رواية وهم كاملة

الكثير من المجهود
مين قالك يا خالتو أن أنا زعلانة من الموضوع ده بالعكس أنا فرحانة أوي
استغربت إلهام من هذه الفرحة التي رأتها على وجه نادين قائلة بشك
أنت متأكدة يا نادين أنك مش زعلانة
هزت نادين رأسها نافية هذا الأمر بقولها
لا يا خالتو أنا مبسوطة وأوعدك أن أنا هحاول أقنع سمية بالموضوع ده
ابتسمت إلهام نادين قائلة بامتنان
تسلمي يا حبيبتي وبجد شكرا ليك على الموقف ده وربنا يصلح أحوالك مع جوزك
خرجت نادين من منزل إلهام وهي تشعر بالسعادة لأنها إذا نجحت في التوفيق بين رامز وسمية فسوف تستعيد حينها زوجها الذي سيتأكد وقتها أنها لا تحب ابن خالتها مثلما يعتقد
عادت نادين إلى المنزل ووجدت آدم يجلس على الأريكة وعندما رآها هتف بعصبية
ممكن أعرف أنت كنت فين دلوقتي يا ست هانم
أجابت نادين ببرود وهي تضع حقيبة يدها على الطاولة
كنت بزور خالتي وبطمن عليها لأن أنا بقالي كتير أوي مش زورتها ولا اطمنت عليها
كز آدم على أسنانه وحك أذنه اليمني متسائلا باستنكار
نعم يا أختي سمعيني كده تاني وقوليلي أنت كنت فين
شعرت نادين بقليل من الخۏف عندما رأت الڠضب الذي احتل ملامح آدم ولكنها شعرت في الوقت نفسه بالسعادة لأنها رأت

غيرته عليها بعدما ظن أنها قد التقت برامز
أخفت نادين مشاعرها وردت بهدوء أجج حنق آدم منها
مالك يا آدم فيك إيه أنا روحت أزور خالتي وأشوفها فيها حاجة دي
أمسكها آدم من ذراعها صائحا في وجهها بعصبية
طول ما أنت قاعدة في البيت ده يبقى تحترمي نفسك وإياك أعرف أنك روحتي عند خالتك مرة تانية ولما تبقى عدتك تخلص وتمشي من هنا ابقي ساعتها اعملي كل اللي أنت عايزاه وأنا مش هحاسبك ساعتها
تظاهرت نادين بالبلاهة وحكت ذقنها بهدوء قائلة
أنا مش فاهمة إيه اللي مضايقك أوي كده في موضوع مرواحي لخالتي
تركها آدم دون أن يرد عليها ودلف إلى غرفته فهو نفسه لا يفهم لماذا انفعل عليها وأظهر غضبه منها على الرغم من أنه أخبرها قبل يومين أنه لا يهتم لما تقوم به لأنها لم تعد زوجته
قامت هانيا بدعوة طارق لحضور حفل عيد ميلادها وهذا الأمر أسعده كثيرا وجعله يشعر بمدى أهميته لديها بعدما شعر بترحيب فريال بوجوده
سار طارق برفقة هانيا داخل الحديقة وأخذ ينظر إليها بتمعن فهي لم تتغير كثيرا عما كانت عليه في الماضي أثناء فترة عمل والده بها
نظر طارق إلى هانيا وتحدث بهدوء
كل سنة وأنت طيبة يا هانيا وعقبال مليون سنة
حك عنقه وهو يكمل حديثه بنبرة أظهرت شده الحرج الذي يشعر به
أنا آسف أني مش جبت ليك هدية وده لأنك معرفتنيش بموضوع الحفلة غير من كام ساعة وأنا ملحقتش أشتري حاجة مناسبة عشانك بس أوعدك هبقى أجيبلك الهدية
تصنعت هانيا الحزن قائلة
معقول يا طارق أنت نسيت تاريخ عيد ميلادي ده أنت كنت على طول أول واحد بيعيد عليا
أخفض طارق رأسه وهتف ببرود
كل حاجة اتغيرت دلوقتي يا هانيا أنا اتغيرت وبعد ما كنت مجرد واحد كحيان أبوه شغال جنايني وأمه بتخدم في البيوت عشان تصرف عليه بقيت دلوقتي دكتور كبير وعندي عيادة معروفة وليا وضع ومكانة كويسة في المجتمع وكمان عندي زوجة وابن
تعمد طارق تذكيرها بحقيقة أنه رجل متزوج ولديه طفل وذلك حتى تكف عن محاولاتها للتقرب منه والتي صارت مكشوفة وواضحة أمام الجميع فهو يعرف جيدا مدى تكبر وغرور هانيا
