رواية وهم كاملة

يتنشر وكل الناس تتفرج عليه فابقى ضايق شمس مرة تانية
رفع عزت أحد حاجبيه قائلا بحدة
مش همشي من هنا ولا هتحرك خطوة واحدة غير لما أعرف أنت على أي أساس دفعت ليها فلوس المستشفى وكمان جاي ټضرب فيا عشان بعاتبها على مشيها البطال
تمالك محمد أعصابه وأجاب وهو يبتسم واضعا يديه في جيب سرواله
أنا أبقى خطيبها والفلوس اللي دفعتها للمستشفى تبقى مهرها يا نطع يا اللي مش تسوى في سوق الرجالة أكتر من اتنين جنيه
شهقت شمس مستنكرة من محمد هذا التصريح فهي لا تطيقه من الأساس فكيف تصبح بين ليلة وضحاها خطيبته
كادت شمس تنفي كلامه وتقوم بطرده ولكن انعقد لسانها بعدما سمعت جارتها وهي تطلق أغرودة عالية ثم انهالت عليها التهاني من جيرانها الآخرين وتمنوا لها السعادة
شعر عزت بالغيظ الشديد وتظاهر بالحزن وهو يهتف بعتاب مصطنع
مكانش العشم يا بنت أخويا مش المفروض برضه أن ليك أهل والمفروض لما يتقدم ليك واحد عشان يخطبك تعرفيهم وأول واحد لازم يعرف هو أنا بما أني في مقام أبوك
أجاب محمد بالنيابة عنها وهو ينظر نحو عزت باستهزاء
دلوقتي بقيت عمها أمال أنت كنت فين بسلامتك لما هي احتاجت منك فلوس عشان عملية سمر
أطرق عزت رأسه بإحراج بعدما رأى نظرات الاحتقار المصوبة نحوه من جيران شمس وقرر أخيرا أن ينسحب ويغادر المكان حفظا لماء وجهه
انتظرت شمس عودة كل شخص إلى شقته ثم رمقت محمد بنظرات كارهة وقالت
ممكن أفهم بقى إيه الهبل اللي أنت عملته ده أنت إزاي تتجرأ وتقول عليا خطيبتك وأنك دفعتلي مهري
أجاب محمد بهدوء غير مكترث بعصبيتها
أمال أنت كنت عايزاني أعمل إيه وأنا شايف الحيوان ده عمال يقل أدبه عليك ويهين فيك وأنت مش عارفة تردي عليه
كزت شمس على أسنانها هامسة بغيظ لم يجعلها تنسى أن تحرص على خفض صوتها حتى لا يسمعها أحد من الجيران
ما هو أصلا أنت السبب في كل اللي حصل لو أنت مكنتش دفعت ليا فلوس المستشفى مكانش عمي استغل

الفرصة وجه لحد هنا عشان يعملي ڤضيحة قدام باب شقتي
رد محمد ببساطة وهو يستند بكفه الأيمن على حافة باب شقتها
اسمعي يا شمس وشغلي عقلك ده وفكري شوية سمر بقالها سنين پتتعذب بسبب اللي اتعرضتله في الحاډثة وأنت حاولت تساعديها كتير بس فشلت في تأمين الفلوس المطلوبة وده مش عشان أنت فاشلة أو مش مهتمة بأختك وإنما لأن المبلغ فعلا كبير وكان صعب أوي عليك أنك تجمعيهم من شغلك من غير ما تضطري تتنازلي عن كرامتك وتوافقي تعملي حاجة غلط
أشاحت شمس بوجهها وتذكرت ما حدث معها في العمل الذي طردت منه قبل أسبوع لأنها رفضت أن تستجيب للأوامر المهينة التي كان يريدها المدير
لاحظ محمد تجمع الدموع في عينيها فهتف بهدوء
أنا عارف يا شمس أني غلطت زمان في حقك وأنا بعتذر منك على التصرفات اللي صدرت مني وقتها
أنت على أي أساس دفعتلي فلوس عمليات أختي
سألته شمس وهي تحاول أن تمنع هطول دموعها أمام عينيه وشعرت بالصدق في نبرته عندما سمعته وهو يقول
أنا دفعت الفلوس مش عشان أهين كرامتك ولكن عشان لما شوفت بعيني معاناة سمر افتكرت نفسي واللي حصلي بعد القنبلة اللي اڼفجرت وأنا قريب منها بس الفرق بيني وبين أختك أني معايا فلوس أتعالج بيها ولكن سمر مش معاها والسبب ده ممكن يخليها تعيش مشوهة طول عمرها
