رواية دنيتي إتغيرت كاملة بقلم مروة tweety

عمرو يتبادلان نظرات التنافس. كانت كندا تلاحظ نظراتهما فى صمت و شعرت بحيرة كبيره فهى تتفهم موقف عمرو فهو طفل صغير متعلق بأمه و لكن مازن كيف أصبح عقله صغيرا إلى هذا الحد.
رواية دنيتي إتغيرت.
بقلم مروة tweety
الفصل الثلاثون
كانت كندا تشعر بحزن شديد بداخلها لموقف عمرو من مازن و خصوصا ان مازن تاثر كثيرا فهى تعلم ان حق زوجها عليها ان يتمتع بقربها منه و خصوصا ان مازن لم يعش مثل هذه المشاعر من قبل هى كانت متزوجه من قبل لكن مازن لم يجرب هذا النوع من العلاقه الزوجيه من قبل. تمنت
كندا ان تستطيع حل سوء التفاهم بين اقرب اثنين على قلبها و لكن نظرات كل منهما للاخر طوال اليوم كانت تقلقها. تمنت لو تتحدث مع الخاله روعه فربما تستطيع هذه السيده الحكيمه ان تساعدها و لكن الليله عليها ان تتصرف بمفردها فى هذه المشكله حتى تستطيع غدا التحدث مع الخاله روعه.
كانت الساعه العاشرة مساءا عندما قررت ان تبدأ محاولاتها مع عمرو لكى ينام. كان هو و مازن يشاهدان التليفزيون فى الريسيبشن و كلا منهما يفكر كيف يتخلص من الأخر ليلا و يجعلها تنام بجانبه.
كندا عموره حبيبى ياللا عشان ننام.
عمرو عاوز اتفرج على التليفزيون.
كندا لا يا حبيبى كفايه كدا انت شطور و لازم تنام بدرى.
كان مازن يتابع الحوار و يريد ان يعرف ماذا سيحدث.
استسلم عمرو لرغبة والدته و ذهب معها لغرفته كى ينام. وضعته فى الفراش و بدأت تحكى له قصه و تلعب بشعره كى ينام لكن عمرو لم ينم بسهوله كما اعتادت منه و ظل فاتحا عينيه و يطلب منها القصه تلو الأخرى. مر حوالى ساعه و لم تخرج كندا من غرفة عمرو بدأ مازن يشعر بالقلق و دخل غرفة عمرو.
مازن بصوت واطى ايه لسه منمش
كندا بهمس لا لسه و لو سمحت لو عاوزه ينام على طول اخرج و متحسسهوش بوجودك عشان ميعندش.
خرج مازن لكنه كان يعود كل حوالى 5 دقائق حتى يطمئن ما إذا كان عمرو نام أم لا.
بعد حوالى نصف ساعه أخرى استسلم عمرو للنوم فتحركت كندا بهدوء و تركته و خرجت لمازن فى الريسيبشن.
مازن ها.. خلاص.
ضحكت كندا على الطفل الكبير الذى امامها.
كندا اه خلاص.
نهض مازن و امسك بيدها و حركها معه إلى غرفتهما و أغلق الباب.
مازن تعالى عشان انا خلاص جبت اخرى.
كندا حرام عليك بقى متزودش الموضوع.
مازن مزودش ايه دا انا اټجننت النهارده.. انا مش عارف اقعد معاكى لواحدنا خالص.
كندا بعتاب انت زهقت من عمرو بالسرعه دى
اقترب مازن منها واضعا يده بحنان على خدها و بدأ يداعبه برقه.
مازن لا يا روحى و انتى عارفه كويس جدا انى بحبه و عمرى مبزهق منه. عمرو إبنى بس المشكله انه بيعاملنى كأنه جوزك هو كمان.
لم تتمالك كندا نفسها من الضحك على زوجها.
مازن پغضب بطلى تضحكى طول اليوم بتضحكى على كلامى انتى شايفه اراجوز قدامك.
كندا أصل انت بجد غريب يعنى مينفعش خالص انك تغير من عمرو.
مازن لا طبعا ينفع لإنك طول اليوم شايلاه و بتحضنيه و تبوسيه و انا راميانى.
كندا ضاحكه معلش اصلك تقيل عليا مش هقدر أشيلك.
ڠضب منها مازن و ذهب ليجلس على السرير. أحست كندا انها زودت المزاح معه فتوجهت إليه و جلست بجواره و أدارت وجهه إليها.
كندا أنا اسفه بس انت لو فكرت شويه هتلاقى انى اكتر واحده مظلومه فى الموضوع دا و بحاول ارضيكم انتم الاتنين.. و بعدين احنا هنضيع وقتنا فى العتاب و لا أيه.. انا ما صدقت اعرف ابقى لواحدى مع جوزى حبيبى.
