رواية فراشة أعلى الفرقاطة كاملة بقلم منال سالم

بالقوات البحرية المصرية في رتبة مقدم .. وينحدر من أصول صعيدية يمتاز يزيد بالجسد الرياضي المفتول نتيجة ممارسته لرياضة التجديف بإستمرار أما بشرته فهي قمحية خشنة .. ملامح وجهه شرقية بحتة ووجهه دائما يشير إلى صرامته وقسوته .. أما عينيه فهي عميقة و تمتاز باللون الزيتي الممزوج باللون العسلي .. ورغم نعومة خصلات شعره الأسود الدهني إلا أنه دائم حلقه إلا في العطلات الطويلة من عمله الذي يتطلب هذا على الدوام ..
تزوج يزيد بعد تخرجه من الكلية البحرية بعامين من شابة تدعى هايدي وتعمل كطبيبة أمراض نساء واستمر زواجهما لعدة سنوات قبل أن يحدث الانفصال بينهما منذ خمسة أعوام .. لم ينجب يزيد أي أطفال رغم رغبته الشديدة في هذا وذلك بسبب إصرار زوجته وقتها على الاهتمام بعملها أولا و....
Flash Back لما حدث
في منزل يزيد
ألقت هايدي بثياب عملها على الأريكة الموضوعة في غرفة نومهما ثم استدارت بجسدها لتنظر إلى زوجها ووجهها مكفهر و..
هايدي بحدة وبنظرات حانقة أنا قولتلك بعد الدكتوراة هابقى أشوف الموضوع ده
يزيد بحنق وهو يجز على أسنانه يعني مۏت يا حمار
هايدي بنبرة ممتعضة حسن اسلوبك شوية معايا أنا مش شغالة عندك وأظن احنا متفقين على كده
يزيد بنبرة غاضبة الكلام ده كان من سنين يا هانم وأنا خلاص زهقت وعاوز عيال
هايدي بإصرار وأنا مش هاضيع شغلي ولا اللي وصلتله عشان خاطر العيال وقرفهم
يزيد بنظرات ڼارية مشټعلة ونبرة هادرة وأنا مش عاوزك تشتغلي سيبي أم الشغل ده واتفرغي ليا ولبيتك
هايدي بتهكم هه أتفرغلك !! ده على أساس إنك 24 ساعة هنا وأنا مش ملاحقة على طلباتك ده انت يوم هنا و لأ .. انت ناسي ولا ايه !!
يزيد وهو يلوي فمه في انزعاج والله مش ذنبي انك اتجوزتي ظابط بحري ..!!!!!
هايدي بنظرات متحدية ونبرة عنيدة ومش ذنبي أنا كمان انت عارف كويس أد ايه شغلي ومنصبي مهمين بالنسبالي
أمسك يزيد بذراع هايدي وجذبها نحوه بقوة ثم حدق في عينيها بشراسة و...
يزيد بنبرة قوية غاضبة وأنا فين يا هانم من شغلك
هايدي متآلمة آآآه سيب ايدي
أرخى يزيد قبضة يده عن ذراع هايدي ثم دفعها للخلف وأشاح بوجهه بعيدا عنها وهو يزفر في انزعاج و...
يزيد وهو يحاول السيطرة على انفعالاته يا هايدي أنا بحبك وعاوز أخلف منك عيال ليه مش عاوزة تفهمي ده
أخذت هايدي نفسا عميقا وحاولت هي الأخرى أن تبدو طبيعية أمام زوجها و...
هايدي بصوت هاديء وناعم حبيبي أنا معنديش مانع نخلف
ثم صمتت هايدي للحظات تترقب ردة فعل زوجها وتابعت ب ...
هايدي بخفوت ونظرات متوجسة بس مش دلوقتي !
استدار يزيد برأسه ناحيتها ثم حدق في عينيها و...
يزيد بعصبية أومال امتى اديني ميعاد مناسب ليكي يا هانم
هايدي بنبرة ممتعضة قريب ان شاء الله
يزيد متسائلا بضيق يعني امتى
هايدي بجدية لما أخلص مناقشة الدكتوراة

يزيد وهو يزمجر پعنف يادي الزفتة الدكتوراة دي يعني انتي مش بتحسي بالغيرة وانتي شايفة كل ست بتجيلك تكشف عندك وهتبقى أم وتتمني تبقي زيها
هايدي بإيجاز لأ
يزيد بنبرة منزعجة يا شيخة ده طباخ السم بيدوقه
هايدي وهو تزفر في ڠضب يووووه انت مش همك إلا نفسك عاوزني أتلبخ في الخلفة والعيال وأضيع تعب السنين دي كلها عشان انت تبقى أب
يزيد بإنفعال مفرط إنتي اللي بتبقي شغلك عليا ! وأنا راجل صعيدي مقبلش كده أنا عاوز عيال وأسرة وآآ..
هايدي مقاطعة بتهكم صريح قولتلي بقى العرق الصعيدي الجاهل المتخلف ده هيطلع عليا ..!