كفكفت شمس الدموع العالقة بين أهدابها قائلة بسخرية
طيب ويا ترى إيه رأي مراتك في شهامتك دي يا أستاذ محمد وهل هي هتقبل أنك تتجوزني عليها بعد ما أعلنت قدام عمي أنك خطيبي
ضحك محمد بشدة حتى دمعت عيناه وتحدث من بين ضحكاته بعدما رأى نظراتها الحانقة
أنا مش متجوز أصلا يا شمس وبالنسبة لهانيا اللي أنت شوفتيها لما جيتي لبيتي عشان تهزقيني فهي مش تبقى مراتك زي ما هي قالتلك وإنما هي طليقتي اللي انفصلت عنها من حوالي أربع سنين لأنها اتقرفت من شكلي لما اټشوهت بعد الحاډثة
أصيبت شمس بحالة من الصدمة بعدما سمعت كلامه وقامت بعقد موازنة بينه وبين كلام هانيا التي أخبرتها بمنتهى الثقة أنها زوجته
جهزي نفسك يوم الخميس الجاي عشان أنا هفوت عليك نروح نشتري الشبكة
قال محمد هذه الجملة وانصرف وترك شمس تنظر إلى أثره بذهول وتتساءل هل حقا ستصبح زوجته
الفصل الثالث والعشرون
تجاوزت هانيا مرحلة الخطړ وتم نقلها إلى غرفة عادية وصار مسموحا لأفراد عائلتها الجلوس برفقتها والتحدث معها
ملست فريال برفق على ساعد ابنتها قائلة بحنو
ألف سلامة عليك يا حبيبتي إن شاء الله هتفكي الجبس قريب وتقومي بالسلامة
حركت هانيا رأسها دون أن تتفوه بكلمة واحدة مثلما فعلت طوال الأيام الماضية فقد كانت تسمع ولا تتحدث
دلف وسام إلى الغرفة وطبع قبلة على جبين هانيا قائلا
عاملة إيه دلوقتي يا حبيبتي
نظرت له فريال وأجابت بالنيابة عن ابنتها
الدكتورة كانت لسة هنا من شوية وقالت أن هانيا اتحسنت خالص وأنها هتخرج من المستشفى على أخر الأسبوع
أومأ وسام وهو يشعر بالأسف على شقيقته وما حدث لها في الفترة الأخيرة بسبب القرار الخطأ الذي اتخذته في لحظة عناد قبل بضع سنوات فقد انفصلت عن محمد ظنا منها أنه سوف يبكي على الأطلال ولكنه في الحقيقة يجهز لحفل عقد قرانه الذي سيجريه في نهاية الأسبوع
أطلقت جميلة مجموعة من الأغاريد بعدما سمعت من محمد أنه سوف يعقد قرانه في نهاية الأسبوع على الفتاة التي أحبها بشدة
ألف مبروك يا حبيبي ربنا يجعلها جوازة السعد والهنا وإن شاء الله ربنا يجعل عروستك عوض ليك عن كل اللي شوفته
قالتها جميلة بفرحة فاحتضنها محمد وقال
تسلملي دعواتك دي يا جميلة يا عسل أنت هو ده اللي توقعته منك والله
ربتت جميلة على كتفه قائلة بجدية
وهو أنا عندي في حياتي أغلى منك أنت وسمية وآدم
قبل محمد كفيها وهتف بحب
أنا عارف كويس مقدار معزتي عندك وربنا وحده عالم أنا بحبك قد إيه
ابتسم محمد وقال
حاضر يا ستي طلباتك أوامر يا قلب أخوك
هتف آدم بسعادة

بعدما اتصل به محمد وأخبره أنه قد تعرف على فتاة وسوف يقوم بخطبتها بعد بضعة أيام
ألف مبروك يا محمد ربنا يتتملك على خير يا ترى بقى مين سعيدة الحظ اللي خليتك تفكر في الجواز بعد ما كنت مصمم تكمل حياتك على العزوبية
تحدث محمد وهو يبتسم ابتسامة عريضة
إن شاء هبقى أعرفك على خطيبتي في حفلة الخطوبة واللي بالمناسبة هنكتب فيها الكتاب وأنت طبعا هتكون شاهد على الجوازة
أكد آدم على رغبته في القيام بهذا الأمر قائلا
أيوة طبعا أنا هكون شاهد على كتب كتابك من عروستك وكمان أنا اللي هزفك بعربيتي يوم الفرح
أنهى آدم الاتصال بعدما قضى بعض الوقت يتحدث مع محمد بشأن التجهيزات ثم ذهب إلى غرفة المعيشة حيث تجلس نادين وأخبرها أن ابن عمه سوف يعقد قرانه بعد بضعة أيام
