من نبض الۏجع عشت غرامي بقلم فاطيما يوسف

إني كيف بطة جدو علي تصحى من النوم تغطس وتعوم وهات يا لعب وهات يا نوم اما انتي هات يا اكل وهات ياشرب لما هفرقع يا حاجة وابنك هيلاقيني سمنت ويدور على واحدة غيري تكون خفيفة ورشيقة يرضيكي اكده
أشاحت زينب يدها باعتراض
له من الناحية دي ما تقلقيش ولدي متربي زين وما هيبصش لمرة غير مرته واصل دي عمران تربية زينب وانتي خابرة عاد إن عمران مهيشوفش غيرك يا صبية
ظلوا يتسامرون بحب والبسمة تزين ثغرهم والوقت يمر في ألفة بينهم حتى عاد عمران من عمله ووجد المشهد الذي يحبذه قلبه زوجته ووالدته يبتسمون ألقى عليهم السلام وهو يقبل ناحية والدته اولا ويقبل جبينها ثم ناحية سكونه ويقبل جبينها أيضا ثم جلس أوسطهم وهو يسألهم عن أحوالهم
كيفكم يا حاجة وكيف الولد على حسك أكيد قايمة بالواجب وزيادة
هنا هتفت سكون وهي تتنفس بصعوبة
يختيي على ماما الحاجة دي نفختني النهاردة يا عمران قال ايه إن لما آكل أحشاء البقرة والموز هجيب الواد يعني لو كان بنت هتتبدل وتوبقى واد
لكزتها زينب بخفة
بس انتي هتعرفي حاجة انتي هو في زي نصايح ستاتنا زمان كانوا هيقولوا حكم من دهب وكان حكمتهم بنشوفها قدام عينينا اكده
سأل عمران سكون بترقب
يعني انتي على اكده يا داكتورة كلتي فشة وكلاوي ومخ ومسارين
حركت سكون رأسها للأمام مع ابتسامة عريضة زينت وجهها لتهتف زينب بتأكيد
وه أمال ايه ! دي كانت ناقص تاكل الصنية وراهم عاد من حلا الوكل صنع ايديا هي داقت لقمة واحدة وعليها عينك ما تشوف إلا النور كان الطبق ممسوح
ضحكوا جميعا بسعادة لتردد سكون بنفس الخفة من بين ضحكاتها وهي ترى نظرات عمران الغير مصدقة لما قالته زينب
هتبص لي اكده ليه يعني هو أني كلتهم لحالي ما هم ولادك هما اللي كانوا هياكلوا عاد يا عمران
ربت عمران على ظهرها بحنو
وهو اني اتكلمت عاد اصل مش عوايدك الوكل دي فعلشان اكده استغربت شوي
بعد مرور ما يقرب من ساعة تناول فيهم عمران الطعام ثم استئذن من والدته كي يصعد إلى شقته واستندت عليه سكون وما إن صعدا إلى الأعلى حتى جذبها إلي صدره
تخنتي ومليتي وبقيتي بطة بلدي في نفسك وحاجة آخر جمال وحلاوة يا سكوني
عضت سكون على شفتيها بخجل من نظراته وهي تردد
يعني التخن دي عاجبك واني لساتي في الشهر الرابع يعني على اخر الحمل مش هقوم من مكاني واصل
شدد على احتضانها ثم غمز لها وهو ينظر لها
دي حلو خالص جميل خالص اصلك متعرفيش انك من ساعة ما حملتي وانتي كل يوم هتزيدي حلاوة يا سكوني بالراحة على عمرانك يا قلبي
لكزته في كتفه بخفة لتقول بدلال
بقيت بكاش قووي يا عمراني هو
من ميتى التخن حلو مفيش أحسن من الرشاقة
رفع حاجبه الأيسر باستنكار
بس يا بابا إنتي عارفة حاجة اني صاحب النظرة والغمزة وأفهم في قوانين القرب اللي هتقول مفيش أحلى من البلدي هو اللي هيكسب لا أوربي ولا غربي ولا نحافتي وبعدين اني عاجبني الحال اكده ومكيفني على الاخر
مررت لسانها على شفتيها بخجل
على فكرة انت بقيت بتقول كلام عيب يا عمران انت خلاص كبرت على الدلع دي وهتوبقى أب يعني لازمن تعقل بقي
اتسعت مقلتيه ليردد بمكر
عقل مين وليه وبعدين الأبوة مالها ومال المزاج دي نقرة ودي نقرة !