ليس أحمقا ولا ساذجا حتى يقع بسهولة في فخها فهو يتذكر جيدا عندما كان في الماضي يهنئها بعيد مولدها فقد كانت حينها تشيح بوجهها بعيدا عنه بعدما تمنحه نظرة ازدراء تدل على مدى نفورها واشمئزازها منه
ابتلعت هانيا ريقها وتمتمت بتساؤل وهي تخفض رأسها بارتباك بعدما فهمت تلميحه لها
أنت اتجوزت هدير مش كده
أومأ طارق بابتسامة وفتح هاتفه وبدأ يعرض أمامها صور زفافه قائلا
أيوة اتجوزت هدير لأنها أكتر واحدة حبيتني وأنا كمان مع الوقت حبيتها بس مش اكتشفت الموضوع ده غير من فترة بسيطة أوي وتحديدا بعد ما بدأت أقابلك وأتواصل معاك مرة تانية يا هانيا
نظر طارق بعدم اكتراث إلى الشحوب الذي كسا وجه هانيا مستكملا حديثه قاصدا إقحام كل كلمة من كلماته في عقلها
هدير إنسانة جميلة أوي من برة ومن جوة رضيت بيا زمان رغم ظروفي واتنازلت عن حاجات كتيرة أوي عشان تخفف عني وعمرها ما فكرت تعايرني ولا تقلل مني في يوم من الأيام
احتدت ملامح طارق بعدما تذكر ملامح وجه زوجته التي بدا عليها البؤس والقهر في الصباح وهذا الأمر جعله يدرك أنها قد علمت بتواصله مع هانيا وتأكد من هذا الأمر عندما فتح هاتفه ووجد أنه قد تم فتح حسابه على الماسنجر على الرغم من أنه قد قام بإغلاقه قبل خلوده للنوم
هتف طارق بحزم قاصدا أن ېصفع بكلماته هانيا التي ظنت أنه رجل بلا شخصية وبإمكانها أن تسرقه من زوجته
هدير تستاهل مني أني أعوضها عن كل المر اللي شافته معايا في بداية جوازنا وعشان كده أنا عمري ما هحب ولا هبص لواحدة غيرها لأني أصلا اكتشفت من فترة قصيرة أنها تبقى حبي الحقيقي والوحيد
أومأت هانيا قائلة بحشرجة محاولة عدم إظهار الڠضب والإحراج الذي شعرت به من حديثه
أنتم أصلا لايقين أوي على بعض وأنت عمرك ما هتلاقي واحدة زي هدير
مر بعض الوقت قبل مغادرة طارق وصعود هانيا إلى غرفتها وقد أخذت تكسر كل ما يقع تحت يديها بعدما تأكدت من تبخر الأمل الوحيد الذي كان أمامها لرد اعتبارها أمام رفاقها الذين سخروا منها بعد معرفتهم بحقيقة عدم قدرتها على الإنجاب
تورات نادية عن أنظار زملائها ثم أخرجت هاتفها من جيب سترتها وبحثت عن اسم رامز ونقرت على علامة الاتصال
أجاب رامز على اتصالها قائلا باستغراب
أيوة يا نادية خير فيه أي جديد عندك
أومأت نادية قائلة بسرعة
أيوة يا رامز بيه فيه حاجات كتيرة أوي حصلت النهاردة الأستاذ عزام طلع متجوز على داليا هانم وجاب مراته التانية هنا على القصر ونبه علينا كلنا وقال أنها دلوقتي بقت ست البيت وأن كل أوامرها لازم تتنفذ وأننا لازم نخلي بالنا من أكلها لأنها حامل
ظهرت ابتسامة شامتة على ثغر رامز الذي هتف

بتساؤل
طيب وداليا عملت إيه بعد ما شافت كل اللي بيحصل ده
مطت نادية شفتيها وهي تجيب
مدام داليا قاعدة في أوضتها من الصبح ولحد دلوقتي هي مخرجتش منها بس أنا كنت سمعت صوت عزام بيه وهو پيتخانق معاها وبيقول ليها تغور في داهية
كتم رامز ضحكته بصعوبة بعدما سمع تلك الأخبار المبهجة للغاية
تمام يا نادية أنا متشكر جدا ليك
أنهى رامز مكالمته مع نادية واتصل بوسام وأخبره بكل ما جرى بين داليا وعزام
ضحك وسام بشدة قائلا
أنت زمانك قاعد دلوقتي وشمتان في داليا وفي اللي جرالها من عزام
