رواية همس الجياد بقلم مروة جمال

الألم تابعت بنبرة تصتنع المرح حسن سافر مصر الصبح ومش حيرجع إلا بكرة بالليل
إيناس طيب ليه ماسفرتيش تغيري جو
رقية هو انا يا بت مش قلت ليكي مكاني هنا وبيتي هنا هو وراه مشاغل حيقضيها ويرجع ويلا بقة متعطلنيش
إيناس طيب احنا رايحيين عيد ميلاد مين
رقية عارفاكي حتتعبيني عيد ميلاد عمر حبيبي
إيناس وقد إبتسمت وعقدت
حاجبيها في محاولة للفهم اللي هو يبقى مين
رقية ده يا ستي يبقى أجمل طفل في الدنيا حبيب قلبي تم سنة أصل عمر ده إتولد على إيدي على فكرة مامته نفسها تتعرف عليكي وشددت عليا اعزمك على عيد الميلاد
إيناس وهي تعرفني
رقية ماهو أنا أصلي رغاية وحكيت ليها عنك نرمين مهندسة زراعية وشغالة هي وجوزها في الجزء التاني من المزرعة الجزء الطبيعي والاكثر مرحا يا حبيبتي ومفيش إعتذار أنا بصراحة مش عايزة أخرج لوحدى ها
إيناس خلاص حاجهز نفسي مع إني مليش في جو الحفلات ده
رقية السواق مستنينا نص ساعة وتكوني في العربية فاهمة
إيناس فاهمة
صعدت إيناس لغرفتها بدلت ملابسها وكعادتها إختارت زيا بسيطا مكونا من فستانا أنيقا بلون رمادي فاتح
وأرتدت فوقه سترة قصيرة من خامة الجينز صففت شعرها سريعا وتركته مسترسلا خلف ظهرها ثم سحبت حقيبتها على عجل وتوجهت للسيارة حيث تنتظرها ثريا نظرت ثريا لإيناس بإعجاب وقالت ايه الحلاوة دي
إيناس اه يعني أرجع أغير هدومي شكلي ملفت ولا إيه
رقية حبيبتي حلاوتك في بساطتك ويلا العربية حتتحرك إتأخرنا
إيناس بس دلوقتي أنا لازم أجيب هدية حجيب منين !
رقية إتفضلي يا ستي دي هدية بسيطة عليها إسمك عملت حسابك طبعا معايا
إيناس يا خبر طيب حسابها بقه
رقية الحساب يوم الحساب
إيناس لأ مش حينفع
رقية خلاص يا ستي نتحاسب بعدين الدنيا مش حتطير إطلع يا عم فاروق
وهكذا إنطلقت بهم السيارة ربما نحو عالم آخر أناس وأشخاص جدد تلتقي بهم إيناس في عالمها الجديد
فالبشر أنواع نوع تسمح له بالدخول لعالمك ونوع تقذف به خارجه دون تردد ونوع آخر يقتحم عالمك رغما عنك ودون إستئذان
كانت تلك هي المرة الاولى التي تسلك فيها إيناس الطريق نحو المزرعة الأخرى بعد حوالي أربع كيلو مترات من الظلام بدأت تظهر بوادر هذا العالم الآخر لم تكن بنفس رونق مزرعة الخيل على الرغم من أن مساحتها أكبر بكثير ربما الضعف أو أكثرأراضي زراعية بمساحات شاسعة وقد زرعت بمختلف أنواع الفاكهة والخضروات نظرت ثريا نحو إيناس وقالت على فكرة بيزرعوا هنا فاكهة حلوة قوي وبجد خالد عنده ضمير مش شغل هرمونات وكيماوي مضر بجد حاجة تشرف
إيناس هو صحيح الدنيا ضلمة فأنا مش شايفة قوي بس واضح إن في تنظيم وإهتمام بكل حاجه
رقية أصل خالد والده كان عنده أراضي زراعية كتير يعني هما في الموضوع ده من زمان بس هو باع كل حاجه وجه اشترى الأرض هنا وعمل المزرعة دي ده كان حلم كبير عنده
إيناس جميل إن الواحد يحلم ويحقق حلمه
رقية وإنتي يا إيناس يا ترى إيه حلمك
نظرت نحوها وصمتت قليلا بادرتها رقية حقا بسؤال صعب إغرورقت عيناها بالدموع وهي تقول بس أنا معنديش حلم
رقية وقد شعرت بالحزن لرؤية دموع إيناس معقول معندكيش حلم
إيناس كان كان زمان عندي أحلام مش حلم واحد بس دلوقتي خلاص
أخذت رقية نفسا عميقا ثم توجهت ببصرها للسائق وقالت بنبرة ثابتة فاروق إرجع تاني عن الأراضي لوسمحت
إيناس ليه حنروح فين
رقية وقد بدت عبراتها هي الأخرى ولكنها تغلبت عليها بإبتسامة كاذبة حوريكي حلمي
