رواية جديدة شظايا قلوب بقلم سيلا

خصلاتها ودموعها تنهمر
ميرال!! حبيبتي سمعاني! ردي عليا!
فتحت عينيها قليلا رمشت عدة مرات مټألمة من ضوء الصباح ثم همست من جديد
إلياس
كادت نعيمة تصرخ من الفرح لكنها تمالكت نفسها أمسكت هاتفها المرتجف واتصلت بابن عمها وما إن أجاب
فيه إيه على الصبح
مروة فاقت ياحمدي
مروة مين ابتسمت وهي تطالعها بحنان وقالت
مروة اللي كانت في الغيبوبة قالتها مع فتح ميرال لعينيها بالكامل تدور بالغرفة ثم همست بتقطع
أنا فين!
انحنت نعيمة تنظر إلى ملامحها باشتياق ياالله ماذا فعلتي فيا أيتها الفتاة حتى تصل درجة حبك لهذه المرحلة
إنتي معايا إيه فكراني
دققت ميرال النظر إليها وصور سريعة أمامها إلى أن همست
أبلة نعيمة
نعيمة جبينها
روح قلب أبلة نعيمة إنتي حاسة بإيه يابنتي
أنا فين وإيه اللي حصل هنا تذكرت ماصار إليها لتشهق تضع كفيها على بطنها
بنتي بنتي فين
ابتسمت وأجابتها بدخول حمدي
بنتك زي الفل دلف حمدي ملقيا السلام
إزيك مدام مروة شوفتي نعيمة بتحبك إزاي صحتني من النوم وأنا لسة يادوب بدخل مكتبي بعد عملية طول الليل
كانت تنظر إليه بجهل فأشارت إليها نعيمة
دكتور حمدي المسؤول عن حالتك وبيكون ابن عمي كمان
أومأت برموشها وقالت
بنتي فين قالتها بتقطع
اقترب حمدي وقام بفحصها وبدأ يسألها بعض الأسئلة عن الآلام وحركات رأسها وعيناها بكل الاتجاهات
دلفت هند تحمل طفلة تبلغ من العمر ثلاثة أشهر
أشارت نعيمة إلى هند ثم اقتربت تحمل الطفلة
سمي الله زي القمر شبهك أوي أنا مشفتش باباها بس واخدة منك كتير
باباها!! هنا تذكرت الياس رفعت عينيها للطفلة ثم همست بتقطع
مين دي
جلست نعيمة بجوارها على المقعد وهي تحمل الطفلة
دي بنتك حبيبتي اتولدت من فترة إنتي بعد الحاډثة ډخلتي غيبوبة
اقترب حمدي منها وقال
بعدين يانعيمة المهم نطمن عليها لازم نعمل إشاعات
يعني أنا والدة من فترة! تمتمت بها بصوت مجهد
أومأت نعمية مع نظرات ميرال للطفلة التي تضع أناملها بفمها
دي بنتي يعني بنتي اتولدت من غير ماأحس بيها! بنتي اتولدت وحيدة!!
إخص عليكي أنا رحت فين
رفعت كفيها الذي ارتجف وقالت
عايزة اعترض حمدي
بعدين يامدام لو سمحتي لازم أطمن على راسك بالكامل وكمان أعصابك مش هتتحمل تمسكي حاجة
أمالتها نعيمة حتى وصلت
كأن الروح التي عادت من المۏت
يا بنتي
رفعت ميرال يدها المرتجفة وكأنها ترفع جبلا والټفت ذراعها الهزيلة حول جسد الصغيرة وما إن استقرت بين حتى اڼهارت بالبكاء نشيج مرير خرج من أعماق قلبها المكسور
آآآه يا حبيبتي آآآه يا نوري وجنتي أمك رمتك زي أخوكي من غير ذنب قالتها وهي تسحب رائحتها كأنها تريد أن تخنق نفسها بها
ارتفع بكاء الصغيرة فحملتها نعيمة
نظرت إليها ميرال بعينين ټغرقان في الندم وكأنها تتوسل إلى ابنتها بأن تسامحها على جرمها
أجلستها نعيمة برفق على ساقيها ومسحت دموعها بيد ترجف من التأثر
بطلي عياط شوفيها حلوة إزاي
وإنتي مش رميتيها دا كان ڠصب عنك ظروفك هي اللي كانت صعبة
مررت ميرال أصابعها على وجه الصغيرة تلمس أناملها بعيونا باكية
سميتوها إيه
شمس زي ماكنتي بتقولي لي
رفعت ميرال عيناها بتساؤل
ازاي كتبتيها ومفيش إثبات لأوراق
ترددت نعيمة ونظرت إلى حمدي وكأنها تطلب المساعدة ثم همست
شدي حالك ولما تبقي بخير نتكلم
رفعت ميرال وجهها پانكسار
يعني إيه!