ابتسم اسلام بعدما رأى الهدية التي أحضرها والده والتي كانت عبارة عن مجسم صغير لأحد الأبطال الخارقين الذين تعرض أفلامهم على شاشات التلفاز دون توقف
عانق إسلام والده قائلا بسعادة
شكرا لك يا بابا على الهدية الجميلة دي
هتف رامز وهو يشدد من عناق طفله
العفو يا حبيبي أنا مش هحرمك من أي حاجة وكل اللي أنت هتعوزه أنا هجيبهولك لحد عندك
ازدادت فرحة إسلام بوالده الذي أظهر له على مدار الفترة الماضية أنه يحبه كثيرا ويمكنه أن يفعل أي شيء من أجل إرضائه وإسعاده
هتف إسلام بعدما قام بوضع اللعبة في حقيبته
ماما سألتني المرة اللي فاتت عن العربية اللي أنت جيبتهالي يا بابا
ملس رامز على شعر طفله متسائلا
طيب وأنت قولتلها إيه
رد الصغير بعفوية
أنا مش قولت حاجة نادية هي اللي قالتلها أني أخدت الهدية دي من الحضانة
تنهد رامز بارتياح وحمد الله الذي ألهمه وجعله يتصل بنادية في ذلك اليوم ويطلب منها أن تخبر داليا بهذا الكلام في حال سألتها الأخيرة عن مصدر اللعبة
ودع رامز طفله وعاد إلى شركته وطلب من السكرتيرة أن تحضر له فنجانا من القهوة ثم جلس على مكتبه وأخذ شهيقا وزفيرا وهو يشعر بنفاذ صبر لا مثيل له فهو ينتظر مكالمة مهمة للغاية سوف يكون لها دور كبير في تحقيق انتقامه من عزام
صدع رنين هاتفه فابتسم بسعادة بعدما رأى اسم المتصل وأجاب على الفور قائلا بلهفة
طمني يا حسام إيه أخر الأخبار
طمأنه حسام بقوله
كل حاجة تمام يا أستاذ رامز أنا قدرت أزرع الميكروفونات في مكتب مهاب من غير ما أي شخص يشك في الموضوع وبكده أنت هتقدر تسمع كل كلمة بتتقال جوا المكتب وهتعرف كل حاجة بخصوص الشحنة اللي هتيجي قريب
ظهرت ابتسامة واسعة على ثغر رامز الذي هتف بامتنان
شكرا ليك يا حسام وأحب أطمنك وأقولك أن فلوسك هتوصلك لحد عندك
هز حسام رأسه رافضا هذا الأمر بقوله
أنا مش بعمل كده عشان الفلوس يا أستاذ رامز وأظن أنت عارف الكلام ده كويس أوي أنا هدفي هو أني أنتقم لأبويا الموظف الغلبان اللي عزام قټله بدم بارد لأنه عرف عنه كل بلاويه
أنهى رامز المكالمة بعدما شكر حسام للمرة الثانية ثم أخذ يشرب قهوته باستمتاع فقد اقترب من نهاية عزام بتلك الخطوة التي قام بها
انتهى رامز من احتساء فنجان القهوة ثم أمسك هاتفه واتصل بوسام وأخبره بجميع المستجدات فهتف الأخير بسعادة
عظيم الخطوة اللي حسام عملها دي هتسهل علينا مجهود كبير أوي وإن شاء الله ربنا يسهل ونخلص قريب من مهاب وعزام
هتف رامز بتساؤل بعدما خطړ في باله حبيبة التي ذهبت بقدميها إلى عرين الشياطين دون أن تدرك خطۏرة ما هي مقبلة عليه
عملت إيه يا وسام في موضوع حبيبة
أنا مش عايزك تقلق يا رامز خالص من موضوع حبيبة إحنا مش هنخليها تتجوز من مهاب مهما حصل وهو إن شاء الله هيتسجن قريب وكل بلاويه هتتكشف قدامها قبل ما الفأس تقع في الراس
شعر رامز ببعض الارتياح بعدما سمع كلام وسام الذي جعله يطمئن أن حبيبة لن تدفع ثمن جشع أخيها الذي أودى بحياته
لم يكن من السهل على رامز تقبل فكرة أن أشرف قد خانه وأنه الشخص نفسه الذي سرب لعزام جميع التفاصيل المتعلقة بالشحنة
ابتسم رامز بتهكم بعدما تذكر ردة فعله عندما أخبره وسام بالمعلومات التي تؤكد تورط أشرف في أمر حريق المخزن

فهو لم