ضحكت على طريقته فى غزلها التي لم تنتهي بعد مهما مرت بهم سنوات الزواج ثم أكملت مشاكسته
وه وانت مفكر أن لما ولادك ياجو الدنيا هتعرف تظبط المزاج دي انت تنساني لمدة سنتين على الأقل يا عمراني
مين دي اللي هينسي سنتين مفيش الكلام ده يا سكوني واياكي ثم اياكي تفكري تهربي من عمران دي اكده هيلعبوا في الثوابت وحسك عينك تفكري إنتي وولادك تلعبوا في الثوابت اكده مش ههعمر وياهم وهطفشهم علطول
تململت سكون بين يديه وهي تصطنع الاستنكار لما قال
وه هتزعل ولادك اللي هتترجاهم من الدنيا وهما رايدين حضڼ أمهم عاد علشان حبة دلع عايز تدلعه
تمسك بخصرها بشدة وهو يقترب من أنفها يداعبه
طب وولادي يزعلوا أبوهم ليه طول ماهما حلوين وياي هعاملهم معاملة زينة طول ما هيقلوا بدماغهم وياي هعمل معاهم الدنيئة
ثم قبلها من وجنتيها باشتياق ليكمل برغ بة
وبعدين هو احنا هنقدر البلا قبل وقوعه ليه وبزياداكي عاد بقي الحديت عن العيال وخوتتهم هما هيبتدوها إزعاج للمزاج من وهما لسه في بطنك اني عارف دي عين الدكتور اللي رشقت للعمران
ضحكت سكون بدلال راق له على كلمته الأخيرة ليجذبها إلى أحضانه وهو يردد بعبث
دي باينها احلوت قووي يا هلا بأحضان الحبايب يا سكوني
تتولد المشاعر عند ملامسة يد شخص ما الصوت الصادر من الموسيقى رائحة الأزهار الغروب الجميل الحب الابتسامة الأمل والإيمان جميع الأعمال المفيدة وغير المفيدة تؤثر على الإنسان نفسه
فاللحظات الجميلة ليس بالضرورة أن تكون ناتجة عن أشياء ثمينة أو نادرة الحدوث فقد تأتي لحظة جميلة بمجرد ابتسامة تراها على محيا أحدهم أو كلمة طيبة تسمعها من أحد الأشخاص
اما عند العروسين تشعر فريدة بالدوار الدائم وأن مزاجها سيئا للغاية وأنها تريد النوم دوما وتلك الحالة انتابتها منذ يومين فقط
عاد فارس من عمله تسابق أقدامه الريح فهو قد وعد فريدته بعزومة على يخت فاخر منذ ان علم مدى هوسها بالبحر والسفن
دلف إلى المنزل وبالتأكيد سيجدها في انتظاره وهي بكامل حلتها كي يقضون وقتا سعيدا طويلا في النزهة في الخارج قبل ان يمر الوقت ويضيع
وللعجب وجد المنزل فارغا صعد إلى غرفة نومهم وهو ينادي
فيري إنتي فين يا حبيبي
دلف إلى الغرفة وجد الهدوء والظلام يعم المكان فاندهش لذلك ووجد فريدة تغط في سبات عميق ولم تشعر حتى بمحيئه فأصيب بالإحباط الشديد
ثم أضاء الأنوار الخاڤتة واقترب منها وهو يمسح على شعرها الذي دوما يثيره هامسا بجانب أذنها برفق
فيرى ايه يا حبيبي لسه نايمة ليه هو احنا مش متفقين اني هاجي الاقيكي لابسة وجاهزة علشان نخرج نسهر برة
تململت فريدة في نومها وهي تشعر بالكسل الشديد وأسفل معدتها يؤلمها بتقلص شديد
معلش يا فارس حاسة بدوخة ومعدتي بتوجعني وشكلي اكده أخدت برد شديد ومقدراش اقوم من مكاني
شعر بالقلق الشديد لأجلها ثم على الفور جذب ادواته الطبية ليقوم بالكشف عليها فهو طبيب جراح ولكن مكتسب خبرة في طب الباطنة بامتياز ويعود ذلك لتعليمه في الخارج واهتمام أبيه أن يكون طبيب ناجح
ما تقلقيش يا حبيبي ان شاء الله خير ممكن يكون عندك برد في معدتك او عندك حساسية من حاجه معينة هنشوف دلوقتي
ثم بدأ بفحصها بشدة وهو يسألها عن أشياء معينة وإجابتها بعيدة كل البعد عن أعراض البرد ليسألها
الفحص بيقول ان دي مش أعراض برد خالص
بقول لك ايه يا فيري هي البريود ميعادها امتى
خجلت من استفساره لتجيبه
معادها فات من خمس ايام ولسه مجاتش
ابتسم وهو يحمل سماعته وأشيائه ليغمز لها بشقاوة
لاااا بقي ده ابو الفوارس لازم يتبخر جاب جون من أول ركلة وأصاب الهدف ومضيعش وقت
اندهشت من كلماته لتسأله باستغراب وتفكيرها بعيد كل البعد عن احتمال الحمل
تقصد ايه بالألغاز دي يا فارس ركلة ايه وجون ايه وايه الكلام الغريب دي
مرر أصابعه على وجنتيها الحمراء من أثر النوم يتحسسهم برفق ليجيبها بمشاغبة
جرى ايه يا حبيبي امال لو ماكنتش دوك قد الدنيا وبتفهميها وهي طايرة كنتي قلتي ايه !
