رواية تقاليد العائلة بقلم داليا ناصر الأسيوطي

غرفة الطعام و ذهبوا .
في غرفة ادهم .
كانت تجلس غزل مع ادهم و يتناولون الطعام معا .
ادهم
ليه طلبتي الوكل اهنه ما كنا نزلنا تحت.
غزل
اني مش هقعد مع الناس دول علي وكل واحد.
ادهم
طيب حتي عشان جدي محمد و جدي عبدالرحمن .
غزل
يعني انت عاجبك الي عمله جدك محمد و جدك عبد الرحمن و الي عملوه اني مش حابه اسيب البيت ده و الا كنت وافقت انه نمشي مع الباقي او حتي وافقت علي طلب خاطر الهوارى.
ادهم
من ناحيه الي عاجبني و مش عاجبني اني مفيش حاجة عجباني في البيت ده من اول تجارة لحد مشاكلنا مع عيلة الهواري الي ماتخلصش واصل.
غزل
تجارة السلاح دي اساس العيلة و عيلة الهواري مشاكلنا معاهم مش هتخلص ابدا.
اده
عيلة الهواري دول يبقوا عيلتك التانيه يا غزل بس انتي نسخه طبق الأصل من جدك محمد و جدك خاطر واخده من واحد منهم العند و واخده من التاني التصرع.
غزل
اني عمري ما هكون زي خاطر الهواري ابدا.
ادهم
طيب يا غزل تقدري تقوليلي ليه مروحتيش مع الباقي.
كانت غزل سوف تتحدث و لكن قاطعة صوت الباب الذي بدأ يدق فأذن ادهم للطارق بالدلوف فدلفت الخادمة.
غزل
خير يا فايزة لسه مخلصناش وكل.
فايزة
مش جاية عشان اخد باقي الاكل بس فيه حاجة.
غزل
ايه هي.
فايزة
محمد بيه و عبدالرحمن بيه سألوا عليكم و لما اني قولتلهم انكم اهنه و هتفطروا اهنه و مشيت سابوا الوكل و قاموا و مكلوش حاجة.
غزل
طيب يا فايزة روحي انتي.
فايزة
فيه حاجة تانيه يوسف بيه و مرته و عياله لما عبدالرحمن بيه و محمد بيه مكلوش حاجة اني كنت براقبهم ضحكوا بشماته حتي لما بلغتهم انكم مش نازلين برضوا ضحكوا بشماته.
غزل
طيب يا فايزة روحي انتي.
و بعدها ذهبت فايزة اما غزل فقد نظرت إلي ادهم و تحدثت.
غزل
دي أجابت سؤالك.
ادهم
مش فاهم.
غزل
مش انت بتقولي ليه مروحتش مع الباقي دي الإجابة يوسف و مرته و عياله مش عايزين حد مننا يبقي في القصر اهنه.
ادهم بابتسامه
عرفتي دلوقيت انك نسخه من خاطر و محمد الزناتي محدش عارف بيفكروا في ايه.
غزل
ما علينا اعمل أحسابك اننا كل يوم لازم نفطروا و نتسحروا مع الكل تحت.
ادهم
اني كنت نازل بس انتي الي منعتيني.
غزل
حقك عليه يا اخوي اني هرجع اوضتي و نشوفك على السحور.
ادهم
حاضر.
و بعدها تركته غزل و ذهبت الي غرفتها و بقي هو بمفرده.

بعد مرور باقي الشهر بدون شئ يذكر غير ان اليوم قد عاد باقي أفراد عائلة الزناتي الي المنزل.

مساء ليلة العيد .
في قصر الهواري .
في غرفة ليلي.
كانت تجلس ليلي بمفردها و تقوم ببعض الأعمال علي جهازها اللوحي عندما اتت إليها والدتها .
هناء
يارب تكوني فاضيه.
ليلي
و اذا مكنتش فاضيه هفضالك يا ست الكل .
بعدما جلست هناء .
هناء
خير ايه يا ليلي مش قاعدة معانا ليه كلنا مجتمعين تحت .
ليلي
بس فيه شغل كنت هخلص و هنزل يا امي .
هناء
اني مش عارفه ايه الي جابرك علي الشغل ده ما تقعدي في البيت.
ليلي
أني مش بشتغل عند حد غريب ده مال جدي و عيلتي.
هناء
مش هكسب قصادك يا بت الهواري المهم اني كنت جيالك في موضوع تاني .
ليلي
خير يا امي .
هناء
خير بس فيه موضوع تاني مستنيه ردك فيه ليه اكتر من شهر و شكلك نستيه.
ليلي
لا منستوش يا امي .
هناء
طيب ايه ردك مرت خالك تعبت قلبي و هي بتسالني و اني اقولها لسه البت معرفتش.
ليلي و قد تذكرت شىء
موافقة يا امي طمني مرت خالي بس موافقتي بعد موافقت جدي و ابوي و عمي .
هناء
حاضر يا بتي هطمن مرت خالك عشان الموضوع يبقي رسمي .
ليلي حاضر .
و بعدها ذذهبت هناء و ظلت ليلي تكمل ما كانت تقوم به .

