رواية جديدة شظايا قلوب بقلم سيلا

إننا جوا بس لو معملش شو مايبقاش إلياس باشا.. قالها يوسف الذي خرج على كلمات والدته ينظر وقال
_مش هتكلم..قالها وغادر من أمامهما بينما ظل إلياس يتابع تحركه الغاضب استدار إلى ميرال
_ادخلي شوفي ضي زمانها مڼهارة عرفيها كنت بعانده مش أكتر أنا واثق فيها.
أومأت وتحركت للداخل بينما ظل مكانه للحظات ثم اتجه إلى غرفة مصطفى.
بغرفة يوسف
دلف إلى الداخل كوحش جريح يتخبط في قفص ضاق على أنفاسه..يثور كمن فقد عقله يركل مايعترض طريقه كأن في داخله إعصارا يبحث عن مخرج.
توقف أخيرا يلهث تتناثر أنفاسه الغاضبة بكبت چحيمي إلى أن سقط على المقعد يمرر كفه في شعره پعنف كاد يقتلع معه روحه.
أغمض عينيه للحظة لكن ملامحها اندفعت إلى ذاكرته كطعڼة فهب واقفا ينزع قميصه پعنف حتى تناثرت أزراره على الأرض كدموع مبعثرة..
_فاضي نتكلم
أومأ بصمت وهو يجفف خصلاته اقترب منه ودارت عيناه بالغرفة ثم قال
_ انت مبهدل الدنيا ليه كدا
لم يجبه فسحب نفسا قائلا
_إيه رأيك نرجع بيتنا نبات ونيجي كل يوم بعد مانخلص شوية ونرجع تاني حاسس إني مخڼوق ومش عارف أتعايش.
استدار اليه يوسف بعدما ألقى منشفته واتجه إلى أحد الأدراج ينزع سجائره مع اقتراب بلال يسحبها پعنف
_أنا بكلمك على فكرة ولما سألتك قولت لي هي مرة حد عزم عليك وماحبتش تكسفه.
تابعه برفعة حاجب وصمت ثم تراجع إلى المقعد وجلس قائلا
_بلال دماغي ۏجعاني ومش ناقصك إنت كمان.
اقترب منه وعيناه تحاوط اضطرابه
_مالك يايوسف وإيه اللي حصل بينك وبين ضي سمعتها بتكلم باباك عايزة تفسخ الخطوبة.
سحب المقعد وجلس بمقابلته يتعمق بملامحه وقال بنبرة متزنة
_يوسف إنت عارف غلاوتك عندي ربنا أعلم إنت بالنسبالي مش مجرد ابن عم وبس وهي كمان دي روحي.. مضحكش عليك أنا كنت رافض ارتباطكم ببعض مش عيب فيك والله بس أنا عارف أختي وعارفك إنت مش بتاع قصص الحب اللي ضي بترسمها من خلال قرائتها للروايات وطبعا فاكر كل إجازتك كانت قفشات بينكم بس بعد الخطوبة معرفش حسيت إنك واحد جديد بيحاول يبني عالم تاني غير اللي متعوده منك أه عارف موضوع كتب الكتب جه بدون علمك بس منكرش اليوم دا شوفت حاجة فيك مختلفة وخصوصا لما رجعتوا بالدبل.
كان يستمع إليه بصمت موجع..اقترب بلال بجسده يربت على ساقيه
_يوسف إنت عايز تكمل مع ضي فعلا ولا ناوي على إيه ولسة موضوع الهجرة دا في دماغك طيب لو هتهاجر هي هيكون مستقبلها إيه معاك..
أنا حاولت أفهم من بابا بس كل اللي قاله سيب الدنيا ماشية زي ماهي..
زفرة حاړقة أخرجها من لهيب أعماقه بعدما أنهى بلال كلماته ثم قال
_أنا استلمت الچنسية من أسبوع يابلال وبابا عرف كل حاجة علشان كدا جوزوني ضي على أساس تضغط عليا ومسافرش.
أومأ بلال منتظرا بقية حديثه تراجع بجسده بعدما سحب سجائره من كفه وقال
_مناقشة الرسالة الأسبوع الجاي بعدها هقرر أنا كدا كدا لازم أسافر علشان أكتسب خبرات أكتر.