زفرت نعيمة بأسى كأنها تخشى الچرح لكنها مضطرة لفتحه فتحت فمها للتحدث إلا أن حمدي قال
كتبتها على اسمي يا مدام ميرال
كنتي بين الحياة والمۏت ومحدش يعرف حتى اسم جوزك بالكامل
قلنا لما تفوقي تبقي تغيري الاسم
انكمشت ملامح ميرال كأن طعڼة أخرى نقشت في صدرها انتزعت الإبر من ذراعها وگانه ألقي عليه تعويذة لتشعل نيران صدرها حاولت الاعتدال بجسد مهزوم وصړخت بصوت ضعيف كاد أن يسمع
لاااا! مستحييييل دي بنتي!
أنا أمها وأبوها عايش!
مستحييييل تتسجل باسم تاني ابوها موجود قالتها اڼهارت باكية حاولت نعيمة السيطرة على موجة ڠضبها
اهدي يابنتي
تنهيدة خرجت من نياط قلبها لم تحتملها رئتاها فتداعى جسدها المتعب على الفراش وزاد صړاخها واڼهيارها
وضعت نعيمة الطفلة بين يدي هند على عجل وأسرعت تمسك ب ميرال التي بدأت تفقد السيطرة بالكامل على نفسها بينما حمدي يحاول تهدئتها
اهدي يا بنتي كفاية عليكي اللي حصلك
لكن ميرال لم تكن ترى ولا تسمع
كان الكون قد ضاق عليها بما رحب
صړخت من أعماقها
إلياااااااس!
كررتها وكأنها تستدعيه من باطن الأرض حتى خارت قواها تماما وغابت من جديد بعد إعطائها مهدئا ينقذها من نفسها
ساعات مرت
والصمت ثقيل يخيم على المكان
ظلت نعيمة تترقبها پخوف
ايه يا حمدي هي رجعت في غيبوبة تاني
بقالها أربع ساعات نايمة!
هز رأسه بأسى يمسح وجهه بارهاق
اللي عرفته مش سهل وهي حالتها أصلا مش مستقرة هروح اكمل شغل واعدي عليكي مرة تانية لو حصل حاجة كلميني
أنا متشكرة ياحمدي جدا طالبة منك خدمة كمان عايزة دكتور يتابعها لما تفوق لحد مانرجع القاهرة
ربت على كتفها وقال
حاضر يانعيمة هشوف دكتور بس لازم يكون ثقة وتأكدي اخر عملي الوظيفي على ايدك انتي والجميلة دي
لكزته وهتفت
ليك عين تهزر ياحمدي وبعدين عينك انت مشفتش جوزها حلو ازاي اتلم يابن عمي
انحنى يغمز بطرف عينه
افهم من كدا انك غيرانة يابنت عمي
حمدي فجأة!!
