رواية نصف مېت بقلم ندى السودة

فينا يطلع مناسب
محمد اه الله اعلم ..
إبتسمت من بين حزنها .. بجد !
شاهين و ده وقته هزار
ملك ربنا يخليكوا ليا ياارب
مصطفى يلا بقي هنتأخر ..
جلست بجوار مصطفي ف المقعد الخلفي و شاهين خلف عجله القيادة و محمد إلي جواره
ملك أنت كويس يامحمد
محمد مين ال مفروض يسأل .. أنا كويس الحمد لله المهم أنتي
محمد الحمد لله .. أنا ال كنت مبحبش القعدة ف البيت بقيت كل يوم ف بلد .. ربنا يعدي الايام دي علي خير و مش هتحرك من البيت اصلا ..
ابتسموا لها .. و اكملوا مسيرهم في صمت ..
و سيارة الإسعاف أمامهم ..
قام اربعتهم بالتحاليل كما نقل هاشم إلي غرفه العناية ..
و حجز شاهين غرفتين لهم بالمشفي لكي يتثني لهم عدم الإبتعاد واحده لتلاثتهم و أخري لملك
___________
ملك أقدر أدخله يا دكتور
الطبيب مش هينفع خالص خلال ال٢٤ساعة دول بعد كده نبقي نقرر
ملك طب نتيجة التحاليل امتي !
الطبيب علي بعد الضهر بكرة إن شاء الله
مصطفى ملك جبتلك عصير و باتيه معانا
ملك ماليش نفس
مصطفى ازاي بقي لازم تاكلي
ملك بجد والله ماجعانه
مصطفى افرضي طلعت نتجتك ايجابيه هتعملي العمليه ازاي ..
نظرت إليه و هي تفكر .. اوك هات
ملك شاهين .. دي الكريدت كارد بتاعتي عشان المصاريف و كده
شاهين نعم ياختي
مصطفى حد اشتكي لك يا ستي
محمد إحنا التلاته مش مالين عينك
ملك مش قصدي .. بس الحمد لله فلوسه موجوه
شاهين موجودة ازاي و أنتي بتقولي كله راح ف التفجير
ملك فلوسي هي فلوسه
شاهين أما نبقي نشتكيلك أبقي ادفعي
ملك من فضلك يا شاهين أنت ترضي إن هاشم يصرف عليك و لا أنت يامحمد ولا حتي مصطفي يرضي
مصطفى بس مين هيقوله
ملك هيسالني بعد كده هقوله اي بقي وقتها
محمد ان شاء الله أما يجي وقتها
ملك لو عايزني مرتاحة و متزودوش عليا تعب أكتر من كده تريحوني ..
عشان خاطري
شاهين ماشي هاتي
ملك متركنهاش معاك و خلاص .. حتي لو مدفعتش منها أنا هعرف المصاريف اد اي و هحولهوملك .. فبلاش اللفه دي كلها و خد من حسابي من الأول .. و كفاية وقفتكوا جمبي دي بالدنيا و مافيها والله .. اخواتي سندي
مصطفى ماشي يا ستي طالما ده هيريحك .. كلي أكلك بقي ..
________
مر اليوم في قلق و توتر و إنتظار .. حتي سمحوا لها بالدخول إليه ..
و جدته مستلقي الفراش يغط في ثباته تذكرت كم يكره البرد ..
صدره ملئ بالاسلاك الطبية أحدهم ينقل دقات قلبه و ها هي تسمعها الأن ..
و ينقل عبر أوردته المحاليل الطبيه ..
و أنبوب تنفس بفمه يساعده علي استنشاق الهواء ..
الممرضه حس بيكي
ملك بجد !
الممرضه اه دقات قلبه اتغيرت أول لما ډخلتي شوفي ..
و أشارت لها إلي شاشه صغيره تنقل تلك الدقات ..
خمس دقايق مش أكتر يا مدام
ملك تمام ..
إقتربت منه و طبعت قبله علي جبينه و أمسكت بأنامله بحظر ..
أنت سامعني دلوقتي يا هاشم ..
أنا قولتلك قبل كده إني بحبك بس مقولتلكش اد اي ..
أنا مش لاقيه حاجه أكبر من دنيتي بالي فيها عشان اقولك قدها ..
كمان في حاجات كتير لسه مقولتكش عليها كنت بتكسف بس اوعدك أول مانروح بيتنا هقولك كل حاجه ..
متسبنيش من غيرك مفيش حد إسمه ملك ..
من يوم ماعرفتك و كلهم بيتسندوا عليك و أنت قوي بتتحمل ..
أتحمل عشاني و عشان أمينة و نور و خالك و صاحبك أحمد و الناس ال بتحبهم ..
