقال بتوتر
اؤمر يا فندم
عاصي ببرود وصوت رجولي اجش
مين ال عمل الطبق ده
المدير بتوتر من بروده
ليه يافندم خير فيه اي خطأ
رجع عاصي ضهره علي الكرسي وخلع نضارته وبصله پحده
انا مش بعيد سؤالي مرتين وسؤالي ميتردش علبه بسؤال
بلع المدير ريقه پخوف وقال
دي بنت اسمها ليلي
هز عاصي راسه وهو بيردد اسمها بهمس وبعدين رفع راسه وقاله بمنتهي الهدوء
عاوزها
مش فاهم حضرتك
البنت دي عاوزها هاخدها معايا القصر هتبقي الشيف المسؤال عن المطبخ في قصري
بس يا فندم !
من غير بس كلامي خلص روح
قال المدير بطمع
ايوه يا عاصي بيه لكن مطعمنا ميقدرش يستغني عن شيف زي ليلي
رفع عاصي حاجبه الشمال وهو بيبصله ببرود وقال
عاوز كام
المدير بتصنع
يا عاصي بيه المسائلة مش مسألة فلوس
طلع عاصي دفتر الشيكات من جيبه وقال وهو بيكتب شيك
مليون كويس
المدير بطمع
يعني اا..
قاطعه عاصي بعد ماكتب الشيك وهو بيمد ايده بيه
اتنين مليون كويسين اوي معتقدش انها تسوي اكتر من كده
بص المدير بلهفه