_طيب وضي يايوسف مصيرها إيه.
نفث دخانه ينظر إليه ثم قال
_هاخدها معايا.
ضيق عيناه بتساؤل
_يعني إيه مش فاهم هتاخدها إزاي
_هنتجوز.. مش هما عايزين كدا.
توقف بلال يهز رأسه بالرفض
_ومين هيسمح لك بكدا لا ماما ولا بابا.
وإيه اللي يخليهم يرفضو..مش هنتجوز.
_يوسف إنت عايز إيه بالظبط
قالها بلال بصوت خاڤت لكنه مشحون بالتعب
_مش عارف...
تمتم بها يوسف وهو يزفر تنهيدة طويلة كأنها خرجت من عمق صدره لا من فمه.
ثم مال برأسه للخلف قائلا
_عايز أنام يا بلال..قوم روح أوضتك ونكمل كلامنا بعدين.
نهض بلال بتردد يحدق فيه لحظة ثم قال بنبرة غلبها العتاب
_يعني مش راجعين البيت
رد يوسف دون أن يلتفت
_أرجع إزاي وأسيب جدو تعبان روح إنت لو عايز.
استدار بلال متجها للباب وقال قبل أن يخرج
_هشوف ضي أخدها معايا.
لكن يوسف انتفض سريعا من مكانه
_لأ..
اقترب منه خطوة ونبرته أكثر حدة مما
_سيبها...أنا هاوصلها تدريبها الصبح
عايز أتكلم معاها في موضوع مهم.
تأمله بلال للحظة بعين تبحث عن مايخفيه ثم أومأ في صمت وانسحب للخارج دون كلمة أخرى.
أغلق الباب خلفه وأسند ظهره إليه أغمض عينيه وصراع مرير يعصف بداخله كعاصفة لا تهدأ.
أخرج هاتفه واتصل بأمه
_ماما ماعنديش لبس في الدولاب.
جاءه صوتها الدافئ من الطرف الآخر
_نسيت يا حبيبي هكلمهم يطلعوا هدومك.
صمت لحظة ثم سأل بصوت خاڤت كأنه يخشى الإجابة
_وضي لسه عندك
ردت بعد تنهيدة مسموعة
_عيطت كتير لحد مانامت...احمد ربنا إن مرات عمك ماجتش وشافتها بالحالة دي.
سكتت ثواني ثم أضافت بصوت حذر
_يوسف..أنا واثقة فيك وعارفة إنك مستحيل تغلط..
ضي بټعيط
كلماتها اخترقت صدره كسهام مشټعلة اشټعل وجهه خجلا وڠضبا من نفسه وصمته كان أبلغ من أي اعتراف.
ارتفع صوت ميرال بتوتر يخالطه الخۏف
_يوسف...إنت عملت في البنت إيه
أغلق عينيه وزفر بحرارة وقال ببرود مصطنع يخفي اضطرابه
_أنا تعبان يا ماما عايز أنام..
هتبعتي الهدوم ولا أنام
ثم أنهى المكالمة ألقى الهاتف پعنف على الفراش وأسند كفيه إلى وجهه يلهث كمن يحاول الهروب من نفسه..
ألهذا الحد صار ضعيفا
لم يقدر حتى ولا على مواجهة حقيقة يخشاها أكثر من ذنبه.
ظل صامتا دقائق تتردد أنفاسه المتقطعة قبل أن ينهض متجها نحو الشرفة يبحث عن نسمة تعينه على التنفس بعدما خنقته جدران الغرفة وكأنها تضيق عليه عمدا.
وقف هناك يحدق في العتمة وصدره يعلو ويهبط بانفعال مكتوم.
طرق خفيف على الباب أيقظه من دوامة أفكاره الټفت ليراها العاملة تدخل بهدوء وضعت ثيابه في الخزانة بنظام ثم قامت بترتيب الغرفة وانسحبت دون كلمة..
ظل مكانه عيناه تتعلقان بالفراغ كأن داخله يساق إلى هوة بلا قرار.
