رواية دنيتي إتغيرت كاملة بقلم مروة tweety

لمازن بخبث و نظرة ذات مغذى فهمها مازن مباشرة.
الخاله روعه محدثة مازن شو يا مازن ما عرفتنا على الصبيه الحلوه
مازن دى كندا قريبتى و دا عمرو ابنها.
الخاله روعه و هى تسلم عليها اهلين يا بنتى. انا خاله روعه جارته لمازن و مثل إمه.
كندا مبتسمه اهلا خاله
خاله روعه شو حبيبتى انتى هون لحالك و لا معك جوزك
كندا بحزن لا انا هنا لواحدى. جوزى الله يرحمه.
شعرت الخاله روعه بالحزن و الشفقه على حال هذه الشابه الصغيره و التى ترملت مبكرا و احتضنتها.
الخاله روعه اسفه يا قلبى. يا حياتى شو مسكينه.
حضڼ هذه السيدة الطيبه جعل عيون كندا تمتلأ بالدموع رغما عنها فمنذ فترة طويله لم تشعر بهذا الحب و الحنان فقد ذكرتها الخاله روعه بحنان جدتها.
الخاله روعه لشو يا قلبى هالدموع
كندا تمسح دموعها حضنك فكرنى بتيته الله يرحمها هى اللى ربتنى و كانت زى أمى.
الخاله روعه يا قلبى مبين عليكى عانيتى كتير بحياتك.
كان مازن يراقب الموقف و شعر انه لابد ان يتدخل و يقطع هذا الموقف الذى يسوده الحزن فإنتبه لعلبة تحملها الخاله روعه فى يدها.
مازن ايه يا خاله اللى فى ايدك دا انتى جايبالى ايه معاكى.
الخاله روعه مبتسمه اليوم سويت يبرق و عارفتك بتحبه فقولت لحالى بجيبلك منه.
مازن يقبل يدها ربنا يخليكى ليا. انتى اللى فاهمانى. ما قولتلك يا قمر نتجوز و اجددلك شبابك.
مازن طيب ايه مش هتدينى ورق العنب و لا رجعتى فى كلامك.
الخاله روعه لا ما رجعت بشى. لكن هلأ انت عندك صبيه حلوه و لازم تجربه قبلك. هات الصحون مشان ناكل سوا. و انا بدى اتعرف على هاد الصغير الحلو.
حملت عمرو و بدأت تقبله و تحدثه.
الخاله روعه تؤبر قلبى شو كربوج. الله يخليلك أياه يا بنتى.
كندا الله يخليكى يا خاله.
الخاله روعه حبيبتى من هلأ بتعتبرينى متل أمك و بيننا كلام كتير بس لحالنا.
ابتسمت كندا ممتنه لهذه السيده الطيبه.
احضر مازن الأطباق و جهزوا السفره و تناولوا الطعام برفقة الخاله روعه.
بعد الانتهاء من الطعام توجهت كندا لمازن بالكلام.
كندا فى شاى هنا يا مازن
مازن ضاحكا اكيد طبعا احنا اه فى لندن بس عمرنا ما تخلينا عن الطقوس المصريه و لازم الشاى بعد الغداء.
كندا مبتسمه خلاص انا هروق السفره و اعمل الشاى و انتوا روحوا اقعدوا فى الريسيبشن بس بليز ممكن تخلوا بالكم من عمرو عشان ميلخمنيش.
الخاله روعه بعيونا حبيبتى.
و ذهبت الخاله روعه و مازن و معهما عمرو للريسيبشن و بدأ حوار هامس بين الخاله روعه و مازن.
الخاله روعه شو يا ازعر فهمنى مين هالصبيه الحلوه بالتفصيل.
مازن بنبرة سخريه دى تبقى أرملة اونكل مدحت قريب ماما و شريكها فى الشقه يعنى تقدرى تقولى مرات عمى.
نظرت له نظرة عتاب فقد فهمت ما يرمى له.
الخاله روعه لك لشو هاى اللئمنه ليش عم تحكى هيك الصبيه كتير مسكينه و ما حدا بيعرف شو ظروفا.
مازن يا خاله انا مش لئيم و لا حاجه بس مستغرب ايه اللى يخلى شابه صغيره و حلوه تتجوز راجل عجوز و أد ابوها او يمكن أكبر.
الخاله روعه بمكر من هاى الناحيه فهى موبس حلوه هى بتطير العقل.
مازن مبتسم يعنى دا بس اللى سمعتيه من كل اللى انا قولته عمرك ما هتتغيرى.