لم يتحمل يزيد إهانة زوجته لأصول عائلته فرفع يده عاليا في الهواء ثم هوى بها على وجهها ليصفعها بقسۏة
يزيد بصوت هادر ونظرات شرسة اخرسي ....!!!
تأوهت هايدي من الآلم ووضعت يدها على وجنتها ونظرت إلى يزيد بنظرات ساخطة و...
هايدي بنبرة صادحة انت انسان همجي ومتخلف ..!!!
أمسك يزيد هايدي من شعرها وجذبها پعنف منه فهددته بتحرير محضر ضده واتهامه بالاعتداء عليها وفضحه في عمله فحرر خصلات شعرها من أصابع يده ودفعها پعنف للخلف فاعتدلت هي في وقفتها واستمرت في توجيه نظراتها الساخطة له وآآ...
قاطع شرود يزيد صوت رفيقه آدم القوي فانتبه له وحدق فيه وهو مقطب الجبين و...
آدم بنبرة عالية يزيد باشا روحت فين بس
يزيد وهو يزفر بإنزعاج ولا روحت ولا جيت أديني أعد اهوو
آدم بنبرة شبه آمرة طب يالا عشان نلحق ناخد شاور ونغير هدومنا ونلحق نروح عند الجماعة زمانتهم مستنينا
يزيد وهو يلوي فمه طيب ولو إن مالهاش لازمة العزومة دي
آدم بتوجس وأنا مالي عاوز تعترض يبقى تقول للحكومة الكلام ده مش للغلبان اللي زيي
يزيد بنبرة جادة ونظرات فارغة من التعبير طب يالا ما أنا عارف إني مش هاخلص منك
وصل كلاهما بالقارب الرفيع إلى جوار المرساة ثم بخفة ومهارة تعاون كلاهما معا في رفع قارب التجديف عن صفحة مياه النيل الراكدة وسارا في اتجاه المكان المخصص للمعدات الرياضية لكي يضعا القارب الخاص بهما في الداخل
في أحد المطاعم
قررت السيدة فوزية أن تحتفل بإبنتها الوحيدة عن طريق دعوتها للغذاء في أحد المطاعم الهادئة ..
جلست فرح على المقعد الجلدي الأسود بعد أن سحبته ونظرت إلى والدتها نظرات إمتنان و...
فرح بنبرة مبتهجة ونظرات دافئة ميرسي يا مامي على العزومة دي مفاجأة حلوة أوي
فوزية بنبرة رقيقة وناعمة ربنا يسعدك يا حبيبتي أنا كمان كلمت مامت كريم وعيلته وشوية وهتلاقيهم موجودين
فرح بنبرة حماسية وأعين لامعة بجد !
فوزية وهي توميء برأسها وبصوت ناعم طبعا يا حبيبتي أنا عارفة انتي بتحبيهم أد ايه وقولت أكيييد هتتبسطي أوي لما يشاركونا فرحتك يا فرح
نهضت فرح عن مقعدها ودارت حول الطاولة لتنحني على والدتها ثم احتضنتها وقبلتها على جبينها و...
فرح بنبرة شاكرة حبيبتي يا مامي ربنا ما يحرمني منك أبدا
فوزية وهي تربت على يدها ويخليكي ليا يا فرحتي
وما هي إلا لحظات حتى انضمت إليهما عائلة كريم بركات فرحبت بهم فرح ووالدتها ودعتهم للجلوس
تتكون عائلة كريم من والده الأستاذ بركات موجه لمادة العلوم وزوجته السيدة سميرة ربة منزل وابنتهما كاميليا ذات الثمانية عشر عاما ...
سميرة بصوت عالي مبروك يا فرح انتي فرح وكل حاجتك فرح ربنا يكرمك انتي وكريم وأشوفكم في بيت العدل عن قريب

يا رب
أطرقت فرح رأسها في خجل وتوردت وجنتيها قليلا و...
فرح بنبرة خجلة تسلميلي يا طنط
بركات بصوت آجش الواد كريم عرف ولا لسه
كاميليا بنبرة جادة اكيد يا بابا هي فرح تقدر تخبي حاجة على كيمو حبيب القلب
سميرة بنبرة دافئة الله ! مش جوزها يا بت
عقدت كاميليا حاجبيها في ضيق زائف و...
كاميليا وهي تلوي شفتيها يووه يا ماما أنا مش بحب كلمة بت دي ! أنا في سنة أولى اقتصاد يعني كلها كام سنة وأبقى سفيرة
سميرة باستخفاف برضوه هاتفضلي بت في نظري
جلس الجميع يتبادلون أطراف الحديث المرح والجاد .. وتطرقوا إلى الكثير من المواضيع أثناء تناولهم للغذاء ..