في قصر الزناتي
كان عبدالرحمن و محمد يجلسون معا و يظهر علي وجوههم الفرحة
عبدالرحمن
الحمدلله انهم رجعوا و الا كان العيد مش هيبقاله طعم من غيرهم.
محمد
عندك حق يا اخوي بس غيروا رأيهم و رجعوا أكده وحدهم.
عبدالرحمن
اهم حاجة انهم رجعوا و حتي يونس كمان ارجع .
محمد
يارب ديم جمعتنا.
عبدالرحمن
يارب.
في غرفة سارة
كانت سارة تقوم بترتيب غرفتها و غزل تقوم بمساعدتها .
سارة
اني مبسوطة قوي انه رجعنا تاني الايام الي فاتت كانت وحشه.
غزل
اهم حاجة انكم ارجعتوا.
سارة
المهم انتي كنتي مرتاحه و الناس دول اهنه و انتي وحدك اكيد كانوا مضيقينك .
غزل
مفيش حد يقدر يضايق غزل الزناتي .
سارة
طيب خلينا احنا نضايقوهم.
غزل
ميضرش.
و بعدها أكملوا ما كانوا يقومون به.
في غرفة نوح
كان يجلس كلا من نوح و علي و يونس.
علي
الواحد حس براحه بعد ما ارجع ياريتني كنت عملت زي ادهم و ممشيتش من البداية.
نوح
ياريت عندك حق بس اهم حاجه انه كلنا ارجعنا و ابوي و عمي اقتنعوا و رجعوا رغم اني عايز اعرف مين الي اقنعهم .
علي
غزل إلي اقنعتهم ولا انت متعرفش.
نوح
لا منعرفش.
علي
هي اتكلمت معاهم و اقنعتهم يرجعوا ده الي اني فهمته.
يونس
يعني غزل هي الي اقنعتهم.
علي
قولت ايوة .
نوح بابتسامه
صح انت يا يونس مكنتش مقتنع ترجع غيرت ليه رايك و رجعت معانا.
علي و قد فهم نوح
ايوه انت اقتنعت ازاي.
يونس بكذب
عادي غيرت رأي.
نوح
يعني مفيش حد اتكلم معاك .
يونس
لا حد زي مين يعني .
علي بإبتسامة
يعني غزل مكلمتكش.
يونس
بمأنكم عارفين بتسألوا ليه.
نوح
قولنا تقولنا الحقيقة و تعترف انها بتأثر عليك.
يونس
ايوة لا لا مش بتأثر اني بس اقتنعت.
علي
يعني بتأثر ولا لا ..
يونس
لا لا انتوا تعبتوني هروح اوضتي انام ..
و بعدها ذهب الي غرفته اما علي و نوح فقد ظلوا يبتسمون علي صديقهم و اخاهم العاشق .
نهاية الفصل
دلف خاطر و معه ابنائه الاثنين اسماعيل و ابراهيم و جلسوا فتحدثت واحده من الفتيات.
زينب
الحمدلله علي سلامتك يا ابوي .
خاطر
الله يسلمك يا بتي و بعدها نظر الي زوجته و تحدث متكلمتيش يعني يا ام ابراهيم و مسالتيش عملنا ايه في الصلح مع عيلة الزناتي.
هدي
شيفاك جاي مهموم انت و الولد و اي حاجة هتتفقوا عليها مع الرجالة مينفعش احنا حريم نعترضوا عليها.
خاطر
اتفقنا انه الصلح هيتم بربط الډم بين العيلتين عشان أكده زينب هتتجوز يوسف محمد الزناتي و ابراهيم هيتجوز بت محمد الزناتي .
زينب و قد تجمعت الدموع في عينيها
ليه أكده يا ابوي عايزيني اتجوز في العيلة الي طول العمر فيه بينا و بينهم بحور ډم دول هيزقوني المرار مش هيرحموني.
ابراهيم
مش هينفع يا زينب تعترضي علي كلام الرجالة اني طول عمري رافض الجواز و اتجوز اخوكي قبلي و مقدرتش اعترض علي كلام الرجالة الكبار.
اسماعيل وهو يحدث زينب
زينب القرار نهائي ابدأي جهزي نفسك من دلوقيت.
خاطر
إسماعيل متتكلمش مع اختك أكده و اني قاعد....... و بعدها نظر الي زوجة اسماعيل و تحدث...... هناء يا بتي اخدي زينب و اطلعي فوق .
هناء
حاضر يا عمي .
و بعدها أخذت زينب و صعدت
هدي و هي تحدث زوجها
متخافش يا ابو ابراهيم بتك مش هتصغر كلمتك قدام الناس بس خلي في بالك انه لو عيلة الزناتي عاملوا بتي وحش انت السبب في أكده.
خاطر
متقلقيش بت خاطر الهواري محدش يقدر يعمل معاها حاجة و لو حد فكر بس انه يظلمها او يزعلها الصلح هيتفض و نطلقوهم و بحر الډم يرجع زي ما كان .
نهاية المشهد