هز رامز رأسه مؤكدا هذا الأمر بقوله
الصراحة أيوة أنا فرحان فيها لدرجة أني هاين عليا أقوم أرقص من كتر الفرحة
ابتسم وسام وقال
خلينا دلوقتي نركز في اللي هنعمله بعد ما عرفنا أن مرات عزام التانية تبقى حامل
هتف رامز بعدم اكتراث لهذا الأمر الذي يظن وسام أنه قد يؤثر بالسلب على خطتهما
الخطة ماشية زي ما هي وأنا مش هغير فيها حاجة داليا دلوقتي هتحاول ټنتقم من عزام وأنا هستغل النقطة دي في صالحي وبالنسبة بقى للبنت التانية دي فأنا مش هشغل دماغي بموضوع حملها لأنه أصلا شيء مش هيفرق معانا في التنفيذ
جلست سمية داخل المطعم تنتظر حضور رامز الذي اتصل بها وطلب منها أن تأتي لمقابلته وإلا سوف يقوم بتصرف أحمق يجعل مظهرها سيئا للغاية أمام جيرانها وأصدقائها
حضر رامز وجلس أمام سمية قائلا بابتسامة
إزيك يا سمية عاملة إيه يا اللي سړقت قلبي ومش راضية تديني وش
زفرت سمية بضيق وهتفت بتبرم بعدما ضړبت سطح الطاولة پعنف
بص يا رامز أنت تصرفاتك تخطت الحدود أولا غلط أصلا أن إحنا نتقابل بالشكل ده من غير ما يكون في بيننا أي حاجة وصدقني أنا مكنتش هاجي لولا أن أنت هددتني بأنك هتعمل موقف مچنون من مواقفك زائد أن أنت قولت أنك عايزني في موضوع مهم وأني هندم لو رفضت أقابلك فياريت تنجز وتقول عايز إيه لأني لازم أمشي
تجاهل رامز طريقتها الحادة في النقاش معه وفتح لها هاتفه وأخذ يعرض أمامها صورا لمراد برفقة فتاة أجنبية في العديد من الأماكن السياحية التي تشتهر بها مدينة دبي
كزت سمية على أسنانها وهتفت بشراسة وهي تقلب بين الصور ناظرة إلى ملامح الذئب البشري الذي دنسها ومنح نفسه الحق في استباحة شرفها
الصور دي واضح عليها أنها جديدة وفي نفس الوقت مختلفة تماما عن اللي مراد بينشرها على الفيس بوك
أومأ رامز مؤكدا كلامها بقوله
عندك حق يا سمية دي صور جديدة بس مراد ميعرفش عنها حاجة لأنها اتصورت من غير ما ياخد باله وهو عمره أصلا ما يقدر أنه ينشر أي حاجة على الفيس بوك طول ما هو مع كريستين
حدقت به سمية ببلاهة قائلة
أنا مش فاهمة حاجة مراد ليه ېخاف ينشر صور ليه مع البنت دي وهي تطلع مين أصلا
تنهد رامز وبدأ يشرح لها كل شيء قام به من أجلها فقد استعان بصديق له مقيم في دولة الإمارات العربية المتحدة بعدما تأكد من استقرار مراد بها وزواجه من سيدة أعمال مصرية تعيش هناك وتمتلك ثروة طائلة ولكنها تكبره في السن
تواصل رامز مع صديقه وطلب منه أن يوكل أحدا بمراقبة مراد وترصد تحركاته وبالفعل استجاب رفيقه لطلبه وقام بتعيين شاب مصري تم فصله من عمله وطلب منه تتبع مراد مقابل راتب شهري يعادل الراتب الذي كان يحصل عليه من الشركة التي استغنت عن خدماته وقامت بتسريحه
علم الشاب من خلال مراقبته لمراد أنه قد تزوج على زوجته الثرية من وراء ظهرها بفتاة أجنبية تعمل في مجال الموضة وعرض الأزياء
طلب رامز من الشاب بتوثيق أكبر عدد ممكن من الأوقات التي يقضيها مراد مع زوجته الأجنبية حتى يتم إرسالها إلى زوجته الأولى التي ستسعى للاڼتقام منه بطريقة صعبة عندما تعلم أنه قد تزوج عليها بعدما انتشلته من حياة البؤس وأنقذته من شبح الترحيل الذي كان يواجهه إثر طرده من الشركة التي كان يعمل بها بسبب محاولته لاختلاس بعض الأموال
هتفت سمية بتساؤل وهي تنظر إلى رامز