رواية تقاليد العائلة بقلم داليا ناصر الأسيوطي

و لم ينتبه للذي يتحدث به
والله كانت هتطول معايا اني كمان بس لولا ما نفذت الي هي عايزاه.
علي و نوح مع
نفذت ايه.
يونس و قد أنتبه ل حديثة
منفذتش حاجة ده موضوع أكده.
علي
منفذتش ايه هو غزل عملت ايه .
نوح
بس اني فهمت غزل كانت ممكن متوافقش علي الجواز بالسرعة دي لو مكنتش رجعت القصر عشان أكده انت ارجعت .
يونس
بصراحه ايوة بس هي كانت هتقول ل جدي انها مش موافقة تتجوزني خالص لو مرجعتش القصر .
علي بإبتسامة
قوية غزل و انت ارجعت علي طول.
يونس
اني كنت عايز ارجع اتعودت انه نبقي اهنه لانه البعد عن العيلة مش زين و كنت محتاج دافع و هي عملت أكده.
نوح
اهم حاجة انك ارجعت و هنفرحوا بيك .
يونس
عقبالكم يا شباب .
نوح
امين يارب .
علي
اني مش بخطط للجواز دلوقيت عقبال نوح .
نوح
بكره نشوفوا يا نوح.
يونس
طيب يلا ننزلوا تحت عشان غزل جاية تشوف شوية حاجات في الاوضة تغيرها قبل الفرح و كمان هنام مع واحد منكم الشهر ده عشان الفرش اهنه هيتغير.
نوح
و تقولي عقبالك شوف نفسك حصل فيك ايه.
علي
لقد تم طرد يونس الزناتي بأمر من غزل الزناتي .
ابتسم ثلاثتهم و بعدها هبطوا للاسفل .
في غرفة سارة
كانت تجلس سارة و معها غزل و يتحدثون معا وسط مرح شديد .
سارة
غزل خلاص هتتجوزي و تهمليني.
غزل
اني قاعدة معاكم اهنه مش رايحه مكان .
سارة
اني عارفه أكده بس خلاص هتبدأى تهتمي ب يونس و تهمليني.
غزل
انتي بتغيري من يونس .
سارة
ايوة هياخدك مني .
غزل
كفاية غيرت ادم منه تبقوا انتوا الاتنين .
سارة
ادم عنده حق.
غزل بابتسامه
طيب اتصلي ب رحيق شوفيها وينها دلوقيت قوليلها مستنينك.
سارة
كلميها انتي .
غزل
تليفوني في اوضتي .
سارة
طيب .
و بعدها حدثت رحيق في الهاتف لمدة دقائق و أغلقت الهاتف .
غزل
قالتلك ايه .
سارة
خلاص عشر دقايق و توصل .
غزل
طيب تعالي ننزلوا نستنوها.
سارة
يعني هي أول مرة تجي اهنه و بعدين قولتلها تطلع اهنه بعد ما فايزة تفتحلها.
غزل
اصل امي و مرت عمي مفيش و الباقي كمان مفيش و خاېفة حد من عيال يوسف يضايقها.
سارة
مفيش حد يقدر يضايق رحيق و بعدين الكل مفيش بس فيه علي و نوح و يونس ولا انتي عايزه تنزلي عشان تشوفي سي يونس.
غزل
ما هو نوح مع يونس مش رايده تشوفيه.
سارة بإرتباك
لا و اشوفوا ليه.
غزل
خلاص خلينا قاعدين اهنه .
و بعدها ظل الاثنان في حالة صمت .
امام القصر .
بعدما توقفت رحيق بسيارتها و هبطت منها ذهبت الي باب القصر الداخلي و قبل أن تدق جرس الباب تفاجاة ب الباب ينفتح و يخرج منه يونس و نوح و علي .
يونس
رحيق و اني بقول الدنيا منورة ليه
رحيق
تسلم يا يونس و الف مبروك .
يونس
الله يبارك فيكي .
نوح
كيفيك يا رحيق و كيف الدكتور عزت عامل ايه .
رحيق
بخير و ابوي بخير.
نوح
غزل و سارة فوق اطلعيلهم.
رحيق حاضر .
و بعدها تركتهم و دلفت للداخل اما ثلاثتهم ذهبوا إلي حديقة القصر و لكن علي قد عاد ليأتي بهاتفه لانه تركه في غرفته.
في الداخل
بعدما دلفت رحيق الي داخل القصر لم تجد أحد و كانت سوف تصعد للاعلي و لكن اوقفها صوت .