فى هذه اللحظه دخلت كندا بصينية الشاى فتوقف الحوار بين خاله روعه و مازن و جلس الجميع يتحدثون فى مواضيع مختلفه و يضحكون.
بعد مرور ساعتين وقفت الخاله روعه لتغادر.
الخاله روعه انا هلأ صار لازم روح لأنى بحب نام بكير.
كندا انا بجد اتبسطت أوى أنى اتعرفت على حضرتك و حسيت انى مش غريبه.
الخاله روعه تسلمى حبيبتى. بوكره بمرؤ عليكى بكير بعد ما مازن يروح عشغله و نقعد نحكى لأنى بدى اعرفك اكتر.
كندا تنورى يا خاله. هستناكى الصبح ان شاء الله.
الخاله روعه تصبحوا عخير.
مازن و كندا و انتى من أهل الخير.
غادرت الخاله روعه. و بدأ حوار سريع بين مازن و كندا.
مازن زى ما قالت الخاله روعه انا بوكره عندى شغل بدرى فهضطر أدخل انام. طبعا دا بيتك و خدى راحتك.
كندا انا كمان مش هطول و هدخل أنام على طول رحلة السفر لسه تاعبانى لحد دلوقتى رغم انى نمت شويه زى ما شوفت. صحيح انت بتشتغل أيه
مازن انا مهندس معمارى. و شغال على مشروع حاليا.
كندا ربنا معاك. انا مش عاوزه اعطلك عن النوم. تصبح على خير.
ابتسم لها مازن قائلا و انتى من اهله.
و ذهب إلى غرفته. و حملت كندا عمرو و ذهبت هى الأخرى إلى غرفتها و كانت سعيده و محتاره كثيرا. فلا تعرف كيف فى يوم واحد بدأت تشعر بالراحه و السعادة و احست ان قرارها بالسفر إلى لندن كان صائبا.
الفصل الخامس
استيقظت كندا على قبلات عمرو الرقيقه على وجهها فتحت عينيها و ابتسمت له و
كندا طبعا انت جعان و عاوز تاكل مم صح
عمرو ابتسم مم.
كندا طيب يا حبيبى تعالى نقوم نشوف فى ايه فى الثلاجه و أحاول احضرلك حاجه تعرف تاكلها. و النهارده ضرورى ان شاء الله اجيب حاجات لينا. مينفعش كدا نفضل قاعدين نستخدم الحاجه بتاعت عمو مازن.
عمرو ابتسم لها فبالطبع لم يفهم كل حوارها.
اخذت عمرو و خرجت إلى الريسيبشن و اخذت تدور بعينيها فى المكان لتعرف ما إذا كان مازن مازال بالمنزل ام ذهب إلى العمل. فتأكدت انه ليس بالمنزل سواها هى و عمرو. فتوجهت إلى المطبخ و بدأت تبحث عن شئ مناسب لها و لعمرو و لدهشتها وجدت على باب الثلاجه رساله من مازن.
صباح الخير
انا عارف انك هتصحى مش عارفه تفطرى ايه انتى و عمرو. كنت اتمنى انى مسيبكوش لواحدكم اول يوم لكن كنت مضطر أروح الشغل. أنا للأسف معرفش أيه الأكل المناسب لعمرو بس روحت السوبر ماركت الصبح و جبت شوية حاجات يا رب تنفع. هتلاقى فى الثلاجه زبادى و جبنه و بيض و لبن و عسل و فى عيش فى الفريزر. دا اللى جه على بالى انه ممكن ينفع بس يا ريت لو محتاجين أى حاجه لما ارجع من الشغل تقوليلى عليها و انا ابقى اروح اجيبها. نمرة موبايلى فى النوت بوك اللى جنب التليفون لو محتاجين أى حاجه كلمينى و انا ان شاء الله هرجع على الساعه 5 .
مازن
استغربت كندا من هذه الرساله التى تركها مازن لها. فلم تعتقد ابدا ان يهتم لأمرها هى و عمرو و لكن تصرفه هذا جعلها تشعر بإمتنان كبير له. فقليل هم من اهتموا بأمرها منذ ولادتها.
اخذت تحدث طفلها.
كندا واضح يا عمرو ان عمو مازن مش وحش زى ما كنت فاكره.
عمرو مبتسما مازن.
كندا و هى تقبله ايوا يا قلبى. مازن. انا دلوقتى هحضرلك الفطار و نفطر سوا.
بعد حوالى نصف ساعه وصلت الخاله روعه بإبتسامتها المشرقه التى تحمل الكثير من الطيبه و الحنان.
كندا اهلا يا خاله. اتفضلى.