عادت السيارة مرة أخرى وتوقفت بإشارة من رقية التي خرجت على الفور من السيارة وفتحت ذراعها وكأنها تسعى لملئ رئتيها بكل نسمات الهواء المتاحة أمامها تبعتها إيناس في دهشة وتوجهت نحوها قائلة هو إحنا نزلنا ليه
رقية شايفة الأرض دي
إيناس اللي قدامنا دي
رقية دي بتاعتي أنا وحسن
إيناس أرضكم
رقية حلمنا كنا ناويين لما نخلف نكتبها بإسم إبننا ده كان إقتراح من خالد باع لحسن النص فدان ده حتى خلانا نقسط تمنه وقاله لما تجيب ولد إكتبها بإسمه خليها فال خير بس زيي مانتي شايفة الأرض لسه بتاعتي أنا وحسن
إيناس وقد بدا عليه الحزن لطالما شعرت پألم رقية ولكن لم يتحدثا من قبل بهذا الشأن خرجت الكلمات متلعثمة من حلقها وهي تقول أنا مش عارفة أقول إيه
كانت رقية تنظر للأفق بعبرات متحجرة إستدارت نحو إيناس وأمسكت بيدها وتابعت أنا اللي حقول يا إيناس حقولك إن كان حلمي طفل إبن أو بنت ينور دنيتي زي كل الستات ولما إتجوزت حسن طلب مني نأجل الخلفة كنا في أمريكا وكان بيشتغل وبيدرس والدخل كان عالقد وسمعت الكلام وأخدت موانع خمس سنين وأنا ببلبع في حبوب علشان ماخلفش ولما آن الآوان وحبيت أحقق حلمي معرفتش
هربت عبراتها رغما عنها تابعت رقية وهي تحاول التحكم في المطر الأسود المنهمر من عيناها طبعا رحت لدكتور وإتنين وكورس علاج ورا التاني علشان نصلح الضرر اللي عملته الموانع بس زي ما انتي شايفة زي ما يكون مفيش أمل بقالي خمس سنين بتعالج لغاية ما زهقت وبطلت أحلم
شعرت إيناس بالآسى من أجل رقية ربتت على يديها محاولة أن تواسيها نظرت رقية للأفق مرة أخرى وتابعت إيناس جايز دلوقتي معندكيش حلم وجايز عايشة في حلم قديم بس نصيحة
لما تعرفي حلمك متسيبهوش إمسكي فيه بإيدك وسنانك حققيه علشان متندميش بعد كده علشان متبقيش زيي يا إيناس صدقيني الوحدة وحشة قوي عاملة زي الضلمة بتحسي إنك مش شايفة حاجة حتى نفسك
إيناس إنتي شايلة هم كبير قوي بس ليه اليأس ده ربنا كبير
رقية ونعم بالله
إيناس ممكن بقه تمسحى دموعك دي فورا
رقية تصدقي إحنا ستات نكد بدل ما نروح عيد الميلاد ننبسط قاعدين نعيط زمان السواق بيقول علينا مجانين
ضحكت إيناس وما زالت العبرات بعينيها وأمسكت بيد رقية وإتجهوا معا نحو السيارة نعم فرقية مثلها تماما تكتوي بڼار الفراق ربما يكون فراقا من نوع آخر ولكنها بالتأكيد تشعر بالألم الراقد بين ضلوعها وتقدره
ألقت رقية النظر مرة أخيرة على عيناها قبل أن يغادروا
السيارة وقالت مصطنعة المرح ده جزاء اللي يحط كحل ويعيط بس اعمل أصل أنا قديمة شوية معرفش أنزل من البيت من غير كحل
إيناس وقد إبتسمت لها في حنان خلاص متقلقيش مفيش حاجه باينة
رقية طيب نطلع بقه علشان إتأخرنا عليهم
كانت بناية تتكون من أربع أدوار ولكنها بناية عريضة فكل دور يحتوي على ست شقق أخبرتها رقية أن هذا مقر سكن الموظفين بالمزرعة وأن هناك بنايات أخرى لسكن العمال على الجانب الآخر نظرت إيناس للبناية بإعجاب فقد صممت بإبداع وتزين مدخلها بأنواع مختلفة من شتلات الزهور والنباتات ضحكت رقية عندما لاحظت إعجاب إيناس بمدخل البناية وقالت العمارة نصها تقريبا مهندسين زراعيين عايزة مدخلها يبقى عامل إزاي
إيناس صح عندك حق
رقية إحنا حنطلع السطح أصل هنا الشقق صغيرة بس هما موضبين السطح ومخلينيه قعدة ظريفة لإن ده يعتبر النادي بتاعهم اللي بيتجمعوا فيه
إيناس فكرة حلوة وعملية كمان