اقتربت منه
فرح مازن لتصرفها و احتضنها.
مازن ربنا ميحرمنيش منك.
كندا و ميحرمنيش منك يا حبيبى.
لم تمر الا ثوان و إذا بهما يسمعا دقات خفيفة على باب حجرتهما.
ابتعدت كندا عنه و فتحت الباب لتجد عمرو واقفا امامها باكيا.
حملت عمرو و قربته إلى صدرها و أخذت تقبله و تمسح دموعه.
كندا أيه يا قلب ماما بټعيط كدا ليه.
عمرو انا خۏفت انام لواحدى و انتى سيبتينى
و أخذ يضرب امه بيده الصغيره برقه على كتفها.
كندا متعيطش يا حبيبى انا اسفه.
كان مازن يراقب ما يحدث بين عمرو و كندا و الڠضب يزداد بداخله.
عمرو انا عاوز انام معاكى.
نظرت كندا لمازن بترجى فأشار لها ان تحضر عمرو لينام بجوارهما. دخلت كندا سريرها و فى حضنها عمرو لتنام فى الوسط بين مازن و عمرو و اعطت ظهرها لمازن و حضنت عمرو لتنيمه.
كان مازن جالسا على السرير ينظر لهما.
بسرعه نام عمرو فى حضڼ والدته بمجرد ان إطمئن انها لن تتركه و لن تأخذه إلى غرفته.
بعد قليل ادرك مازن أن عمرو نام. فنام فى السرير بقرب كندا
الفصل الحادى و الثلاثون
استيقظت كندا صباحا لتجد نفسها مازالت تنام فى الوسط بين مازن و عمرو و الاثنان متشبثان بها. تنهدت كندا بقوه و حاولت رفع يدهما عنها لتقوم فإستيقظ مازن من حركتها.
مازن ايه انتى رايحه فين
كندا قايمه
مازن لأ خليكى نايمه جنبى لسه بدرى.
كندا لا انا عاوزه اقوم.
مازن انتى زعلانه منى.
كندا لا مش زعلانه من حد بس عاوزه اروح للخاله روعه شويه.
مازن طيب استنى أقوم انا كمان معاكى و نصحى عمرو و نروح كلنا.
كندا لا .. انت و عمرو هتفضلوا هنا مع بعض و انا رايحه لواحدى خالص.
مازن كندا فى أيه
كندا مفيش حاجه بس عاوزه اروح لواحدى.
مازن خلاص انتى حره.. بس ليه طريقتك غريبه دا انتى حتى مصبحتيش عليا.
كندا مبتسمة انا اسفه.. صباح الخير.
مازن صباح الورد يا عيونى.
كندا ضاحكه خلاص صبحنا الحمد لله.. انا هقوم بقى اروح عند الخاله روعه.
و تركت مازن لحيرته من اصرارها على الذهاب للخاله روعه.
جهزت كندا نفسها و ذهبت لشقة الخاله روعه التى استقبلتها بفرحة و ترحيب كبيرين.
الخاله روعه يا قلبى.. اشتقت لحكياتنا سوا.. كنتى عطول بتيجى مع مازن تتشوفوا عمرو وقت كان معى و ما عرفت احكى معك متل ما بدى.. احكينى كيفه الزواج معك.
كندا مبتسمه حاسه انى اول مره اتجوز و مع مازن بحس بإحساس تانى.. هو بيحبنى اوى و حاسه انى سعيده معاه بس للأسف فى مشكله مش عارفه احلها ازاى و جيتلك يمكن تقدرى تساعدينى و تقترحي عليا اعمل ايه.
الخاله روعه خير حبيبتى.. احكى شو ما بدك.
كندا عمرو و مازن.
الخاله روعه يقبروا قلبى شو بهن.
كندا الاتنين غيرانين عليا من بعض و بيعندوا مع بعض فى كل حاجه تخصنى رغم انهم بيحبوا بعض جدا و انتى عارفه دا كويس بس دلوقتى كل واحد حاسس ان التانى بيلهينى عنه.. طيب عمرو طفل صغير لكن مازن المفروض يبقى مخه اكبر من كدا شويه.. لكن دا بقى عامل زى البيبى الصغير هو كمان.. و طول الوقت الاتنين بيعندوا مع بعض.. امبارح جننونى بجد.. كنت حاسه انى مدرسه فى فصل فى حضانة اطفال.
لم تستطع الخاله روعه منع نفسها عن الضحك فإنفجرت فى الضحك قائلة يا حياتى الرجال متل الطفل لهيك بدك تعودى حالك ان معك طفلين بدك تعرفى كيف تتعاملى معن و تخليهن يبحوا بعضن.