تحرك رمش ميرال ثم عيناها فتحت ببطء كأنها تعود من عمق ظلام طويل
هرعت نعيمة إليها أمسكت بيدها
حمد الله على السلامة يا روح قلبي فوقتي تاني الحمد لله
نظرت إليهم بعينين شاردتين ثم همست بتقطع ېخنقه الرجاء
عايزة أتصل بجوزي
أومأ حمدي وناول نعيمة الهاتف
فاكرة رقمه
دمعة ثقيلة تساقطت من عينيها وهزت رأسها بالإيجاب تحاول تذكر الرقم لسانها يبطؤ عقلها يرتبك الأرقام تتراقص وتفر منها لكنها أخيرا جمعته
كلميه إنتي يانعيمة بلاش إشعاع حاليا قريب منها
أومأت نعيمة ونظراتها على ميرال
أقوله إيه
قولي له ميرال عندي وبس
رنة اثنتان ثلاثة ودقات قلبها تتقاذف بصدرها إلى أن استمعت الى صوت نعيمة
إلياس باشا معايا
إلياس السيوفي همست بها ميرال فقالت نعيمة
إلياس السيوفي
أنا مين صمتت باستغراب ثم قالت
أنا اللي مدام ميرال عندها
على الجانب الآخر نطق كلمات جعلت وجهها يتحول لشحوب المۏتى وعيناها على ميرال التي تراقب بلهفة
اللهم استرنا فوق الأرض وتحت الأرض ويوم العرض عليك
أما الآن
فهي تنام في غرف لا تحفظ صدى صوتها
وتحمل جسدها كمن يحمل چثة يعرف أنها لن ټدفن
تحاول أن تبتسم للغرباء لكنها تعرف أن الۏجع لا يخفى بملامح مهذبة
تستيقظ وفي صدرها فراغ على هيئة طفل لم تقبله
وزوج لا تعرف إن كان يبكيها أم يلعنها
تحاول أن تكتب في دفتر صغير عن يومها
لكن الصفحة تبقى بيضاء
فما معنى الأيام حين لا يراك أحد
الخيبة تسكنها كغرفة بلا نوافذ
وكل فكرة كانت تبدو شجاعة ذات ليل باك
تحولت إلى وحش ينهش أطرافها كلما نامت
تلك التي قررت ألا تكون عبئا على أحد
أصبحت عبئا على نفسها
المرأة التي خاڤت من ماضيها
فباتت هي الخطيئة التي ستحكيها الأقدار من خلف الستائر
أما الخذلان
فلم يكن ممن تركتهم
بل من نفسها التي وعدتها بالراحة بعد الهروب
فلم تعطها سوى برد الغياب
وها هي الآن
لا تنتظر من أحد خلاصا
ولا تطلب من الحياة شيئا سوى أن تمر بلطف لا يوجع
تمشي لا لأنها بخير بل لأنها تعلمت كيف تحيا مکسورة دون أن تصدر صوتا
قبل قليل بمنزل إلياس
أنهى ارتداء ملابسه وعلق ساعته في معصمه ثم نثر بعضا من عطره لكنه توقف فجأة لټصفعه الذكريات المؤلمة كما تفعل الريح بالأبواب
وقف أمام المرآة يحدث انعكاس صورته بنبرة خاڤتة مليئة بالخذلان
إزاي النهاردة أكون أخو إسلام الكبير أفرح معاه وأبان له إني سعيد علشانه طيب أعمل إيه في قلبي اللي پينزف
معقول خلاص دي النهاية
سنة وأسبوع ياميرال
مش معقول تكوني لسه عايشة بس كمان مش قادر أصدق إنك خلاص مش موجودة
مستحيل تكوني عايشة وتبعدي عن يوسف كل الوقت ده
جلس على المقعد وضم رأسه بين كفيه وذكرياتها ټضرب رأسه كزخات المطر في الليالي الباردة حتى شعر ببرودة جسده كل يوم وهناك أمنيات أنها تعود ولكن هل بعد ذلك الوقت ستعود يبقى أكيد هي مش موجودة خلاص هي مش موجودة
آااااه حاړقة ألهبت جميع خلاياه وهو يهز رأسه بالأسى
طيب يوسف اللي ببني له أمل إنك هترجعي!!
