رواية دنيتي إتغيرت كاملة بقلم مروة tweety

سى السيد قلبتى فجأه ليه.. هما 5 دقايق مش هطول و مش هدخل. هشوفك بس من على الباب و هنتكلم. و بعدين انا جوزك مش ابن الجيران.
كندا طيب و لو الخاله روعه صحيت.
مازن عادى يعنى مفيهاش حاجه و بعدين مټخافيش مش هتصحى عشان كدا بقولك أفتحى الباب من غير ما ارن الجرس.
كندا مش عارفه بس لو صحيت هيبقى شكلنا وحش.
مازن و لو فضلنا نتكلم كدا هيجيلى إلتهاب رئوى من الوقفه فى البرد.
كندا أيه دا هو انت جيت
مازن امال هسيبك تفتحى الباب و تقفى كدا و انا مش بره.. ياللا بقى تعالى بسرعه.
كندا اوكى.. باى.
مازن باى.
اغلقت هاتفها و خرجت من غرفتها على أطراف أصابعها بهدوء شديد و فتحت له الباب.
ما أن رأها حتى إقترب منها و أحتضنها بشوق كبير.
مازن يعنى مش حرام نفضل أسبوع بعيد عن بعض.
كندا معلش عشان تكون الشقه خلصت.
مازن دا انا اللى هكون خلصت نفسى تفضلى فى حضنى كدا على طول.
كندا حضنك بيحسسنى بأمان محستهوش قبل كدا و بينسينى الخۏف.
مازن خلاص مش عاوز اسمع منك كلمة خوف تانى. طول ما انا جنبك مش هخليكى تحسى بأى خوف.
كندا ربنا يخليك ليا.
مازن يااااه.. لما ربنا بيهديكى كدا و تبطلى الكسوف.
ضحكت و خبطته برقه على كتفه.
مازن بحبك.
كندا بحبك.
ابعدها قليلا عنه و امسك بوجهها بين يديه بحيث اصبح قريبا من وجهه و أخذ ينظر فى عينيها بحب كبير.
مازن قوليها تانى عاوز اسمعها منك و أشوفها فى عينيكى.
كندا بخجل خلاص بقى.
مازن عشان خاطرى.
كندا و عيونها تحمل حبا كبيرا بحبك. ياللا بقى بطل دلع و روح قبل ما حد يشوفنا.
مازن حاضر يا روحى.
تركها ليعود إلى منزله. أغلقت الباب و عادت إلى غرفتها لتسترجع لحظاتها معه لتضحك على نفسها و كيف أستطاع مازن أن يجعلها تكسر الكثير من القيود التى وضعتها على مر السنين.
الفصل الخامس و العشرون
استيقظت كندا صباحا على تليفون مازن.
كندا بصوت ناعس ألو
مازن صباح الورد يا حبيبتى.
كندا مبتسمه صباح الخير يا مازن. هى الساعه كام
مازن الساعه 10.
كندا يااااه.. أنا إتأخرت و مقومتش اساعد الخاله روعه. دى زمانها صاحيه من 8 بتحضر الحاجه بتاعت المحل.
مازن محل أيه النهارده إنتى نسيتى اتفاقنا امبارح.
كندا لا منسيتش و لا حاجه شويه و هعدى عليك أتكلم مع المهندس صاحبك و بعدين أروح المحل.
مازن ما بلاش المحل النهارده.
كندا و الطلبيات اللى الناس عملاها.
مازن خلاص لما تيجى نتكلم.
كندا أوكى.
مازن متتأخريش.
كندا حاضر.
مازن باى يا روحى.
كندا باى.
خرجت كندا من غرفتها لتجد الخاله روعه فى المطبخ تحضر طلبيات المحل كما توقعت. دخلت كندا و قبلتها قائلة صباح الخير.
الخاله روعه صباح الخير. شو شكلك سهرتى امبارح.
كندا اه سهرت شويه.
الخاله روعه اي اكيد مازن.
كندا بخجل اه هو كان بيكلمنى فى التليفون و طول.
الخاله روعه و لشو خجلانه.. هاد جوزك.
كندا طيب صحيح النهارده جاى المهندس اللى هيوضبلنا الشقه و مازن كان عاوزنى اعدى عليه عشان افهم المهندس ايه اللى عاوزاه يعمله فى الشقه.
الخاله روعه أيه و شو عليه روحى.. أنا بس بعمل هيك تجننه لمازن. بدى أياه يكون مشتاقلك أكتر تتحسى بحبه إلك و لهفته يوم ما تروحى عبيته.. فهمتى عليي.
كندا بإبتسامة حب فهمت.. ربنا يخليكى ليا.
الخاله روعه و يخليلى اياكى يا قلبى. هلأ فوتى جهزى حالك و أمرئى عمازن قبل المحل.
كندا طيب اساعدك الأول شويه.
الخاله روعه لا حياتى انتى ما إلك دخل بها التحضيرات و بس فكرى بحالك عروستنا و اليوم أخر يوم بتروحى عالمحل تحتى يخلص شهر العسل.
