رواية (الطاووس الأبيض) بقلم منال سالم

بعض تنام
في أوضتي تنام في الحمام إن شاءالله تنام تحت الأرض أنا مش راجعلها
هتفت فيه والدته تلومه پبكاء زائف
حرام عليك اللي بتعمله فيها ده اتقي ربنا وارجع لعقلك مهما كان في بينكم عيل جاي وآ
رمقها بنظرة قصد أن تكون خالية من أي مشاعر حين قاطعها حاسما المسألة عليها
قولتلك أنا ظالم ومفتري والعيل اللي ماشافش النور ده مش هيجبرني أرجعلها حتى لو كانت آخر واحدة على الأرض
الفصل الرابع والخمسون
أمعنت في كبح ما يعتريها من ڠضب مهتاج حاليا لتكسب وجهها هدوئا يغاير الطبيعي والذي من المفترض أن تكون عليه لتدعي أنها لم تسمعه ينبذها أو الأحرى يقصيها من حياته للأبد لتبدو كمن غفلت لبعض الوقت بسبب إرهاق الحمل ولم تصلها لعناته أو طرده لها. نهضت خلود عن الفراش وتأرجحت في خطواتها وهي تتجه نحو الباب لتظهر وكأنها تعاني من عدم اتزان بسبب تأثير الحمل عليها هتفت من الداخل معلنة كڈبا أنها لم تنتبه لوجود طليقها بالخارج
أما يا خالتي شوفت حتة حلم جميل ربنا يجعله يتحقق شوفت تميم شايل ابننا ومصمم أنا اللي أسميه وكان في إيده دبلة جوازنا ...
عند تلك الكلمة الأخيرة توقفت أمام باب الغرفة راسمة على وجهها علامات الدهشة لتبدو أمام الاثنين متفاجئة من تواجده ردت بأنفاس مرتبكة
تميم!
منحها الأخير نظرة غير مريحة على أدق تعبير ساخطة قبل أن يشيح بنظراته بعيدا عنها تجاهلها عن عمد وقال لوالدته بصوت تحول للبرود
أنا جيت أطمن عليكي وعلى جدي احتمال أبات في الدكان النهاردة ورانا توريد كبير من بدري
رمقته والدته بنظرة معاتبة ثم حثته على محادثة خلود فقالت
مش هاتسلم على بنت خالتك وتطمن على ابنك
لم يلتفت نحوها ورد قاصدا إحراجها
لأ.
زجرته ونيسة في عصبية
عيب كده يا تميم راعي اللي كان بينكم الډم عمره ما كان مياه
تدخلت خلود في جدالها الحاد معه لتستعطفها بما يشبه الرجاء
خلاص يا خالتي سبيه على راحته..
ثم تنهدت هنيهة لتضيف بعدها
مهما عمل فأنا لسه بأحبه.
استدار تميم برأسه في اتجاهها وحدجها بنظرة جافة خالية من أي تعاطف ثم الټفت نحو والدته من جديد ليقول
لو عوزتي حاجة كلميني.
هم بالتحرك لكن استوقفته خلود بالتعلق في ذراعه وكأن صاعقة من السماء لامسته انتفض مخلصا ذراعه على الفور من قبضتها ومنحها نظرة صارمة محذرة ومع هذا النفور الواضح على محياه إلا أنها ابتسمت مقترحة عليه في نبرة ناعمة متدللة
أنا هاروح للدكتور بكرة ما تيجي معايا عشان نطمن على ابننا وتشوفه في السونار إيه رأيك
أجابها ببرود وكأن الأمر لا يعنيه حقا
مش فاضي ..
ثم أشار بيده بإشارة خاطفة نحو والدته متابعا حديثه
خالتك موجودة هاتبقى تروح معاكي وتحكيلي.
عاتبته والدته بشدة وقد انقلبت تعبيرات وجهها للعبوس
وما تروحش إنت ليه
لم يكلف نفسه عناء الرد عليها غير مبال بضيقها فصاحت به بحدة
رد يا تميم.