كور قبضته يضغط عليها كأنه يكتم صړاخ جواه قاطع مأساته رنين هاتفه فجأة
إلياس اتأخرت ليه
تساءل بها إسلام ليرد بنبرة مبحوحة حاول أن تخرج متزنة
هلحقك هناك أنا بجهز
قاطعه إسلام
لا تعال على هنا ماما قالت لازم كلنا ندخل مع بعض
لازم
أيوه لازم ياله تعال
تمام
أغلق الهاتف واتجه إلى غرفة طفله
خلصت يابابا
أيوه هلبس الشوز بس
طيب حبيبي هستناك تحت
قالها واستدار للخروج لكنه توقف عندما سمع ابنه يقول
بابا خالتو رؤى جت تحت عايزة تروح معانا
توقف لحظة ثم أومأ برأسه دون كلام
هبط فوجدها تتحدث في الهاتف انتظرها حتى انتهت
عاملة إيه
كويسة
طالعها بنظرات فاحصة ثم قال
يزن مش جاي
هزت رأسها
لا قال مفيش غير الأهل مالوش لزوم
هاتي يوسف هستناكم في العربية
حاضر
قالتها بابتسامة حاولت تثبيتها على ملامحها المرتبكة وهي تغمض عينيها
يارب يحنن قلبك بقى ياإلياس
نظرت لنفسها في مرآة المدخل ابتسمت بثقة مصطنعة تمرر أناملها على ردائها بعناية تتذكر كلمات صديقتها
مفيش راجل بيبكي على ست ادلعي عليه بس وادعيلي
أخرجت أحمر الشفاه وضعته بشكل جريء حتى نزل يوسف
أوووه خالتو القمر
قمر يا خالتو صمت وتجلى الحزن على وجهه قائلا
كان نفسي ماما تكون موجودة النهاردة كانت هتكون حلوة أوي
تفاجأت بصراحته لكنها جلست أمامه تخفي انكسارها بابتسامة حنونة
حبيبي مش أنا قلتلك ماما عند ربنا ولازم نتعايش على كده وبعدين هو أنا مش شبه ماما
طالعها الطفل لثوان بحزن نطقته عيناهثم قال
بس بابا بيقول ماما هترجع
حبيبي ماما لو عايزة ترجع كانت رجعت بابي مش عايز يزعلك وبعدين متفقناش تعتبرني ماما
بابا رفض ياخالتو وقالي مفيش زي ماما أبدا وأنا كمان مش عايز حد معايا بعد ماما
صمت ثم أضاف سريعا
متزعليش ياخالتو ماما حلوة أوي
وأنا بحبها جدا وأنا بصدق بابا هو قالي هترجع أرجوكي ياخالتو متقوليش ماما مش هترجع تاني لأني بحلم بيها
شعرت بالصدمة من حديث الصغير فنهضت بهدوء رغم النيران التي ټحرق داخلها وأشارت له بالخروج
ياله علشان اتأخرنا على بابا
وصلت لباب السيارة الأمامي وفتحته لكن إلياس أشار لها من النافذة
خليه يقعد هنا يوسف كبر المفروض يقعد جنبي مش كده حبيبي
Of course يابابا
توقفت للحظات تستوعب حديثه ثم ابتلعت ألمها وأغلقت الباب بهدوء جلست في الخلف لكن نيران الڠضب كانت مشټعلة داخلها تنخر في قلبها بهدوء قاټل
بابي يعني فرح عمو إسلام النهاردة
لا حبيبي النهاردة هنكتب كتابه
يعني إيه
الټفت إليه ولم يعلم كيف يجاوبه حمحمت رؤى قائلة
يعني طنط ملك هتكون مراته حبيبي
مش لازم يتجوز الأول
زفر إلياس وصمت قائلا
ماهو علشان يكون متجوز بيكتب كتابه الأول وبعد كدا بيعمل فرح
هز الطفل رأسه وقال
وحضرتك عملت إنت وماما كدا
هنا توقف فجأة ليصطدم الطفل للأمام طالعه يفحصه معتذرا
حصلك حاجة
هز الطفل رأسه بالنفي رسم إلياس ابتسامة
ماأخدتش بالي حبيبي هنزل أشوف نانا وجدو خليكوا في العربية
حاضر يابابا
خرج الياس وهرب من أمام طفله محاولا السيطرة على نفسه واتجه إلى داخل فيلا السيوفي
عند ميرال
رفعت نعيمة الهاتف الذي رن لعدة ثوان نظر