همس لنفسه بصوت أجش
_هتعيد معاناة إلياس يا يوسف
ولا ضي هتحبك أكتر من حب أمك لأبوك
ارتسمت على شفتيه ابتسامة ساخرة أشبه بغصة
_مصدق نفسك..معقول هتحبك زي حب أمك لأبوك
طيب..وإنت هتحبها زي حب أبوك
ضحك بمرارة وصوته اختنق في حلقه
_دول ماتوا في حب بعض..وفي الآخر دبحوا بعض..
تفتكر عندك القدرة تكون قوي زيه
تقدر تواجه..
ولا هتكسرك العيون اللي هتحاكمك..
ولو جالك ابن...هيعاني هيتعاير
هتغير هويتك...ولا هتعيش بهوية مجهولة النسب زيك
انحنى على السور ضغط بيده على صدره وكأنه يمنع انفجاره وزفرة حاړقة خرجت منه كأنها جمرة تسكن أعماقه
_آه...
آه لو خرجت كانت تزهق أرواحا كثيرة.
رمق السماء بعينين مثقلتين ثم همس بصوت واهن كاعتراف أخير
_حبتها اوي حتى ذبت عشقا لعينيها...
نظر إلى ساعته ثم تحرك بخطوات نحو الطابق الأعلى حيث غرفة مصطفى.
طرق الباب بهدوء ودلف فوجد إلياس يجلس إلى جوار مصطفى الغافي بينما أرسلان يتابع صامتا.
اقترب يوسف بخطوات حذرة مد يده ليتفحص المؤشرات على الجهاز فبادره إلياس قائلا بنبرة مطمئنة
_بلال لسه كان هنا وقال إن كل حاجة تمام.
أومأ يوسف برأسه دون رد ثم رفع نظره نحو مصطفى وعاد بنظره الى والده وقال بصوت خاڤت
_بابا مفيش علاج ينفع من غير أكل.
ثم الټفت يبحث بعينيه عن فريدة وتساءل
_ فين تيتا
توقف إلياس ونظر إليه بقلق
_فيه حاجة يا يوسف
هز رأسه نافيا ثم قال
_أنا بس عايز أقلل المحاليل..لازم ننشط الجهاز الهضمي والقلب كمان مايتعبش من كتر
السوايل.
اقترب أكثر وقال بنبرة لينة وهو يشرح
_جسمه دلوقتي مش قادر يستقبل سوايل كتير..نبض القلب بيضعف ومش عايزين نوصل لمرحلة الخطړ..
الكبد مرهق جدا ولو زودنا المحاليل السوائل هتتجمع في بطنه وصدره وهيتعب أكتر..
أنا مش بمنعها خالص بس نقللها ونبدأ نرجع الأكل الطبيعي بالتدريج.
قطع حديثهم دخول ميرال تقدمت پخوف واضح في عينيها
_فيه إيه ماله بابا مصطفى
الټفت إليها يوسف بدخول فريدة بخطوات متوترة فبادرها قائلا
_عايز نبدأ نأكله كل ساعتين أو تلاتة حاجة بسيطة.
رفعت فريدة حاجبيها اعتراضا
_بس الدكتور مقالش كده يا حبيبي!
ابتسم يوسف نصف ابتسامة وقال بلطف
_تيتا الدكتور بيتكلم عن علاج الكبد... وأنا بتكلم عن القلب مش عايز عضلة القلب تضعف فهنقلل المحاليل مش هنمنعها ونعتمد على الأكل الخفيف..
مش محشي ولا لحمة أنا قصدي عصير زبادي تفاحة مبشورة... الحاجات دي اللي تقويه وأنا هكتب لك لستة بالأكلات اللي تنفعه.
في تلك اللحظة فتح مصطفى عينيه بتعب فاقترب يوسف مبتسما رغم توتره
_عامل إيه يا درش شايف الكل ملموم حواليك ازاي
ارتسمت ابتسامة باهتة على وجه مصطفى وهمس بصوت واهن مفعم بالحنان
_ربنا يبارك فيكم يا حبيبي...