قررت فرح أن تفاجيء كريم وتتصل به عن طريق برنامج المكالمات بالفيديو سكايب لكي يتحدث مع عائلته وبالفعل أجرت الاتصال وكانت مكالمة مثمرة للغاية حيث اتفق مع كلا العائلتين على جعل موعد الزفاف بعد شهرين فتعالت الزغاريد في أرجاء المطعم واحتضنت السيدة فوزية ابنتها في حين قبلت السيدة سميرة زوجة ابنها المستقبلية بينما ربت الأستاذ بركات على ظهر كنته برفق
في مقر جريدة الضحى
توجه السيد أمجد البسيوني مدير قسم التحقيقات بالجريدة إلى مكتب مدير إدارة الجريدة ورئيس التحرير الأستاذ عبد السلام لمقابلته في أمر عاجل ..
كان السيد أمجد ذو ملامح جادة ووجه عبوس رغم قلبه الطيب .. ولكن حبه لعمله وخاصة أن القسم الذي يتولاه يتناول موضوعات حساسة جعلته دائما يبدو جاد الملامح مكفهر الوجه إلا في مناسبات نادرة ..
سمحت السكرتيرة للسيد أمجد بالدخول إلى مكتب رئيس التحرير الذي نهض عن مقعده فور رؤيته إياه و...
عبد السلام بنبرة هادئة وهو يشير بيده اتفضل يا استاذ أمجد
أمجد بنبرة جدية شكرا يا أستاذ عبد السلام
عبد السلام بصوت رزين خير حضرتك كنت عاوزني في ايه
أمجد بنظرات ثابتة ونبرة أقل جدية اطمن يا أستاذ عبد السلام دي حاجة عادية
عبد السلام وهو يمط شفتيه ممممم .. بس وشك بيقول غير كده !
أمجد بنظرات حادة ونبرة شبه رسمية انت عارفني يا استاذ عبد السلام في الشغل ببقى زي الألف مش بعرف أفرد وشي ولا آآآ...
عبد السلام مقاطعا بصوت رخي عارف عارف ..!
أمجد بنبرة متريثة أنا كنت عاوز أقترح على حضرتك حاجة أنا عارف إنه لسه بدري على ما يجي وقتها بس إنت عارفني يا أستاذ عبد السلام بحب أرتب كل حاجة لمدة شهرين قدام
عبد السلام وهو يهز رأسه مفهوم طبعا
أمجد بهدوء زائف أنا بقترح إننا نخلي قسم التحقيقات ينزل إنفرادات عن أهم إنجازات القوات المسلحة بكافة فروعها على مدار سلسلة تحقيقات متتالية
عدل الاستاذ عبد السلام من وضعية نظارته الطبية التي انزلقت نوعا ما على أنفه ثم رمق السيد أمجد بنظرات حائرة و..
عبد السلام بعدم فهم ممكن توضلحي أكتر
بدأ السيد أمجد في طرح فكرته القادمة والتي سيتم نشرها خلال فترة الاحتفالات الخاصة بأعياد تحرير سيناء والتي يحبذ فيها تناول تاريخ كل فرع من أفرع القوات المسلحة على حدا وكيف تم تطويره منذ حرب 73 إلى الآن كبديل عن التطرق إلى الذكريات الخاصة بالشهداء المعروفين والتي استهلكت على مدار سنوات
اعترض الأستاذ عبد السلام على تجاهل دور شهداء الجيش خلال تلك الحړب الضروس ولكن برر السيد أمجد رأيه بأنه لن يغفل ذكرهم ولكنه سيجعل
الجزء الأكبر من التحقيقات مسلطا على تلك الجزئية ..
عبد السلام بنبرة ضائقة وهو يزم فمه مممم.. طيب سيبني أفكر في الموضوع ده شوية
أمجد بجدية ونظرات إصرار صدقني يا أستاذ عبد السلام الفكرة دي هاتخدمنا أكتر من إننا نكرر مواضيع الكل عارفها
عبد السلام بإقتضاب ربنا يسهل
أمجد بنبرة متحمسة أنا هاعمل فريق تحقيقات من الشباب يساعدني في فكرتي دي وآآ...
عبد السلام مقاطعا بحزم اصبر بس يا أستاذ أمجد وبعد كده نتكلم
زفر السيد أمجد في انزعاج ورمق الأستاذ عبد السلام بنظرات جادة و..
أمجد بتبرم ماشي .. أنا هاروح مكتبي وهاستنى ردك
عبد السلام بخفوت بأمر الله
نهض أمجد عن مقعده الجلدي ثم توجه ناحية الباب ودلف إلى الخارج في حين دون الأستاذ عبد السلام بعد الملحوظات الخاصة بإقتراح السيد أمجد كي يتمكن من التفكير فيها بتأني ..!!!
يتبع التالي
الحلقة الثانية
في منزل آدم
تناول يزيد طعام الغذاء مع عائلة رفيقه المقرب آدم واستمتع بالمأكولات الشهية التي أعدته زوجته شيماء ونعم الجميع بجو أسري بسيط وهاديء ..
آدم علي الجزار هو رفيق يزيد