و مالت علي أذنه ..
بتمني جدا يكونلي اطفال منك شبهك ياخدو لون عنيك و أما بتتغير ..
ياخدوا ضحكتك ال بعشقها و ياخدوا حنيتك ..
أنا لسه محققتش الأمنية دي يا باشمهندس ..
عيد ميلادك قرب مش عايزة نحتفل بيه هنا ..
البارت_الثالث_والثلاثون
خرجت وجدت أمينة تحمل نور و تجلس مع مصطفي و ما إن رأتها حتي ذهبت إليها و احتضنا بعضهم ..
ملك وصلتي أمتي
أمينة من ساعه بس روحت أنا و أحمد نعمل التحاليل
ملك اومال هو فين
أمينة تحت مع ولاد عمك طلع الدكتور ال مسئول عن حاله هاشم أستاذه ف الجامعه فراح يستفسر منه عن حالته و كنت هنا مع مصطفي بنستناك ها عامل اي
ملك زي ما هو مفيش جديد
أمينة طب أنا عايزه أدخله
ملك أما الدكتور يجي قوليله و هيدخلك ..
هاتي نور ..
جلست إلي جوارهم .. و تأملتها ..
و إبتسمت شايف يا مصطفي لون عينيها لهاشم
مصطفى فعلا دا حتي الغمازة
ملك كان مهوس إنها تطلع شبهه
أمينة أنا لسه فاكره يوم ما اتولدت كان فرحان قد اي
مصطفى ربنا يقومه بالسلامه
الأثنتين معا ياارب ..
اتي أحمد إليهم بعد قليل من الوقت ..
أمينة ها يا أحمد طمني !
أحمد لازم
في أقرب وقت يتنقله كليه ..
لو كان اشتكي بدري كنا ممكن نلحقه بالعلاج
ملك طب التحاليل هتطلع أمتي
أحمد ربع ساعه بالكتير بس بتاعتي أنا و أنتي علي باليل
أمينة إن شاء الله خير
أحمد متقلقوش يا جماعه
وصل الطبيب
مع أحمد بعد الكثير من الوقت و شرع في الحديث و أحمد منصت إليه و إلي ردود أفعالهم ..
الطبيب معلش يا جماعه اتأخرت شوية عشان النتائج كلها تبقي مع بعض ..
ملك كانت تجلس متوترة تتوسل إلي الله في كل دقيقه أن يحمي لها زوجها و حبيبها و يرده إليها ..
تشتبك أصابعها في قلق و توتر ..
أمينة خير يا دكتور طمنا
الطبيب الحقيقه .. مش عارف أقول لكوا اي .. مفيش غير نتيجة واحده بس ايجابيه و هي مدام ملك
ملك طب الحمد لله
الطبيب بس مش هينفع تتبرع بيها
مصطفى ليه !
أحمد عشان أنتي حامل يا ملك ! ..
كانت تضحك و تبكي بهستريه في آن واحد حتي قلق الطبيب عليها و علي طفلها فأمرهم باعطائها مهدئ ..
و بعد الساعه إستيقظت تبكي في صمت حتي حسمت قرارها و خرجت إليهم ..
شاهين اي ال قومك يا ملك
ملك أنا كويسه الحمد لله
شاهين طب تعالوا ندخل الاوضه نقعد ..
دخلوا جميعا ..
و جلست ملك علي الفراش بإرهاق لا يختلف حالها كثير عن أمينة التي تبدو بأنها في طريقها إلي الهاوية ..
ملك هو أنا حامل بجد
أحمد أيوة يا ملك
ملك بس أنا مش حاسه بحاجه
أحمد لأن عمر الجنين أسبوعين
ملك طيب كويس .. أنا هعمل العمليه
شاهين أنتي أتجننتي
ملك لا
مصطفى ملك أنتي لسه المهدئ مأثرة عليكي
ملك أنا عارفه بقول اي
شاهين و مين هيسمحلك بكده اصلا
ملك أنا مبقتش صغيره و مسئولة عن قراراتي ..
تحدثت أمينة بهدوء ..
ملك مش عايزك تتسرعي أنا أتمني والله بس ف نفس الوقت أنا أم و القرار مش سهل أبدا .. أنا نفسي مش عارفه أفكر ..
ده أخويا و إبنه ..
و التمعت عيناها بالدموع و أوشكت علي الهبوط فصمتت ..
ملك أحمد لو سمحت اي الاحتمالات ال ممكن تحصل
أحمد جسمك مش هيستحمل ابدا بدخولك العمليه دي بتتخلي عن ابنك و جزء منك الاتنين مع بعض ..