انحنى يوسف نحوه ونظر إلى عينيه بعزم حنون
_يلا لازم تفوق..شايف الكل خاېف عليك قد إيه
ضحك مصطفى بخفوت رفع كفه المرتجف ثم همس
_إن شاء الله هتعمل العملية وهترجع أحسن من الأول..
لقيت متبرع وخلال أيام هينزل مصر والدكتور اللي هيمسك العملية من أحسن الناس في المجال ده..
منقدرش على بعدك يادرش.
ساد الصمت لحظة لم يسمع فيها سوى أنين الأجهزة وارتجاف النفس بين الرجاء والخۏف
بين حفيد يمسك بالأمل كأنه وعد حياة وجد يبتسم وهو يودع بعينيه الحنون
انسابت دموع مصطفى وهو يحدق في عيني يوسف وخرج صوته متهدجا كأن كل نفس يقتطع من روحه
_عايز أحضر فرح يوسف يا إلياس... ممكن تحقق لأبوك الأمنية دي
تجمد يوسف في مكانه ورفع نظراته التائهة بين وجه والده وملامح جده. اعتدل إلياس على مقعده بينما اقترب أرسلان بخطوات هادئة وقال بابتسامة واهنة
_إن شاء الله يا عمو..تقوم بالسلامة وهنعملهم أحلى فرح.
لكن مصطفى تمتم بصوت بالكاد سمع
_قبل العملية...
هزة عڼيفة اجتاحت جسد يوسف كأن الكلمة صڤعة أيقظت بداخله كل خوف دفين تراجع خطوتين للخلف وهو يرسم ابتسامة مرتجفة
_هروح أنام..تعبت تصبحوا على خير.
تبعته نظرات أرسلان بقلق صامت بينما رمقت ميرال إلياس بنظرة غامرة بالحزن ثم جلست جوار مصطفى على طرف الفراش وقالت بصوت رقيق
_حبيبي المهم صحتك دلوقتي..إزاي هنعمل فرح وإنت لسه تعبان
أومأت فريدة تؤكد حديثها تبتلع غصة في حلقها
_خف يا مصطفى وكل اللي نفسك فيه هيتحقق.
صمت ثقيل كأن انفاسها اختنقت بۏجعها..اكتفى أرسلان

بنظرة طويلة نحوهم ثم استأذن وغادر..
دلف يوسف إلى غرفته بخطوات متعثرة كأن الأرض ترفض أن تحمله..
عيناه تائهتان في الفراغ وصدره يعلو ويهبط بأنفاس متقطعة كل سؤال ينهشه كوحش جائع
هل سيتزوج هل سيكرر الألم ذاته
توقف أمام المرآة نظر إلى انعكاسه وكأنه يرى غريبا لا يعرفه..
_هو إنت أهبل
همس لنفسه وهو يحدق بعينيه المحمرتين
_ماإنت عارف الخطوة الجاية..الفرح
ولا كنت ناوي تهرب هتقدر..تفتكر هتقدر تعيش بعيد عنها بعد ماحبيتها..
وتقلل من أبوك
تقطعت أنفاسه وارتجف جسده كمن يختنق من داخله..وقلبه ېنزف وعقله ېصرخ بالهرب ولا مفر من الاثنين.
ظل واقفا للحظات بدت له دهورا حتى دوى طرق على الباب تبعه دخول إلياس.
تجول ببصره في الغرفة ثم ثبت نظره عليه
_نتكلم هنا ولا تحت
رفع يوسف وجهه نحوه وقال بصوت يتهدج بين دموع محپوسة
_حبتها.. إنت اللي عملت فيا كده ليه وجعتني كده يا بابا
بقيت واقف في نص البحرلا عارف أرجع ولا عارف أعدي.
اقترب إلياس منه بخطوات بطيئة كأنه يخشى أن ينهار أحدهما لو اقترب أكثر.
اخترق عينا ابنه التي تحررت دموعها لم يفعل شيئا سوى أن احتواه
يحاول أن يخفي ارتجافه حتى لا يظهر ضعفه أمام ابنه
_حبيبي ممكن تهدى علشان نعرف نتكلم
ما تخلنيش أحس بالذنب..وتقول عليا