تحرك صوب الباب ملقيا خلف ظهره كل ما لا يرغب في سماعه وعلق بسماجة مهينة
ماتنسيش تقفلي الباب بالترباس لما الضيفة تمشي سلام يامه.
ضړبة موجعة تلقتها خلود في قلبها بعد جملته تلك هو يعدها غريبة عنه ويتعامل معها في أضيق الحدود حتى جنينه الذي ينمو في أحشائه لم يهتم لأمره ولهذا أدركت جديا أن مسألة استعادته ليست بالهينة أبدا لم تستطع التحكم أكثر من ذلك في ضبط غيظها فاڼفجرت في ونيسة تشهدها
شوفتي بعينك يا خالتي وأنا مكالمتش أهوو بأتهان وساكتة ويا ريت بعد ده كله عاجب!!
ربتت الأخيرة على ظهرها في أسف واعتذرت منها بوجهها الممتقع
معلش يا بنتي أنا مش عارفة أقولك إيه بس
نكست رأسها في حزن وهمهمت بتنهيدة بطيئة منكسرة
الحمدلله على كل حال.
لمعت عينا ونيسة بدمعاتها المتحسرة وقالت بشفاه مقلوبة
ربنا يسامحك يا تميم ولا كنت أتخيل إنك تعمل كده في اللي من دمك منه لله اللي شقلب كيانك.
تركت خلود تلك العبرة الزائفة تنساب من طرفها وفركت عينيها بقوة لتزيد من التهابهما ثم توسلتها بصوت بدا يائسا للغاية
اللي حصل محدش كان عارف النصيب هيودي لفين...
ما لبث
أن أخفضت نبرتها قليلا لتتابع بمكر
بس طول ما إنتي في صفي.. جايز الحال يتعدل ويرجعني برضوه إنتي أمه وكلامك هيمشي عليه في النهاية.
قست نظرات ونيسة وهتفت تؤيدها دون تفكير
هيحصل يا بنتي أنا مايرضنيش الظلم ولا الافتراء.
..............................................................
أنهت مكالمة سريعة مع ابنتها لتعرف منها تفاصيل لقائها المدبر مع طليقها السابق عل أواصر الود تعود بينهما لكنها كالعادة باءت بالفشل ولم تتوقع بثينة غير ذلك انعكس حقدها الداخلي على ملامح وجهها وهمست لها بصوت خفيض كمن يملي عليها البديل لخطتها غير الناجحة
اسمعي اللي هاقولك عليه ونفذيه بالحرف الواحد.
جاءها صوتها المخټنق تستحثها على النطق بنبرة مليئة بالإحباط
قولي يامه.
وضعت يدها أمام فمها لتخفي حركة شفتيها وهي تقول
هاتروحي لخالتك وتقوليلها الواد هيثم ماسك في أمي ومش عايزها تروح بالليل وإنتي هتاخدي تاكسي وترجعي البيت.
تساءلت خلود في تردد حائر
وأنا هاعمل كده
ڼهرتها أمها بغيظ ولكن بصوت خاڤت ومن بين أسنانها المضغوطة
لأ يا غبية دي كلمة تقوليها لخالتك تضحكي بها عليها المهم بقى قبل البؤين دول أعملي نفسك مش قادرة.
أعادت صياغة السؤال عليها لتتأكد من فهمها لما أملته عليها من تعليمات
دايخة يعني ومش قادرة
ردت بزفير بطيء
أيوه وطبعا لأن الوقت اتأخر هتباتي عند خالتك..
ماشي.
ضاقت عينا بثينة وتبدلت نبرتها للمكر حين أوصتها
المهم بقى تلازميها طول الليل وزني على ودنها أختي طيبة وعلى نيتها هتصدقك على طول والمثل بيقولك الزن على الودان أمر من السحر.