الفصل الرابع
بعد مرور عدة أيام بدون شىء يذكر .
في قصر الهواري
في غرفة خاطر الهواري .
كان يجلس خاطر الهواري شارد الزهن عندما اتت اليه ليلي .
ليلي
السلام عليكم يا جدي
خاطر
و عليكم السلام يا بتي تعالي اقعدي
بعدما جلست ليلي.
ليلي
بلغوني انه حضرتك رايدني يا جدي .
خاطر
ايوة يا ليلي رايدك في موضوع .
ليلي
اتفضل يا جدي .
خاطر
انتي اكبر حفيدة عندي في البنات كبرتي و اتعلمتي و بقيتي زيك زي اخوكي و ولد عمك في الشغل و جه الوقت الي نشوفك فيه عروسه ده اذا وافقتي و دي حاجة ترجعلك عمري ما غصبتك علي حاجة ولا هغصبك كفاية الي اتغصبت زمان.
ليلي
ربنا يخليك لينا يا جدي .
خاطر
جدك منصور كان اهنه عشيه هو و خالك زي ما انتي عارفه و كانوا جايين يطلبوا يدك للجواز احمد ولد خالك اني مشوفتش احمد من وقت ما سافر يتعلم بره بس كل الي اعرفه انه هو واد زين قبل ما يسافر ايه رايده تفكري في الموضوع و تاخدي و تدي ولا موافقة .
ليلي بخجل
الي تشوفوا يا جدي .
خاطر
اني موافق و عمك و ابوكي موافقين
و بعدها ابتسم لها
اني هناخد رأيك انتي متقوليش الي تشوفوا يا جدي
ليلي بخجل شديد
موافقة يا جدي .
خاطر بفرحه شديدة
الف مبروك يا بتي ربنا يتمملك علي خير بس لسه هيجي و تشوفيه.
ليلي
حاضر يا جدي عن اذنك.
و بعدها قبلت يده و ذهبت الي خارج الغرفة

في قصر الزناتي
كان يجلس الجميع يتناولون الغداء
محمد
فرح يونس و غزل بعد شهر انشاء الله .
علا
بالسرعة دي يا عمي و حضرتك كنت مأجله لبعد ما غزل تخلص جامعتها.
محمد
يونس طلب مني اني و جده عبدالرحمن انه يعجل الفرح و لما سألنا غزل مكانش عندها مشكلة تكمل باقي السنه دي و هي متجوزة.
عبير
ربنا يتمملك علي خير .
علا
الف مبروك ايوة أكده خلي الفرح يدخل البيت عقبال الباقي .
يونس
ربنا يخليكم يارب .
..و بعدها بدأ الجميع في تقديم التهنئة ل يونس و غزل اما يوسف و عزيزة و ابنائهم كانوا يستشيطوا ڠضبا..
بعد قليل في غرفة يونس .
كان يجلس يونس في غرفته وهو يشعر بفرحه عارمه عندما دق الباب و قبل أن يسأل من الطارق دلف علي و نوح .
يونس
خير يا شباب فيه حاجة.
علي
قولنا نقعدوا معاك و في اوضتك شوية كلها شهر و مش هنقدروا ندخلوها.
نوح بضحك
ممكن شهر وهو نفسه مش هيقدر يدخلها تاني .
علي
عندك حق يا نوح .
يونس
انتوا جايين تتسلوا عليه ولا ايه .
نوح و قد جلس
والله ايوة.
علي
و اني كمان .
و بعدها جلس هو الاخر
يونس وقد نظر الي نوح
والله بكره تبقي زيي يا نوح و نتسلوا عليك .
نوح و قد فهم مغزي يونس
والله شكلها إمطولة معايا.
يونس