ما بتسمعيش في التلفزيون عن المدام لما تبقى دايخة وتعبانة ويجي الدكتور يكشف عليها في البيت وبعد الفحص يرفع وشه لفوق وهو مبتسم ويقول لهم مبروك المدام حامل يبقى انتي ايه يا فيري
قامت من نومها بهدوء وهي تستند بكفها على التخت لتردد بذهول من مفاجئته
حامل ! كيف دي
رفع حاجبيه باستنكار
يعني ايه كيف دي اللي بتقوليها هو انتي متجوزة سوسن ولا ايه !
ثم أكمل مداعبا إياها
ده انتي متجوزة لعيب في هجمات الحب بيعرف يجيبها من الاول هو احنا بتوع اشاعات وتحاليل ولف ودوران يا ماما
ابتسمت لكلماته ثم وضعت يدها أسفل بطنها وهي تهمس برقة
يعنى اني هبقي مامي علطول اكده معقولة
خمس بأصابعه في وجهها بخفة
الله أكبر علينا وفيها ايه يعني محصلتش قبل كده مشمعتيش عن اللي حملت في ليلة دخلتها يا فيري
وضع يدها على يدها الموضوعة أسفل بطنها ثم هبط لمستواهم وقبلهم ثم نام على قدمها وأصبح مقابلا لعينيها
انا فرحان قوي يا فيري اخيرا هيبقى عندي عيلة وأولاد حاجات بتمناها هحققها معاهم هدخل البيت ألاقي دوشة هلاقي ناس اتكلم معاهم هيبقى عندي بإذن الله عيل واتنين وتلاتة وأحقق معاهم طفولتي اللي انا ما عشتهاش
متتصوريش انا مشتاق وعلشان كده ربنا حب يكافئني على اللي حصل لي سنين عمري وجبرنا احنا الاتنين بدري بدري
يا ترى انتي مبسوطه زيي انك هتبقي مامي
مسحت على خصلات شعره بحنو في حركة رقيقة مثلها راقت له بل وتوغلت براحة داخل جسده وهمست بتأكيد
طبعا يا حبيبي مبسوطة قوووي اني هبقى مامي ومنك أني هحبك وهحب اني يكون لينا أطفال وجو العيلة دي ربنا مش هيحرمنا منه إن شاء الله وانت هتوبقى ابني البكري اللي هفضل أدلعه واطبطب عليه وأخده في حضڼي وعمري ما هقصر معاه ابدا
شرد بذهنه في الحنون الحاضر الغائب والدته ليهتف بشجن
كان نفسك قوي ان ماما تكون عايشه وتشوفني وانا متجوز الانسان اللي انا بحبها وكمان اخلف اطفال هيكونوا احفادها
كان نفسي قوي تربي معايا ولادي وتشوفهم وتفرح بيهم ما تصوريش كان حلمها قد ايه انها تشوفني وانا عريس وتشوف ولادي وتحضنهم بين ايديها عبير اتعذبت قوي يا فيري لدرجة ان حتى الأحلام البسيطة ما كانتش بتقدر تحلمها ربنا يسامح اللي كان السبب ربنا يسامحه
ابتلعت ريقها بصعوبة من حزنه وهي تحسس وجنته برفق ورأت لمعة الحزن الشديد في عينيه ثم ترحمت على والدته
حبيبتي الله يرحمها هي في مكان أحسن دلوك عند ربنا أحن عليها من عباده اللي ما رحموهاش
وأكيد روحها حاسة بيك واحنا بنروح نزورها كل أسبوع كأنها عايشة بالظبط المېت بيحس بزواره وما تقلقش اني عندي وعد ليك لو طلعت بنوتة لازم أسميها عبير ولازمن احكي لهم عنها دايما ولازمن سيرتها تفضل على لساننا والأولاد كمان ولادنا بإذن الله يحبوها من حكاوينا عنها هي دلوك مش محتاجة مننا اكتر من الدعاء والصدقة اللي هيخلوها مرتاحة في قپرها
ردد بلسان يرجف اشتياق لحضن والدته
وحشتني قوووي يا فيري وحشتني ريحتها وكلامها وحنيتها عليا وحشني حضنها الدافي ليا في عز ۏجعها وألمها عمرها ما حسستني بنقص في المشاعر والحب ملت قلبي وعقلي حب وحنان وذوق ورقة ورجولة عملت معايا الحلو اللي في الدنيا كله خلتني انسان يا فريدة ولما ماټت اخدت معاها كل حاجة حلوة في حياتي
أدمعت فريدة لوجعه ثم حضنت وجهه فاستقام وهو يتشبس في أحضانها وهو يردد بشجن