كندا ياااااه شهر بحاله.
الخاله روعه أي حبيبتى شهر.. حقك تفرحى.
ابتسمت كندا و ضمت الخاله روعه ثم اتجهت لغرفتها لتجهز نفسها لتذهب لشقة مازن.
ذهبت لشقة مازن لتجد ان صديقه مهندس الديكور لم يصل بعد. دخلت متسائلة هو فين صاحبك
مازن على وصول خلاص.
كندا طيب طالما لسه مجاش استعجلتنى ليه
مازن مټخافيش مش هخطفك.
كندا مش قصدى بس كنت قعدت ساعدت الخاله روعه.
مازن و الزعل واضح على ملامحه معلش مفيهاش حاجه لو قعدتى مع جوزك شويه.
ابتسمت كندا بحب قائلة لا طبعا مفيهاش حاجه انا بس صعبانه عليا الخاله روعه شايله كل حاجه عنى عشان عاوزانى ارتاح و اجهز نفسى عشان الخميس الجاى.
مازن بإبتسامه خبيثه أيواااااا.. أهم حاجه تركزيلى الخميس الجاى.
حاولت كندا ان تغير الموضوع قائلة طيب مقولتليش مفكر فى أيه عشان توضيب الشقه.
مازن بصى انا فكرت بشكل عام.. يعنى الأوضه بتاعتى هتبقى اوضتنا انا و انتى و الأوضه اللى كنتى بتنامى فيها انتى و عمرو هتبقى لعمرو و لأخوه أو أخته بعد كدا.
كندا اخوه أو اخته كمان
مازن اه طبعا و بتضحكى ليه. احنا لازم ان شاء الله نجيبه اخ أو اخت بسرعه.
فى هذه اللحظه رن جرس الباب فذهب مازن ليفتح الباب فإذا بصديقة حسام مهندس الديكور يدخل.
حسام هو شاب وسيم فى اواخر العشرينات طويل و رياضى الجسم.
مازن اهلا حسام اتفضل.
دخلا سويا و توجهها إلى الريسيبشن حيث توجد كندا.
مازن تعالى اعرفك على كندا مراتى.
حسام أهلا كندا.. ما شاء الله يا مازن ذوقك رائع.
مازن بغيظ دا بقى حسام صاحبى المهندس اللى هيعملنا الشقه.
كندا أهلا يا استاذ حسام.
حسام مبتسما أستاذ ايه بس.. قوليلى حسام على طول بلاش العقد دى.
كندا أوكى يا حسام.
ڠضب مازن كثيرا من طريقة حسام فحسام معروف بعلاقاته الكثيره مع البنات و لاحظ نظرات اعجابه بكندا.
مازن حسام يا ريت تورى كندا بسرعه الكتالوجات اللى عاوز تفرجها عليها عشان هى مستعجله عشان عندها شغل.
كندا فى ايه يا مازن مش للدرجه دى يعنى و بعدين مش نقدم حاجه لحسام يشربها الاول.
حسام شكل مازن قاعدته هنا نسته واجب الضيافه.
مازن لأ منسيتش و لا حاجه. هجيبلك حاجه ساقعه تشربها على ما تجهز الكتالوجات.
وجه مازن كلامه لكندا قائلا كندا تعالى معايا ثوانى.
ذهبت مع مازن للمطبخ.
مازن بقولك ايه تشوفى الكتالوجات بسرعه و تتوكلى على الله تروحى على شغلك.
كندا سبحان الله مش انت اللى كنت لسه بتقولى من شويه أقعد مع جوزى دلوقتى بقيت عاوزنى اروح على شغلى بسرعه.
مازن معلش عشان متتأخريش.
كندا متقلقش مش هتاخر و لا حاجه لسه الخاله روعه بتحضر الطلبيات.
مازن طيب قفلى مع حسام فى الكلام.
كندا بإستغراب اشمعنى
مازن عشان دا صاحبى و انا عارفه بصباص.
كندا اهااااااااااا.. قول بقى انك غيران.
اقترب منها مازن لتلقى عيناهما ووضع يده برقه على خدها مداعبا اياه.
مازن بهمس طبعا بغير مش مراتى حبيبتى.
كندا بس انت المفروض تكون واثق فيا و عارف انى استحاله هديله فرصه.
مازن اكيد واثق فيكى بس دا صاحبى و انا فاهمه كويس.
كندا خلاص هقعد جنبك و هختار بسرعه و امشى على طول.
مازن هى دى مراتى حبيبتى اللى بتريح قلبى.
كندا طيب ياللا عشان نخلص الموضوع دا بسرعه.
ابتسمت كندا و خرجت فتبعها مازن.
قدمت كندا لحسام كوبا من المياه الغازيه ثم جلست بجوار مازن على الكنبه و اخذت الكتالوجات من حسام ليختارا سويا ما يرغبا فيه لمنزلهما.