عقبت عليها ابنتها دون نقاش
حاضر.
غمغمت بعدها والدتها في نقم
إياكش يفلح ده كله في النهاية.
ردت عليها ابنتها بيأس لم تكابر في إخفائه
يا رب.
رفعت بثينة أنظارها للأعلى لتلمح ابنها قادما في اتجاهها على الفور أنهت معها حديثها قائلة
سلام بقى عشان أخوكي جاي.
ودون أن تنتظر ردها من الجهة الأخرى أغلقت زر الاتصال وأعادت وضع الهاتف في حجرها. دنا هيثم منها متسائلا وهو يمشط شعره الرطب بيده
ها يامه هنزل أوصلك البيت
استراحت باسترخاء في الأريكة وأجابته بابتسامة ملتوية في خبث
لأ يا عين أمك أنا بايتة معاك النهاردة.
وجوم مندهش حط على تعابيره وهتف مصډوما
نعم بايتة عندي
هزت رأسها بإيماءة مؤكدة وبين شفتيها تتراقص ابتسامتها اللئيمة
أه ياخويا ولا المحروسة عندها مانع
تجاهل جملتها تلك ليسألها مستوضحا
ليه مش هتروحي مع خلود
تغنجت بجسدها الممتلئ بحركة ساخرة وهي ترد
خالتك ماسكة فيها وحلفانة ما تسيبها إيه عايزني أكسر بخاطر أختي
لوى ثغره مدمدما بخفوت وبتذمر منزعج
طب ليه العكننة دي!
ركزت بثينة عينيها الحادتين عليه وسألته في استمتاع مستفز
بتبرطم بإيه سمعني
لوح بيده نافيا بوجه مكفهر
مافيش..
ثم لعق شفتيه متابعا
هاقول ل همسة إنك قاعدة معانا.
أشارت له بسبابتها تحذره
اعمل حسابك أنا مش ببات في سراير المساخيط دول.
لم يفهم ما الذي ترمي إليه فسألها بتلقائية
يعني إيه مش فاهمك إيه المساخيط دول
أجابت بهزة ساخرة من جسدها
يعني أوضة العيال اللي مالهاش لازمة دي...
ثم قست نظراتها وهي تكمل بطريقتها المسيطرة الباعثة على الضيق
الدلعدي مراتك تنام فيها أنا يا حبيبي هنام في أوضتك وعلى السرير الكبير كمان ماشي يا خويا
هتف محتجا بغيظ
ليه يامه بس ده السراير مريحة والأوضة كويسة.
ردت باعتراض ساخط
مريحة دي أد كده ماتكفنيش.
اقترب منها ومال نحوها هامسا برجاء
ماينفعش يامه أنا وهمسة لسه عرسان جداد ومايصحش يعني في أول جوازنا حد يقعد معانا
رفعت يدها أمام جبينها لتصيح به بنظراتها المتنمرة
وأنا مش أي حد يا عين أمك.
صحح لها بمزيد من الرجاء
مقصدش بس عشان نبقى على راحتنا كده.
أخفضت بثينة يدها ووضعت إصبعيها أسفل ذقنها ثم علقت بأسلوبها الساخط
أدي دقني إن شوفتوا خلفة دي واحدة مقطوع أملها مالهاش لازمة تنام جمبها أصلا.
كانت كلماتها كالسهام
القاټلة جعلت ملامحه تزداد تقلصا لم يستلذ أبدا تطرقها لهذه المسألة الحرجة تحديدا ووبخها بقليل من الحدة
لا إله إلا الله لازمته إيه الكلام ده يامه هنعيده تاني وإنتي ډخلتي في علم الغيب
ردت ببرود وتعابير قاسېة
ده كلام الدكاترة يا روح الروح.
همهم بسبة خاڤتة لم تسمعها بوضوح وبنفس لهجتها الباردة أمرته مشيرة بعينيها
نادي عليها خليني أشوف حاجة من عندها جديدة ألبسها.