انتي زيها مليانة حنان يكفي العالم كله أنا مش عارف من غيرك انا كنت هروح فين ومصيري كان هيبقي ايه
أنا كنت من غيرك ضايع إنتي دعوة أمي الحلوة ليا يافريدة ربنا يخليكم ليا وميحرمنيش منكم ابدا ويكمل حملك على خير
شددت على احتضانه بحنو بالغ كي تبث به الأمان وهي تهمس برقة
يارب ياحبيبي وانت كمان متستهونش بنفسك انت ادتني الأمان في عز ما انا كنت خاېفة منك وضعيفة قبلتني بظروفي اني أقل منك وعمرك ما تكبرت عليا ادتني حب واحتواء وثقة ومشاعر حلوة قووي عمري ماكنت اتمنى اكتر من اكده مع غيرك انت كل حاجة حلوة في حياتي يا فارس
وإن صادفت قلبا نقيا أبيض كالزهر لا تفرط فيه أبدا فصدقني يا عزيزي أجمل القلوب أنقاها فستحتار في البشر ولكن لن ترتاح سوى مع قلب نقي فحين يتكلم القلب لا يعود لائقا أن يصدر العقل اعتراضات فالقلوب البيضاء لا تعرف الظن السيئ ولا تعرف الخېانة ولا يذيقون سواهم مرارة الغدر ويبدؤون بنقاء وينتهون بوفاء وهم الذين يستحقوا الحب الحقيقي هم أصحاب القلوب البيضاء النقية
بعد مرور عدة أشهر أخرى حيث تصرخ مها بشدة وهي على التخت المتحرك في المشفى وآلام الطلق تشتد عليها فولادتها طبيعي كتوامها من ذي قبل
أااااااه همووووت ياناس الحقني يا جاسر
الحقيني يا داكتورة مش
قادرة أتنفس ضهري هيتقطم والخبط شديد
هداتها والدتها وقلبها يرجف ۏجعا لأجلها
معلش يا بتي اتحملي هي النص ساعة الأخيرة داي هتوبقى تعب في الطلق وبعديها هتوبقي زينة اتحملي ربنا يقومك بالسلامة يا حبيبتي
اما جاسر كان ممسكا بيدها وهو يبتلع أنفاسه بصعوبة هلعا عليها ليقول للطبيبة
اتصرفي يا داكتورة هي هتفضل تتوجع اكده كتير ولدوها قيصري خلو الۏجع دي يخف ما عايزينش نولد طبيعي احنا وتفضل تصرخ وتتوجع اكده
أصرت الطبيبة على ولادتها طبيعي فمن وجهة نظرها يحرم عليها أن تجري جراحة قيصرية وولادتها طبيعي مائة بالمائة
معلش يا فندم طالما ولادتها طبيعي وكل المؤشرات بتقول انها هتولد طبيعي كويس جدا حرام ان اني اولدها قيصري وافتح لها بطنها ادعي لها ربنا يبعت لها ساعة سهلة وهي تقوم بالسلامة هي والمولود
وبعدين الولادة الطبيعية بنسبه 90 مفيدة جدا للأم و للمولود
انزعج جاسر من إصرار الطبيبة وصړاخ مها مازال في أذنيه يجعله يشعر بالۏجع مثلها ولم يتحمل
يعني هتفضل تتوجع اكده كتير اني ما هتحملش ۏجعها ولا صړاخها دي واصل
هنا هدأته ماجدة بتعقل
معلش يا حبيبي اصبر ۏجع ساعة ولا كل ساعة هي هتقوم بالسلامة ان شاء الله هي الولادة الطبيعي في أولها صعبة وبعد اكده هتقوم سليمة تقدر تراعي مولودها من غير چرح ولا يحزنون اصبر يا ولدي الصبر حلو
أخيرا استعدت مها لدخول غرفة العمليات بعد عناء طال لمدة ساعة قضتها في الصړاخ وجاسر قد انتهى الصبر من صبره لأجل ۏجعها ولكنه فور دخولها للعمليات كان مستعدا للدخول معها فهو لن يتركها لحظة واحدة كما وعدها بعد مرور ما يقرب من نصف ساعة وقفها معها في غرفة الولادة فهي قد غابت عن الوعي بفضل المخدر بالتحديد ساعة نزول الجنين ثم فاقت بعد قليل وهي تتمتم من أثر المخدر
زين وزيدان حبايب ماما وحشتوني أني شايفاكم زين وحشتوني كنتو فين
كانت تهذي بأسماء توأمها الراحلين عنها ودمعة هاربة فرت من مقلتيها مما جعل صدر