الخاله روعه اهلين يا قلبى. كيفك و كيف نمتى أول ليله إلك بهالبيت الجديد
كندا انا الحمد لله تمام. و نمت إمبارح كويس أوى و كنت مرتاحه.
الخاله روعه الحمد لله يا بنتى. الله يريح قلبك و عقلك.
كندا مبتسمة بمراره يسمع من بقك ربنا يا خاله.
الخاله روعه شو ما بدك تسويلنا شاى.
كندا حالا.
الخاله روعه وينه الزغير.
كندا عمرو جوه فى الأوضه. هجيبهولك يقعد معاكى على ما أعمل الشاى.
احضرت كندا عمرو للخاله روعه التى اخذت تلاعبه و تهدهده. و بعد دقائق قليله عادة كندا بالشاى.
كندا اكيد عموره تعبك.
الخاله روعه لا يا قلبى بالعكس. يؤبر قلبى كتير طيوب و هادي.
ابتسمت لها كندا فرحة بإطرائها.
الخاله روعه حبيبتى الله بيعلم انى من اول ما شفتك و قلبى حبك و صرت بعتبرك مثل بنتى. فبدى إسئلك سؤال بس خجلانه كتير منك.
كندا لا يا خاله متتكسفيش منى. انا كمان ربنا يعلم من اول ما شوفتك ارتحتلك و حسيت ان انا و عمرو مش لواحدنا و ان لينا حد هنا.
الخاله روعه اكيد انا بدى كون حدكن عطول.
كندا مبتسمه خلاص اسئلى من غير كسوف.
الخاله روعه متردده انا كان بدى اسئلك ليش لتتجوزى رجال اكبر منك كتير بالعمر. كان اد بيك.
كندا عشان كدا بقى مكسوفه للدرجه دى. انا فاهمه ان أى حد طبيعى يستغرب و خصوصا ان مدحت كان متوسط الحال يعنى مش مطمع لبنت شابه. بس اللى فعلا عاوزاكى تعرفيه ان انا كنت محظوظه اوى ان مدحت يتجوزنى و انى كنت سعيده جدا معاه و هفضل لحد ما أموت شايله جميله فوق راسى.
الخاله روعه بصراحه يا بنتى ما عم افهم عليكى.
كندا هحكيلك القصه كلها و هتفهمينى و تحسى اد ايه مدحت كان انسان عظيم و يتحب.
بدأت كندا تسرد للخاله روعه قصتها كامله.
كندا انا اتيتمت و انا طفله صغيره و جدتى هى اللى ربتنى. كانت هى كل حاجه ليا و كل أهلى و منعت أى حد من عمامى انهم يضايقونى او يتحكموا فيا و خصوصا انهم قاسيين جدا و مراتتهم مكنوش عاوزين يستقبلونى فى البيت. اكيد انتى فاهمه كل واحده كانت بتحس انى هقاسم أولادها فى حياتهم و فى رزق ابوهم.
الخاله روعه بتعاطف اي حبيبتى فهمانه عليكى. كملى.
كندا تيته بعدتنى عن كل دا و مسمحتش لحد انه يضايقنى او يسيطر عليا و حاولت تعوضنى بحنانها عن مۏت ابويا و امى. و فضلت هى اكتر انسانه قريبه منى فى الدنيا. و مكنش ليا اصحاب كتير لإن تيته كانت پتخاف عليا و حاسه ان الدنيا مبقتش امان زى زمان فكانت دايما قافله عليا من خۏفها. كبرت و دخلت كلية الأثار و كان مدحت الله يرحمه دكتور فيها. كنا كلنا بنحبه فرغم انه كان اكبر مننا بكتير لكن كان بيفهمنا و كان كانه صديق لينا و كان بيبقى دايما معانا فى الجولات اللى بنعملها للمناطق الأثريه. كان قريب لينا كلنا و عارف كتير عن حياتنا و كل حاجه و لما كنا بنحتاج لحاجه كان دايما جنبنا و بيساعدنا. مدحت كان بيعتبرنا كلنا ولاده و خصوصا انه متجوزش خالص فمكنش عنده اولاد. فى يوم و احنا فى جوله من الجولات جالى تليفون على الموبايل من عمى على غير العاده و قالى انى لازم ارجع لبيت جدتى بسرعه و انها تعبانه جدا. عرض عليا مدحت انه يوصلنى بعربيته عشان كمان منعطلش بقية الطلبه عن الجوله. لما وصلنا عرفت ان جدتى اټوفت.
بدات الدموع تتساقط منها رغما عنها
و لم تستطع التحكم فى نفسها. اقتربت الخاله روعه منها