زين
انتي مين .
رحيق
اني صحبة غزل و سارة .
زين بنظرات وقحة
انا زين يوسف الزناتي .
انتبهت رحيق لنظراته و بعدها انتبهت الي اسمه فهي تعرف من يكون هذا الشخص فهي اقرب الأشخاص ل غزل و سارة و تعلم الكثير لذلك لم تتحدث بشىء و تجاهلته و كانت سوف تصعد للاعلى و لكنه لحق بها بعدما صعدت عدت خطوات و امسك يدها ليمنعها من الصعود و كانت هناك عينين تراقبهم.
رحي
ايه الوقاحه دي سيب يدي .
زين وهو يحاول يقترب منها أكثر
و اذا مسبتهاش هيحصل...
و لم يكمل حديثة و كان قد بدأ يتلوي من الألم لان رحيق كانت امسكت ذراعة و لفته خلف ظهره.
رحيق
هيحصل أكده و بعدين ابقي اعرف انت بتكلم مين .
و في أقل من ثانية كانت اوقعته من فوق الدرج و تلوي من الألم.
في نفس الوقت اتي علي من الخارج
علي وهو ينظر الي زين بتشفي
حصل حاجة ولا اية.
رحيق
مفيش كان نازل نزله غلط و وقع .
و بعدها تركتهم و صعدت إلي غرفة سارة .
اما علي فقد نظر الي زين الملقى فوق الدرج و لم يتحدث بشىء و تركه و ذهب هو الاخر.

في المساء
في قصر الهواري.
كان يجلس الجميع معا
خاطر وهو يحدث اسماعيل
تقدر تبلغ الدكتور عزت انهم يقدروا يشرفونا في اي وقت عشان احمد يشوف ليلي و هي تشوفه.
اسماعيل
حاضر يا ابوي .
وليد
أحمد مين يا جدي.
خاطر
أحمد ولد الدكتور عزت النجار طلب يد ليلي بت عمك .
وليد
أحمد بقالي كتير مشوفتاش بس هو كان شاب زين و بعدها نظر الي ليلي و تحدث..... مبروك مقدما يا ليلي ربنا يتمملك علي خير .
ليلي ببعض الحزن
الله يبارك فيك عقبالك .
و بعدها اكمل الجميع الكثير من الأحاديث.

في قصر الزناتي .
بعدما تناول الجميع طعامهم .
كان يجلس عبدالرحمن و محمد في مضيفة القصر و كان يجلس معهم علي اما الباقي فمنهم من يجلس في القصر و منهم من يجلس في غرفته.
كان جو القصر هادئ جدا عندما خرج محمد و عبدالرحمن و معهم علي و وجوههم يظهر عليها الڠضب الشديد وصوت محمد الذي بدأ ينادي باسم زين بصوت مرتفع جدا و غاضب .
يوسف
خير يا ابوي ماله زين .
محمد پغضب
وين ولدك .
كان يوسف سوف يتحدث ولكن قاطعه صوت ابنه الذي هبط من الأعلي بعدما تجمع الجميع علي صوت محمد المرتفع .
زين بعد ما توقف أمام محمد مباشرتا
ايوة يا جدو .
اما محمد لم يتحدث بشئ و لكنه قام بصڤعة بشدة جعله كاد أن يسقط فوق الارض.
هنا نظر الجميع للذي حدث پصدمه كبيرة .
يوسف
ايه الي حصل يا ابوي.
عبد الرحمن
ولدك قليل الرباية.
محمد
ولدك كيف يتعرض لبت و المصېبة الكبيرة و هي في بيتنا و يمسكها من يدها كمان كيف يعمل أكده قليل الرباية بس اني هستغرب ليه هيجيبوا من بره ما هو ولد يوسف و عزيزة .
علي پغضب
بت مين دي يا ابوي .
محمد
بت الدكتور عزت النجار .
نظرت غزل إلي سارة پصدمة هم يتحدثون عن رحيق و هم لا يعلمون ماذا حدث .
عبدالرحمن
مش مهم بت مين طباعنا في الصعيد انه لو بت عدوك و غريمك تحميها و تحافظ علي شرفها لكن ولدك قليل الرباية و لازم يتعاقب عشان يعرف الصوح من الغلط و ميكرراش تاني.
محمد
العربية هتتشال منك و المصروف كمان و كل يوم بعد الجامعة تنزل تشتغل في الأرض زيك زي الناس الي بتشتغل فيها و اليوم الي مفيش فيه جامعة تروح الأرض من الفجر و لو فيه يوم عدا من غير ما تروح الأرض مفيش مصروف تاخده .