بعد الإنتهاء من تحديد ما يحتاجان وقفت كندا قائلة انا بقى لازم استاذن دلوقتى عشان عندى شغل.
حسام بس هنستناكى كل يوم تيجى تتابعى التجديدات و التوضيبات.
كندا موجهة كلامها لمازن انت عارف يا حبيبى انى الفتره اللى جايه هبقى مشغوله فى التحضيرات عشان يوم الخميس الجاى فإنت بقى اللى هتتعب فى متابعة الشقه.
فرح مازن من تصرفها لأنه فهم انها تراضيه بهذا التصرف و تعطى حسام درسا.
مازن متحمليش هم حاجه يا روحى. المهم بس يوم الخميس الجاى تبقى احلى عروسه فى الدنيا.
كندا اتبسطت انى اتعرفت عليك يا باشمهندس. بعد إذنكم.
اوصلها مازن لباب الشقه و عندما بعدا عن أنظار حسام ضمھا اليه بقوة قائلا بحبك.
كندا و أنا كمان.
مازن هخلص مع البيه اللى جوا و أعدى عليكم تكوني رجعتى.
كندا هستناك.
رواية دنيتي إتغيرت.
بقلم مروة tweety
الفصل السادس و العشرون
وصل مازن إلى منزل الخاله روعه فى السابعه مساءا و كانوا ثلاثتهم فى استقباله. دخل و أجلس عمرو على رجله.
مازن حسام لسه ماشى من شويه صغيرين و اتفق معايا انه هيسلمنى الشقه خالصه تماما يوم الأربعاء بليل ان شاء الله.
الخاله روعه انشالله.. و نحنا كمان رحنا عالسوق اليوم و اشترينا اشيا كتير و يومين بنكون خلصنا كل شي بتحتاجه كندا.
مازن طيب تمام.. انتوا مش محتاجين منى أى حاجه.
الخاله روعه لا يا ابنى اى شي بتحتاجه كندا انا بجيبهولها.
كندا ربنا يخليكى ليا.. أنا عارفه انى تقلت عليكى كتير و شيلتك حملى.
الخاله روعه ما تقولى هيك انتى متل بنتى و ما بتخرجى من بيتى غير اجمل عروس.. بوكره مننزل تنشترى بدلة العرس.
مازن بدلتى يعنى
الخاله روعه لا بقصد فستان العروس.. انت بتجيب لحالك البدله تبعك.
مازن خلاص بعتينى انا عارف.
الخاله روعه ما شالله عليك رجال بتسد عين الشمس مانك محتاج شي.
مازن ماشى .. المهم بس يوم الخميس تبقى كل حاجه تمام.
كندا ان شاء الله كل حاجه هتبقى تمام.. احنا مجهزين لكل حاجه.
الخاله روعه مازن.. بدنا نعمل حفله صغيره.. عندى هون بالشقه و بنعزم كل اللى بنعرفهم هون.
كندا و ايه لازمتها الحفله بس كفايه احنا هنا بيننا و بين بعض.
الخاله روعه ما دخلكون انا بدى إفرح فيكون.
مازن أنا معنديش مشكله.. و اهو على الأقل الناس تشوف البدله.
ضحكا كندا و الخاله روعه على تعليق مازن.
مازن اللى يريح كندا و يبسطها اعملوه و انا موافق عليه.
الخاله روعه الله يرضى عليك يا ابنى.
مازن ياللا بقى انا لازم اقوم دلوقتى لأنى بصراحه مرهق جدا و يا دوب أروح انام عشان عندى شغل من بدرى و هما ناويين يهلكونى فى الشغل الاسبوع دا عشان يوافقولى على الاسبوعين الاجازه اللى طلبتهم.
كندا ربنا معاك.
مازن طيب ايه مش ناويه توصلينى للباب.
هزت كندا رأسها و ابتسمت قائله حاضر.
ترك مازن عمرو مع الخاله روعه بالداخل و توجهها إلى الباب حيث اصبحا بعيدين عنهما.
مازن وحشتينى و مش عارف هقضى الكام يوم دول ازاى.
كندا بطل بكش لحقت أوحشك.
مازن يعنى انا موحشتكيش
كندا يعنى.
مازن بقى كدا.. طيب استحملى بقى اللى هيجرالك.
و اقترب منها ليحيطها بزراعيه و يقربها بشدة إليه.
كندا بطل جنان الخاله روعه و عمرو جوه و ممكن أى حد فيهم ييجى دلوقتى.
مازن اللى يجى يجى و بعدين انتى اللى جيبتيه لنفسك.
كندا خلاص مصدقه انى وحشتك و انت كمان وحشتنى بس سيبنى و بلاش فضايح.
مازن فضايح ايه انتى مراتى و من حقى اعمل اللى انا عاوزه وقت ما انا عاوز.
كندا لا مش دلوقتى بعد الفرح.
مازن أنا بحبك أوى و بجد مش عارف كنت هعمل ايه لو ما قابلتكيش.. انا عيشت حياتى كلها فى رتابه