وصلت رقية و إيناس للحفل كان السطح لا يختلف كثيرا عن مدخل البناية فالأرضية مبلطة برخام أنيق وتزينت جميع الأركان بالنباتات المتسلقة و شتلات الورود المتعددة وقد وضعت بعض الكراسي المعدنية والطاولات بتصميم بسيط في مختلف جوانبه ولاحظت وجود طاولة أكبر حجما في المنتصف وقد تزينت بمختلف أنواع الأطعمة والمشروبات تقدمت منهم فتاة صغيرة الحجم بإبتسمة واسعة كانت ترتدي حجابا بسيطا وقد عقدته بحرفية خلف رقبتها لها ملامح رقيقة وبشرة عاجية ملساء أظهرت جمالها بأحمر شفاه من اللون الغامق نظرت نيرمين لرقية بلوم وقالت كده التأخير ده كله
رقية معلش يا حبيبتي
نيرمين وهي تنظر لإيناس مرحبة نورتيني إنتي إيناس صح
إيناس أيوه
نيرمين وأنا يا ستي نيرمين مامت عمر صاحب الليلة دي
إيناس كل سنة وهو طيب
نيرمين وإنتي طيبة يا قمر وتاعبه نفسك ليه بس
قالتها بعد أن قدمت لها إيناس الهدية ثم تابعت بس فعلا زي ما رقية وصفتك بالضبط رقة وأخلاق مفيش كده
إيناس ربنا يخليكي
نيرمين طيب يلا علشان أعرفك على بقية المجموعة متتخضيش من الزحمة هما كلهم لذاذ خالص
جذبت نيرمين إيناس من ذراعها برقة وتوجهت بها نحو بقية الضيوف أما رقية فقد تركتهم بعد أن ألقت التحية على البعض وتوجهت لقضاء بعض الوقت المنفرد مع عمر
قدمتها نيرمين للجميع وعرفتها بهم أيضا كان هناك يوسف زوج نيرمين شاب يبدو في الثلاثين من عمره له بشړة سمراء ووجه يبعث نحوك دون ان تشعر برسائل من الإطمئنان والراحه مثل زوجته تماما وهناك دينا وهي خريجة كلية الآداب وتقيم مع زوجها بالمزرعة وقررت شغل فراغها بإفتتاح حضانة صباحية للأطفال أمثال عمر لاحظت أن الجميع يعمل حتى وإن لم يكن له تخصص يناسب العمل هنا علمت من نيرمين أن خالد يحاول أن يجعل من المزرعة مجتمع سكني صغير يوفر كل متطلباتهم ولكن المشكلة التي ربما ستواجههم مستقبلا هي مدارس الأطفال حيث تقع أقرب مدرسة جيدة على بعد ساعة قطع حديثهم حدوث حالة من المرج عند دخول أحدهم المكان إلتف الجميع حول حمزة الذي كان يبدو عليه الإجهاد الشديد كان يبدو بنفس الهيئة التي رأته فيها المرة السابقة خاصة قبعته المميزة وإن كان إستبدل لونها حسب ملابسه تقدم منهم حمزة مبتسما وكانت وقتها تجلس مع نيرمين وداليا
حمزة إيه ده مش ممكن منورة يا دكتورة يا إيناس
نيرمين إيه ده إنتم تعرفوا بعض
إيناس أيوه أنا شفت البشمهندس عند مدام رقية
نيرمين امممممممم إتأخرت ليه عمر حيزعل منك
كاد حمزة أن يهم بالإجابة ولكن فاجئته يد صغيرة بسحب قبعته كانت رقية تحمل عمر وإقتربت من حمزة بغرض إغاظته إستدار حمزة لهم وهو يحسن من خصلات شعره الناعمة التي تطايرت على جبينه بفعل طولها وجذب الصغير ورفعه برفق وقال كده يا عمر طيرت القصة
ضحكت رقية وهي تجلس بجانب إيناس وتابعت عارف يا حمزة لما تقص شعرك أنا حادبح بطة
حمزة يااااااااااااه كده حتقعدوا كتير قوي متاكلوش بط
رقية بقه كده ماشي وإتأخرت ليه يا أستاذ شكلك لسه صاحي من النوم
حمزة جوزك السبب يا أبلة مش عايز يسوق خلاني وصلته الصبح واخدت السكة صد رد وكمان بكرة حاروح اجيبه اهو ده عيب
إن مديرك يبقى قريبك
إبتسمت رقية بسخرية عند سماع عبارته وأخذت عمر من حمزة الذي جلس بهيئة القرفصاء بجانب كرسي إيناس ثم تابع وهو يوجه حديثه نحوها والله مش ميزة يا دكتورة إيناس بالعكس ده بيستغلني آخر حاجه
رقية حقوله
حمزة بس هو راجل طيب بصراحه وبرده بيقولوا الخال والد
نظرت نيرمين
لحمزة بخبث ثم قالت طيب روح أقعد قعدة مريحة ولا هات كرسي
حمزة لاااااااااااااااا أنا حاروح لجوزك