هلل في تشنج
كمان
ردت مستفزة إياه بطريقتها الفجة
أه أومال عايزني أنام بهدومي دي ولا مستخسرين فيا حتة بيجامة أقضي بيها الليلة دي تلاقيها جيباها من سوق البالة!
ضړب هيثم كفه بالآخر وقد تدلى كتفاه في انهزام ليغمغم بعدها بزفير ممتعض بائس
كده إنتي ناوية على خړاب بيتي أنا كمان.
هدرت به بسماجة
يالا اتنحرر شوية الهدوم طابقة على مراوحي.
أولاها ظهره لكنه رفع عينيه للسماء وظل يردد بين جنبات نفسه في ضيق مبرر
يا رب إنت شايف وعارف.
...............................................................
بكلمات ملطفة وعبارات استهلالية لبقة حاول هيثم أن يخبر زوجته ببقاء والدته في منزلهما الليلة للمبيت فيه معهما بالإضافة لطلبه استعارة إحدى ثياب نومها الجديدة لارتدائها بدلا من عباءتها ورغم الانزعاج الظاهر على تعابير همسة بسبب معاملتها الجافة والمتحفظة معها إلا أنها وافقت على رجاواته. مسح الأول على جانب ذراعها صعودا وهبوطا وبرفق لطيف معتذرا منها
أنا أسف يا هموس المفروض مايحصلش كده بس أنا والله محروج منك.
ابتسمت قائلة في تفهم مهذب
مافيش مشكلة يا حبيبي..
ثم أضافت بعد صمت لحظي
طالما على أد الليلادي وخلاص.
تقوست شفتاه معقبا في غموض
يا ريت تكون كده!
اتسعت عيناها متسائلة في توتر
هي ممكن تقعد أكتر من كده
جاوبها بهدوء حذر
الله أعلم محدش عارف أمي بتخطط لإيه..
تطلعت له بغرابة خاصة حين أكمل مفصحا عما يدور في خلده
بس وجودها مش مريحني.
كان محقا في توجسه منها وشاركته زوجته الرأي فوالدته ليست بالشخصية السمحة لينة المعشر لكنها أبعد ما يكون عن الحماة الوديعة أو الودودة. لفظت همسة الهواء على مهل لتضيف بعدها بانزعاج كسا قسماتها
ربنا يستر.
.................................................................
لا يمكن أن يعترف أبدا أن ما قذفت به ابنة أخيه مجالا للنقاش أو التهاون فيه لقد أساءت إليه شخصيا بقولها أنها فرطت في عفتها وتخشى اكتشاف أمرها. اختفت ملامح الطيبة من على وجه اسماعيل وغلف نظراته ۏحشية شرسة رفض رحيل خليل أو انصراف زوجته بعد صرف فيروزة ليبقى كلاهما لسماع كلمته الأخيرة فيما يخص شأنها. ضړب بعكازه أرضية الغرفة فانتفضت سعاد على إثر خشونته بلعت ريقها في حلقها الذي اكتسب مرارة لاذعة وركزت نظرها معه عندما استطرد ناطقا
إنتي اټجننتي يا حمدية سامعة نفسك
تجمدت في مكانها من هيئته المرعبة وتلك الجراءة التي تملكتها من قبل فرت أمام قوته لطالما كان له الأثر في نفسها أرادته لها أو على أسوأ تقدير أن يماثله زوجها لكن لحسرتها كان أبعد ما يكون عنه. انتزعها من شرودها السريع واهتزت مع قوة كلماته المدافعة عن فيروزة
بنت أخويا أشرف من الشرف!
ثم تحولت نظراته القاتمة نحو خليل لېعنفه بحدته الشديدة
إزاي تسمح لمراتك تكلم عن لحمنا كده مين دي أصلا في الحريم عشان تتجرأ وتقول الكلام