فيا أما هيحصلك ڼزيف ف أول العمليه و ده اجهاض أو بعدها بساعات مش أكتر الموضوع مسألة وقت و ف الحالتين لا قلبك ولا ضغط ممكن يستحملوا و ممكن تدخلي غيبوبه .. محدش هيلومك لو مدخلتيش العمليه يا ملك ..
بعد قليل من الدقائق وضعت يدها علي بطنها الضامر ..
الطفل ربنا هيعوضني عنه إن شاء الله لأنه لسه ف علم الغيب ..
أهم حاجه عندي هاشم
أحمد إحتمال خمسين فالميه تقليل فرص الإنجاب بعد الإچهاض
ملك بس لسه في خمسين تانين و حتي لو ربنا ما أردش كفايه هاشم يبقي كويس عليا أمينة ملك أنتي متأكده فكري كويس
ملك متأكده و مستعدة لو دلوقتي حالا
شاهين أنتي مجنونه يابنتي ھتموتي فيها ..
نظرت إليه .. أنا مقدرش اعيش من غيره .. اشاح بوجهه عنها .. إن شاء الله هنبقي كويسين ادعليلنا
أحمد هتمضي علي إقرار إن ده برضاكي
ملك اوكي ..
ذهبت إليها ملك و احتضنتها بشئ من الإمتنان و العشق مع الشفقة علي حالها ..
أمينة هدعيلكوا
ملك أنا عايزه اشوفه الأول
أحمد تعالي معايا ..
اصطحبها أحمد إلي العنايه و وقف في الخارج ينتظرها ..
كما هو مسجي علي فراش المړض .. جلست إليه جواره كالمرة السابقة ..
أنا مش عارفه هتسامحني بعد كده ولا لاء ..
ليك قرار طبعا ده ابنك أو بنتك بس أنا اتحطيت ف وضع لازم أختار ..
كنت لسه بقولك نفسي ف طفل يشبهك و اتحققت أمنيتي بس اختارتك أنت حاليا و يارب ربنا يغفرلي و يعوضني بيك و بطفل تاني ..
صعب عليا اتخلي عنها عشان كان نفسي اشوفها و المسها و اختنق صوتها ..
بس هستناها تسقيني يوم لقانا عند ربنا ..
مش عارفه بس حساها بنت ..
ساعدني يا هاشم و متتخلاش عني بالله عليك و سامحني ..
قبلت يده و خرجت بهدوء ..
_________
بعد عدة ساعات .. العمليه كمان ساعتين يا ملك لازم تجهزي من دلوقتي
ملك ماشي .. و جالت بعينيها بالغرفه و لم تجده .. مصطفي فين شاهين
مصطفى بيتمشي مع محمد تحت
ملك أول ما يجي قوله إني عيزاه ضروري
مصطفي حاضر
و بعد مدة ..
شاهين محمد قالي إنك عايزاني
أيوة .. كنت عايزة أقولك
شاهين خير !
ملك بلاش الطريقة دي يا شاهين
شاهين عايزاني اعمل اي يعني يا ملك هو أنا لازم اكون دايما ساكت صامت
اموت من غير صوت ..
أنتي بتقتليني بال بتعمليه ده
ملك أنا أسفه ..
زفر شاهين بصوت عالي .. خلاص مش فاضل كلام يتقال كل ال طالبه منك ..
أرجع اشوفك تاني واقفه علي رجلك
ملك إن شاء الله ..
دخلت الممرضه يلا يامدام ملك
شاهين لا إله إلا الله
ملك محمد رسول الله
_________
استلقت علي سرير طبي في غرفة العمليات بجانبها سرير أخر هاشم مستلقي كما هو حاله في
العنايه الفرق الوحيد أنه مستلقي علي احد جانبيه ..
كان أحمد زوج أمينه يشارك ف العمليه ..
هاشم بالنسبة لأحمد السند و القوة و مصدر الفخر و الأعتزاز و دائما ما كان يستمد منه القوة و الصبر علي مصائب الحياة ..
فيعز عليه رؤيته هكذا في فراش المړض ..
صحيح أنه دائما كان يعاني من الربو و لكن ليس كحاله التي دخل فيها اليوم ..
بسبب صديق أعطي له كل ما يملك و تفاني في صداقته حتي أنه تخلي عن قطعة من جسده بكل حب و سرور من أجل حياته
و كان بالمقابل طعنه في ظهره طعنه غادره كانت نتائجها و خيمة علي هاشم
الذي سقط الأن في صراع يجاهد ليبقي علي قيد الحياة و من قبلها سقوطه في الحزن والغربة مع النفس لخمس سنوات متواصلة
لولا ملك بعد الله التي انتشلته مما هو فيه و إستطاعت أن ترسم علي وجهه البسمة بعد كان شبه مېت أو بالأحرى نصف مېت و ها