يوسف
امرك يا ابوي .
و بعدها ذهب محمد و عبدالرحمن و علي و احمد و زوجاتهم الي غرفهم. و ظل الباقي ينظر له .
علي بإبتسامه جانبية
ابقي اتعلم تنزل من علي السلم زين يا جدو.
هنا علم جميع الشباب و غزل و سارة ان علي خلف الذي حدث وهو الذي رأه و بعدها ذهب الجميع و لم يبقي الا يوسف و ابنه و زوجته.
يوسف وهو يحدث ابنه
مش قادر تلم نفسك اهو جدك حطك في دماغه شوف الي هيحصلك بعد أكده و خد بالك هتبقي مراقب .
بعد مرور ثلاثة أيام بدون شىء يذكر .
في حديقة قصر الزناتي كانت تجلس غزل و سارة و معهم رحيق .
غزل
وينك يا رحيق بقالك يومين مش ظاهرة .
رحيق
أحمد اخوي جه من السفر أولة عشيه و بكره ابوي و جدي عاملين ليلة عشان رجعته و تخرجه.
غزل
الحمدلله علي رجعته بالسلامه.
سارة
الحمدلله علي سلامته مسافر بقاله كتير اخوكي صح.
رحيق
بقاله ٩ سنين اتبسطنا قوي برجعته و كمان هيتجوز.
غزل
الف مبروك .
سارة
ربنا يتممله علي خير .
رحيق
الله يبارك فيكم يارب لسه هيشوف العروسة بعد بكرة تبقي ليلي بت عمتي .
سارة
ليلي حلوه و هتعجبه.
رحيق
انشاء الله.
غزل
اني كنت رايده أسألك صوح ايه الي عمله زين آخر مرة كنتي اهنه .
رحيق
مكنتش رايده اكبر الموضوع بس عرفتوا من وين اني مقولتش لحد .
سارة
علي اخوي هو الي قال ل جدي عبدالرحمن و جدي محمد ضړب زين .
رحيق
علي شافه بعد ما الموضوع اخلص .
سارة لا علي شاف كل حاجة بس مرضيش يخليكي تشوفيه عشان متتحرجيش.
رحيق
طيب .
و بعدها اكملوا جلستهم و هم يتحدثون في بعض الأمور المختلفة.
في صباح اليوم التالي

في قصر الزناتي.
بعدما تناول الجميع طعامهم منهم من ذهب الي عمله و منهم من ذهب الي الخارج و منهم من ظل في المنزل .
عندما كانت تهبط سارة و معها غزل من الأعلي ليذهبوا الي الجامعة اوقفهم صوت .
زين
غزل.
التفتت اليه غزل و لم تتحدث.
زين
انا و يارا رايحين الجامعة لو انتوا كمان رايحين خلينا نروح مع بعض .
غزل
كويس انك ذكرت كلمة الجامعة قدامي اني عرفت انك انت بالذات في نفس القسم و المدرج بتاعي إياك حد يعرف إني ليه معرفه بيك لانه عار انك تكون من العيلة دي اساسا او يكون اسمكم علي اسمنا جدي اعترف بيكم بس اني لا.
سارة وهي تحدث يارا
و انتي التانيه البسي لبس حشم و حطي حجاب فوق شعرك ده.
و بعدها ذهبت سارة و غزل إلي وجهتهم و تركوهم يستشيطوا ڠضبا.
في حديقة القصر .
كان يجلس محمد و معه عبدالرحمن و اتي إليهم نوح و جلس معهم.
نوح
اني كنت رايد اتكلم معاكم في موضوع أكده.
عبدالرحمن
خير .
نوح
أولاد يوسف.
محمد
مالهم عملوا حاجة جديدة تاني!
نوح
لبس البنات مش زين لا اني ولا باقي الشباب واخدين راحتنا في البيت و ياريت وقفت علي البيت بس اني مش عارف ليه مش واخدين بالكم انهم بيلبسوا لبس قليل حيه و كمان شعرهم مكشوف اني مش عايز الناس تتكلم علينا عيلة الزناتي طول عمرها راسها فوق قوي.
محمد
عندك حق يا ولدي النهاردة هتكلم معاهم و هخلي حد من الحريم يعلمهم يلبسوا حشم و حتي امهم محتاجة تتعلم اكده.
عبدالرحمن وهو يحدث نوح
و اني رايدك انت تخلي