كندا انا مرضيتش ان حد منهم يجى معايا و قولت اسيبهم مع بعض شويه حتى محضرتلهمش الفطار قولت يتصرفوا سوا زى ما كانوا قبل كدا.
الخاله روعه أى هيك كتير منيح.. بس انتى بدك تحكى مع عمرو و تحاولى تفهميه انه مازن ما بدو ياخدك منه و تفهميه شو معنى انه مازن صار زوجك لكن لحالكن ما تخبريه و هو مازن معكن حتى ما يتحسس منه.
كندا طيب و مازن أعمل ايه معاه
الخاله روعه يا قلبى اعرفى كيف تلعبى
براسه لزوجك.. اتغنجى عليه و قوليله كرمالى اتحمله لعمرو و حسسه بحبك و قربه لإلك.. يعنى هيك إشيا.. انا فينى احكيه لكن ما بدى يحس انى بتدخل بكل صغيره و كبيره بحياتكن.
كندا عندك حق و الله.. انا دلوقتى لازم اقوم اروح للمجانين اللى عندى فى البيت اشوف عملوا ايه فى بعض.
الخاله روعه هههه الله معك يا قلبى.
تركت كندا منزل الخاله روعه لتذهب لمنزلها دخلت لتجد عمرو يجلس على رجل مازن فى حضنه يشاهدا التليفزيون و يضحكا على الكرتون. استغربت كندا جدا مما رأت فلم يلاحظا حتى دخولها.
كندا عاملين ايه مع بعض
اول ما احسا بها وقفا الاثنان معا. رمى عمرو نفسه على والدته فحملته و اخذ يحضنها و يقبلها.
عمرو كنتى فين
كندا كنت عند تيته روعه. انتوا بقى عملتوا ايه
مازن بعد ما مشيتى على طول صحى عمرو فغيرنا هدومنا و فوقنا و بعدين حضرت الفطار و فطرنا.. انتى مفطرتيش صح
كندا اه هعمل اى سندوتش دلوقتى و خلاص.
مازن اوكى يا روحى.
كندا مازن تعالى معايا طيب و انا رايحه المطبخ.. و انت يا عموره اقعد كمل الكرتون على ما اعملك عصير و اجى.
دخلا المطبخ فإحتضنته كندا و قبلته برقة على خده ثم ابعدت جسدها عنه قليلا لتستطيع رؤية وجهه و هى تحدثه.
كندا حبيبى انا عارفه ان انت اتضايقت امبارح و عارفه ان عمرو زودها شويه بس كمان انا متاكده انه بيحبك اوى.
مازن و انا كمان بحبه اوى و نفسى ياخد بقى على الوضع الجديد.
كندا انا عارفه و متاكده من دا و انا هقعد اتكلم معاه كمان شويه و افهمه لإن احنا لازم نؤهله نفسيا انه يفهم دا لإن هو اصلا مش فاهم حاجه فطبيعى تصرفاته تبقى غريبه.
مازن خلاص نتكلم معاه و نفهمه.
كندا معلش يا حبيبى خلينى انا اتكلم معاه لواحدى احسن.
مازن مبتسما أوكى مفيش مشكله.
كندا طيب خلاص اخرج انت بقى اقعد مع عمرو و انا هعمل لنفسى ساندوتش و اجيب عصير نشربه كلنا و متخافش ان شاء الله هحل الموضوع دا مع عمرو النهارده.
مازن ان شاء الله يا حبيبتى.
خرج مازن ليجلس مع عمرو و بعد قليل لحقت كندا بهم ليشاهدوا التليفزيون سويا و يشربوا العصير.
بعدما انتهت حلقة الكرتون تحدثت كندا إلى عمرو قائلة عموره حبيبى تعالى ندخل نلعب سوا فى أوضتك شويه.
عمرو مازن تعالى العب معايا انت كمان.
كندا لا انا و انت هنلعب لواحدنا عشان مازن هيخرج يشترى حاجات.
مازن انا فعلا لازم انزل اشترى شوية حاجات.
كندا بس متتأخرش.
مازن لا مش هتاخر يا روحى.
الفصل الثانى و الثلاثون
ذهبت كندا مع عمرو إلى غرفته و بدأت التحدث معه.
كندا عموره حياتى انت بتحب مازن و لا لا
عمرو اه بحبه.. احنا لعبنا النهارده انا و مازن و اتفرجنا على الكرتون.
كندا ياااه بجد عملتوا كل دا.
عمرو اه
كندا و كنت مبسوط معاه.
عمرو اه اتبسطت اوى.
كندا طيب انت